IND vs SA 3rd T20: அதிரடி காட்டிய இந்திய வீரர்கள் .. தென் ஆப்பிரிக்காவுக்கு 180 ரன்கள் இலக்கு!
தென்னாப்பிரிக்க கிரிக்கெட் அணி டி20 கிரிக்கெட் போட்டியில் ஆடுவதற்காக இந்தியாவில் சுற்றுப்பயணம் மேற்கொண்டு விளையாடி வருகிறது.
இந்திய அணிக்கெதிரான 3வது டி20 போட்டியில் தென்னாப்பிரிக்கா அணி வெற்றி பெற 180 ரன்கள் இலக்கு நிர்ணயிக்கப்பட்டுள்ளது.
தென்னாப்பிரிக்க கிரிக்கெட் அணி டி20 கிரிக்கெட் போட்டியில் ஆடுவதற்காக இந்தியாவில் சுற்றுப்பயணம் மேற்கொண்டு விளையாடி வருகிறது. டெல்லியில் நடைபெற்ற முதல் டி20 கிரிக்கெட் போட்டியில் தென்னாப்பிரிக்க அணி டேவிட் மில்லர் மற்றும் வான்டர் டுசென் அதிரடியால் வெற்றி பெற்றது.
Innings Break! #TeamIndia post 179/5 on the board on the back of fifties from @Ruutu1331 & @ishankishan51 and a cameo from @hardikpandya7! 👏 👏
— BCCI (@BCCI) June 14, 2022
Over to our bowlers now. 👍 👍
Scorecard ▶️ https://t.co/mcqjkCj3Jg#INDvSA | @Paytm pic.twitter.com/nMQqlO7nBX
இதேபோல் ஒடிசா மாநிலத்தில் உள்ள கட்டாக் மைதானத்தில் நடைபெற்ற 2வது டி20 போட்டியில் அதிரடியாக விளையாடிய க்ளாசன் அரைசதம் அடிக்க தென்னாப்பிரிக்கா அணி 4 விக்கெட் வித்தியாசத்தில் வெற்றி பெற்று 5 போட்டிகள் கொண்ட தொடரில் 2-0 என்ற கணக்கில் முன்னிலை வகிக்கிறது. இந்நிலையில் 3வது டி20 போட்டி விசாகப்பட்டினத்தில் இன்று நடைபெற்று வருகிறது.
இப்போட்டியில் டாஸ் வென்ற தென்னாப்பிரிக்கா அணி முதலில் பவுலிங்கை தேர்வு செய்துள்ளது. இதன்படி களமிறங்கிய இந்திய அணி வீரர்கள் ருத்துராஜ் கெய்க்வாட், இஷான் கிஷன் இருவரும் தொடக்க முதலே அதிரடி காட்டினர். இதனால் இந்திய அணியின் ரன் வேகம் உயர்ந்தது. ருத்துராஜ் கெய்க்வாட் 57 ரன்களும், இஷான் கிஷன் 54 ரன்களும் விளாசி நல்ல தொடக்க கொடுத்தாலும் பின்னால் வந்த வீரர்கள் அதனைப் பயன்படுத்த தவறினர்.
கடைசி நேரத்தில் ஹர்திக் பாண்ட்யா 31 ரன்கள் விளாச இந்திய அணி 20 ஓவர்கள் முடிவில் 5 விக்கெட் இழப்புக்கு 179 ரன்கள் எடுத்தது. இதனைத் தொடர்ந்து 180 ரன்கள் எடுத்து வெற்றி பெறும் முனைப்பில் தென்னாப்பிரிக்கா அணி களமிறங்கியுள்ளாதால் இப்போட்டி விறுவிறுப்பாக அமைந்துள்ளது.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
