Yograj Singh: புலியைக் கொன்றாரா யுவராஜ் சிங் தாத்தா? யோகராஜ் சிங் சொன்ன சர்ச்சை பதில்!

தன்னுடைய தந்தை  ஒரு புலியைக் கொன்றதாகவும், அதன் ரத்தத்தை தன் மீது பூசியதாகவும் கூறியிருக்கிறார் யுவராஜ் சிங் தந்தை யோகராஜ் சிங்.

யோகராஜ் சிங்

Source : x

தன்னுடைய தந்தை  ஒரு புலியைக் கொன்றதாகவும், அதன் ரத்தத்தை தன் மீது பூசியதாகவும் கூறியிருக்கிறார் யுவராஜ் சிங் தந்தை யோகராஜ் சிங். இவரது இந்த பேச்சு சமூகவலைதளங்களில் சர்ச்சையை ஏற்படுத்தி உள்ளது.

சச்சின் மகனுக்கு பயிற்சியளிக்கும் யுவராஜ் தந்தை:

இந்திய கிரிக்கெட் அணியில் 1983 காலக்கட்டத்தில் விளையாடியவர் யோகராஜ் சிங். இவர் இந்திய அணியின் நட்சத்திர வீரராக இருந்த யுவராஜ் சிங்கின் தந்தை. கிரிக்கெட்டில் பெரிய அளவில் யோகராஜ் சிங் ஜொலிக்காவிட்டாலும் தன் மகன் யுவராஜ் சிங்கை தன்னுடைய பயிற்சியின் மூலம் சர்வதேச கிரிக்கெட்டில் ஜொலிக்க வைத்தவர்.

இவரிடம் தான் இந்திய அணியின் ஜாம்பவான் சச்சின் டெண்டுல்கர் மகன் அர்ஜூன் டெண்டுல்கர் பயிற்சி மேற்கொண்டு வருகிறார். யோகராஜ் சிங்கிற்கு ஒரு அகாடமி உள்ளது, அதன் வீடியோக்கள் சமூக ஊடகங்களில் காணப்படுகின்றன. அந்த வீடியோக்களில், யோகராஜ் சிங் தான் ஒரு கடினமான பயிற்சியாளர் என்ற கருத்தை முன் வைக்கிறார். இச்சூழலில் தான் அவரிடம் கேள்வி கேட்கப்பட்டது. யாராவது உங்கள் அகாடமியில் சேர விரும்பினால், அந்தக் குழந்தை என்ன மனநிலையுடன் வர வேண்டும்?" யோகராஜ் சிங்கிடம் கேள்வி எழுப்பப்பட்டது.

என் தந்தை புலியைக் கொன்றார்: 

அதற்கு அவர்,"முதலில், மரண பயம் முடிவுக்கு வர வேண்டும். எனக்கு மூன்று வயதாக இருக்கும் போது, ​​​​என் அப்பா அம்மாவிடம் புலி வேட்டைக்கு செல்கிறோம் என்று கூறினார். என் அம்மா பயந்தார். என் அப்பா சொன்னார், "அவர் இறந்தால் அது வெற்றிபெறாது. எந்த மாற்றமும் செய்ய வேண்டாம். ஆனால் நான் அவனை புலி போல் ஆக்கி விடுவேன்.

அதனால் அந்த மூன்று வயதுக் குழந்தை தனது தாயுடன் களதுங்கிக் காட்டில் அமர்ந்திருக்கிறது. என் தந்தை துப்பாக்கியை ஏந்தியிருந்தார், அது ஒரு நிலவு இரவு. நாங்கள் ஒரு உயர்ந்த மேடையில் அமர்ந்திருந்தோம் . பின்னர் புலி வந்தது, குழந்தை கத்தப் போகிறது, ஆனால் என் அம்மா அவரது வாயைப் பிடித்தார். அப்போது என் அப்பா புலியை ஆறடியில் இருந்து சுட்டார். குழந்தை பேசாமல் இருந்தது. என் அப்பா என் அம்மாவிடம் என்னை கீழே இறக்கச் சொன்னார். பிறகு அவர் என்னைப் பிடித்துக் கொண்டு, "புலிக்குட்டி புல் சாப்பிடாது"என்றார். அந்தக் குரல் எதிரொலியாகச் சென்றது. என்னை புலியின் மீது உட்கார வைத்து அதன் ரத்தத்தை என் உதடுகளிலும் நெற்றியிலும் பூசினார்.

அந்த புகைப்படம் இன்னும் என் வீட்டில் உள்ளது.எனது அகாடமி அப்படித்தான் என்று நினைக்கிறேன். யுவராஜை அப்படி ஆக்கிவிட்டேன்" என்று கூறியுள்ளார். தன் தந்தை புலியை கொன்று தன் மீது அதன் ரத்தத்தை பூசியதாக யோகராஜ் சிங் கூறியிருப்பது சர்ச்சையை கிளப்பியுள்ளது. யோகராஜ் சிங் இந்தியாவுக்காக ஒரு டெஸ்ட் மற்றும் 6 ஒருநாள் போட்டிகளில் விளையாடி இருக்கிறார் என்பது குறிப்பிடத்தக்கது.