odi world cup 2023: most sixes in world cup innings fastest world cup hundred by a pakistan batter fakhar zaman | Fakhar Zaman: பாகிஸ்தானுக்காக அதிவேக சதம்.. ஒரு இன்னிங்ஸில் அதிக சிக்ஸர்கள்

உலகக் கோப்பை போட்டிகளில் பாகிஸ்தான் அணிக்காக அதிவேக சதம் அடித்த வீரர் என்ற சாதனையை ஃபகார் ஜமான் படைத்துள்ளார்.

By : முகேஷ் | Updated at : 05 Nov 2023 10:51 AM (IST)

odi world cup 2023: most sixes in world cup innings fastest world cup hundred by a pakistan batter fakhar zaman Fakhar Zaman: பாகிஸ்தானுக்காக அதிவேக சதம்.. ஒரு இன்னிங்ஸில் அதிக சிக்ஸர்கள் - சாதனைகளை குவித்த ஃபகார் ஜமான்!

ஃபகார் ஜமான் (image source: twitter)

உலகக் கோப்பை 2023ல் நேற்றைய நியூசிலாந்து அணிக்கு எதிராக பாகிஸ்தான் தொடக்க வீரர் ஃபகர் ஜமான் வெறும் 63 பந்துகளில் சதத்தை கடந்தார். இதன்மூலம் உலகக் கோப்பை போட்டிகளில் பாகிஸ்தான் அணிக்காக அதிவேக சதம் அடித்த வீரர் என்ற சாதனையை ஃபகார் ஜமான் படைத்துள்ளார். முன்னதாக இந்த சாதனை இம்ரான் நசீர் பெயரில் இருந்தது. 2007 உலகக் கோப்பையில், இம்ரான் நசீர் 95 பந்துகள் சதம் அடித்திருந்த நிலையில், தற்போது இம்ரான் நசீரின் சாதனையை ஃபகார் ஜமான் முறியடித்துள்ளார்.

ஒருநாள் உலகக் கோப்பை வரலாற்றில் அதிவேக சதம்

கிளென் மேக்ஸ்வெல் 40 பந்துகள் - ஆஸ்திரேலியா vs நெதர்லாந்து - டெல்லி, 2023
ஐடன் மார்க்ரம் 49 பந்துகள் - தென்னாப்பிரிக்கா vs இலங்கை - டெல்லி, 2023
கெவின் ஓ பிரையன் 50 பந்துகள் - அயர்லாந்து vs இங்கிலாந்து - பெங்களூர், 2011
கிளென் மேக்ஸ்வெல் 51 பந்துகள் - ஆஸ்திரேலியா vs இலங்கை - சிட்னி, 2015
ஏபி டி வில்லியர்ஸ் 52 பந்துகள் - தென்னாப்பிரிக்கா vs வெஸ்ட் இண்டீஸ் - சிட்னி, 2015
இயான் மோர்கன் 57 பந்துகள் - இங்கிலாந்து vs ஆப்கானிஸ்தான் - மான்செஸ்டர், 2019
ஹென்ரிச் கிளாசென் 61 பந்துகள் - தென்னாப்பிரிக்கா vs இங்கிலாந்து - மும்பை, 2023
ரோஹித் சர்மா 63 பந்துகள் - இந்தியா vs ஆப்கானிஸ்தான் - டெல்லி, 2023
ஃபகார் ஜமான் 63 பந்துகள் - பாகிஸ்தான் vs நியூசிலாந்து - பெங்களூரு, 2023
குசல் மெண்டிஸ் 65 பந்துகள் - இலங்கை vs பாகிஸ்தான் - ஹைதராபாத், 2023
மேத்யூ ஹெய்டன் 66 பந்துகள் - ஆஸ்திரேலியா vs தென்னாப்பிரிக்கா - பாசெட்டரே, 2007
ஜான் டேவிசன் 67 பந்துகள் - கனடா vs வெஸ்ட் இண்டீஸ் - செஞ்சுரியன், 2003
பால் ஸ்டிர்லிங் 70 பந்துகள் - அயர்லாந்து vs நெதர்லாந்து - கொல்கத்தா, 2011
குமார் சங்கக்கார 70 பந்துகள் - இலங்கை vs இங்கிலாந்து - வெலிங்டன், 2015
ஆடம் கில்கிறிஸ்ட் 72 பந்துகள் - ஆஸ்திரேலியா vs இலங்கை - பிரிட்ஜ்டவுன், 2007
குமார் சங்கக்கார 73 பந்துகள் - இலங்கை vs பங்களாதேஷ் - மெல்போர்ன், 2015
ஷைமான் அன்வர் 79 பந்துகள் - ஐக்கிய அரபு எமிரேட்ஸ் vs அயர்லாந்து - பிரிஸ்பேன், 2015
பிரெண்டன் டெய்லர் 79 பந்துகள் - ஜிம்பாப்வே vs அயர்லாந்து - ஹோபர்ட், 2015

2023 உலகக் கோப்பையில் அதிக சிக்ஸர்கள்:

இதுவரை, இந்த உலகக் கோப்பையில் அதிக சிக்ஸர்களை அடித்தவர்கள் பட்டியலில் இந்திய கேப்டன் ரோஹித் சர்மா முதலிடத்தில் உள்ளார். இந்த தனித்துவமான பட்டியலில் தற்போது பாகிஸ்தான் அணியின் தொடக்க வீரர் ஃபகர் ஜமானும் இணைந்து மூன்றாவது இடத்தைப் பிடித்துள்ளார். உலகக் கோப்பை 2023ல் இதுவரை 3 போட்டிகளில் மட்டுமே விளையாடியுள்ள ஃபகார் ஜமான் 18 சிக்ஸர்களை அடித்துள்ளார். முதலிடத்தில் உள்ள ரோஹித் சர்மா 7 போட்டிகளில் 20 சிக்சர்கள் அடித்துள்ளார்.

இந்த பட்டியலில் ரோஹித் சர்மாவுக்கு அடுத்தபடியாக ஆஸ்திரேலியாவின் தொடக்க ஆட்டக்காரர் டேவிட் வார்னர் 2வது இடத்தில் உள்ளார். டேவிட் வார்னர் 7 இன்னிங்ஸ்களில் 20 சிக்ஸர்களையும் அடித்து இரண்டாவது இடத்தில் உள்ளார்.