இந்தியா – தென்னாப்ரிக்கா அணிகளுக்கு இடையேயான முதல் டெஸ்ட் போட்டி செஞ்சுரியன் மைதானத்தில் நடைபெற்று வருகிறது. இந்தப் போட்டியின் முதல் நாள் ஆட்டநேர முடிவில் 3 விக்கெட் இழப்பிற்கு 272 ரன்கள் எடுத்திருந்தது இந்திய அணி. இரண்டாம் நாள் ஆட்டம் மழை காரணமாக ரத்து செய்யப்பட்டது.

அதனை தொடர்ந்து நடைபெற்ற மூன்றாம் நாள் ஆட்டத்தில், 327 ரன்களுக்கு அனைத்து விக்கெட்களையும் இழந்து முதல் இன்னிங்ஸை முடித்து கொண்டது. அதனை தொடர்ந்து களமிறங்கிய தென்னாப்ரிக்க அணி, ஷமியின் வேகத்தில் அடுத்தடுத்து விக்கெட்டுகளை இழந்து தடுமாறியது. மூன்றாம் நாள் ஆட்டம் முடிவதற்குள் அனைத்து விக்கெட்டுகளையும் இழந்து 197 ரன்கள் மட்டுமே எடுத்தது தென்னாப்ரிக்க அணி. அதனை அடுத்து, மூன்றாவது நாள் ஆட்ட நேர முடிவில் இரண்டாவது இன்னிங்ஸை தொடங்கி இருந்த இந்திய அணி, 1 விக்கெட் இழப்பிற்கு 16 ரன்கள் எடுத்திருக்கிறது. இன்று நான்காவது நாள் ஆட்டம் நடைபெற உள்ளது.

21:48 PM (IST) • 29 Dec 2021

4ஆம் நாள் ஆட்டநேர முடிவில் தென்னாப்பிரிக்க அணி 94/4

இந்திய அணிக்கு எதிரான முதல் டெஸ்ட் போட்டியின் நான்காம் நாளின் முடிவில் தென்னாப்பிரிக்க அணி 94 ரன்களுக்கு 4 விக்கெட் இழந்துள்ளது. இந்திய அணி வெற்றி பெற இன்னும் 6 விக்கெட்கள் மட்டுமே தேவைப்படுகிறது.

20:34 PM (IST) • 29 Dec 2021

தென்னாப்பிரிக்க கேப்டன் டின் எல்கர் நிதான ஆட்டம்

இந்தியாவிற்கு எதிரான முதல் டெஸ்ட் போட்டியில் தென்னாப்பிரிக்கா அணி நிதான ஆட்டத்தை வெளிப்படுத்தி வருகிறது. 27 ஓவர்களின் முடிவில் 2 விக்கெட் இழப்பிற்கு 65 ரன்களை தென்னாப்பிரிக்கா எடுத்துள்ளது. கேப்டன் டின் எல்கர் 37 ரன்களுடன் நிதானமாக ஆடி வருகிறார்.