IND Vs WI Series: அணிக்கு திரும்பிய கீமர் ரோச்... பொல்லார்ட் தலைமையில் இந்தியாவை எதிர்கொள்ளும் வெஸ்ட் இண்டீஸ் அணி அறிவிப்பு
இந்தியா - வெஸ்ட் இண்டீஸ் அணிகள் மோதும் 3 ஒரு நாள் போட்டிகளும் அகமதாபாத் மைதானத்திலும், 3 டி20 போட்டிகளும் கொல்கத்தாவிலும் நடைபெற உள்ளதாக பிசிசிஐ அறிவித்தது.
இந்தியாவில் சுற்றுப்பயணம் மேற்கொள்ள இருக்கும் வெஸ்ட் இண்டீஸ் அணி, ஒரு நாள் மற்றும் டி20 போட்டிகளில் விளையாட உள்ளது. பிப்ரவரி 6-ம் தேதி 3 போட்டிகள் கொண்ட ஒரு நாள் தொடரும், பிப்ரவரி 16-ம் தேதி 3 போட்டிகள் கொண்ட டி20 தொடரும் தொடங்க உள்ளது. இந்நிலையில், இந்தியாவுக்கு எதிராக களமிறங்கும் 15 பேர் கொண்ட வெஸ்ட் இண்டீஸ் அணி அறிவிக்கப்பட்டுள்ளது.
கொரோனா, ஒமிக்ரான் பரவல் காரணமாகவும் மற்றும் மூன்றாவது அலை பயம் காரணமாக இந்தியாவில் நடக்கும் கிரிக்கெட் போட்டிகளை பாதுகாப்பான முறையில் நடத்த வேண்டிய கட்டாயம் உள்ளது. இதனால், இந்தியா - வெஸ்ட் இண்டீஸ் அணிகள் மோதும் 3 ஒரு நாள் போட்டிகளும் அகமதாபாத் மைதானத்திலும், 3 டி20 போட்டிகளும் கொல்கத்தாவிலும் நடைபெற உள்ளதாக பிசிசிஐ அறிவித்தது.
வெஸ்ட் இண்டீஸ், ஒரு நாள் அணி விவரம்:
பொல்லார்ட் (கேப்டன்), ஃபேபியன் ஆலன், போனர், டேரன் ப்ராவோ, ப்ரூக்ஸ், ஜேசன் ஹோல்டர், ஹோப், ஹெசெயின், ஜோசஃப், பிராண்டன் கிங், பூரன், கீமர் ரோச், செஃபெர்ட், ஸ்மித், வல்ஷ் ஜூனியர்.
ICYMI - WI are off to India!✈ #INDvWI https://t.co/ZVaVlQusJV pic.twitter.com/TbBqZsaVxe
— Windies Cricket (@windiescricket) January 27, 2022
கீமர் ரோச், போனர், பிராண்டன் கிங் ஆகியோர் மீண்டும் ஒரு நாள் அணிக்கு திரும்பியுள்ளனர். பொல்லார்ட் தலைமையிலான இந்த அணியில், இளம் வீரர்களும், அனுபவ வீரர்களும் சேர்ந்து இடம் பெற்றுள்ளனர்.
இந்திய அணியைப் பொருத்தவரை, ரோகித் சர்மா தலைமையிலான 18 பேர் கொண்ட அணியை அகில இந்திய மூத்த தேர்வுக் குழு தேர்வு செய்துள்ளது.
ஒருநாள் அணி விவரம்:
ரோஹித் சர்மா (கேப்டன்), கே.எல். ராகுல் (துணை கேப்டன்), ருதுராஜ் கெய்க்வாட், ஷிகர் தவான், விராட் கோலி, சூர்ய குமார் யாதவ், ஷ்ரேயாஸ் ஐயர், தீபக் ஹூடா, ரிஷப் பண்ட் (விக்கெட் கீப்பர்), தீபக் சாஹர், ஷர்துல் தாக்கூர், சாஹல், குல்தீப் யாதவ் , வாஷிங்டன் சுந்தர், ரவி பிஷ்னோய், முகமது சிராஜ், பிரசித் கிருஷ்ணா, ஆவேஷ் கான்.
வெஸ்ட் இண்டீஸ் அணிக்கு எதிரான தொடரில் ஜஸ்பிரித் பும்ரா, முகமது ஷமி ஆகியோருக்கு ஓய்வு அளிக்கப்பட்டுள்ளது. 2வது ஒருநாள் போட்டியில் இருந்து கேஎல் ராகுல் களமிறங்குவார் என்று தெரிவிக்கப்பட்டுள்ளது. ஜடேஜா முழங்காலில் ஏற்பட்ட காயம் காரணமாக குணமடைந்து வரும் நிலையில், ஒருநாள் மற்றும் டி20 போட்டிகளில் விளையாட மாட்டார் என்றும், அவருக்கு பதிலாக அக்சர் படேல் டி20 போட்டிகளில் விளையாடுவார் என்றும் கூறப்பட்டுள்ளது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
