IND-W vs AUS-W LIVE: இறுதி வரை போராடிய இந்தியா..! திரில் வெற்றி பெற்று இறுதிப்போட்டிக்கு முன்னேறிய ஆஸ்திரேலியா

மகளிர் டி-உலகக்கோப்பை தொடரின் அரையிறுதிப்போட்டியில் இந்தியா - ஆஸ்திரேலிய அணிகள் இன்று மோத உள்ளன.

Background

தென்னாப்ரிக்காவில் நடைபெறும் மகளிர் டி-உலகக்கோப்பை தொடரின் அரையிறுதிப்போட்டியில் இந்தியா - ஆஸ்திரேலிய அணிகள் இன்று மோத உள்ளன. லீக் போட்டிகளின் முடிவில் குரூப் ஏ பிரிவில் ஆஸ்திரேலியா அணி முதலிடத்தையும், குரூப் பி பிரிவில் இந்திய அணி இரண்டாவது இடத்தையும் பிடித்து, தொடரின் முதல் அரையிறுதிப் போட்டியில் மோத உள்ளன. ஆஸ்திரேலிய அணி மெக் லானிங் தலைமையில் களமிறங்க, இந்திய அணி கேப்டன் ஹர்மன் பிரீத் கவுர் இன்றைய போட்டியில் களமிறங்குவாரா என்பது சந்தேகமாக உள்ளது.

போட்டி நேரம்:

தென்னாப்பிரிக்காவில் உள்ள கேப்டவுன் நியூலேண்டில் இந்திய நேரப்படி இன்று மாலை 6.30 மணிக்கு போட்டி தொடங்குகிறது. போட்டியை  ஸ்டார் ஸ்போர்ட்ஸ் நெட்வொர்க்கிலும், டிஸ்னி+ ஹாட்ஸ்டாரிலும் நேரலையாக பார்க்கலாம்.

நேருக்கு நேர்:

இந்தியா மகளிர் மற்றும் ஆஸ்திரேலியா மகளிர் இடையே இதுவரை 30 டி20 போட்டிகள் நடைபெற்றுள்ளன. அதில், ஆஸ்திரேலிய அணி 22 முறை வெற்றிபெற்று ஆதிக்கம் செலுத்தியுள்ளது. மீதமுள்ள 7 போட்டிகளில் மட்டுமே இந்திய அணி வெற்றிபெற்றுள்ளது. ஒரு போட்டி முடிவில்லாமல் முடிந்தது. கடைசியாக கடந்த ஆண்டு டிசம்பர் மாதம் இரு அணிகளும் நேரடி டி20 போட்டிகளில் மோதியது. அதில், இந்திய அணியை 54 ரன்கள் வித்தியாசத்தில் ஆஸ்திரேலிய அணி வீழ்த்தியது. இரு அணிகளுக்கு இடையே நடந்த கடைசி ஐந்து டி20 போட்டிகளில், ஆஸ்திரேலிய அணி 4 முறையும், இந்திய அணி ஒருமுறையுமே வெற்றிபெற்றுள்ளது. 

ஹர்மன் பிரீத் விளையாடுவாரா?

நடப்பு உலகக்கோப்பை தொடரில் இந்திய அணிக்கான அனைத்து போட்டிகளிலும் விளையாடிய ஆல்-ரவுண்டரான பூஜா வஸ்த்ரகர் திடீர் உடல்நலக்குறைவால் தொடரில் இருந்து விலகியுள்ளார். அவருக்கு மாற்றாக ஸ்னே ரானா இந்திய அணியில் சேர்க்கப்பட்டுள்ளார். அதோடு, கேப்டன் ஹர்மன் பிரீத் கவுரும் திடீர் உடல்நலக்குறைவால் மருத்துவமனையில் அனுமதிக்கப்பட்டுள்ளதாக தகவல் வெளியாகியுள்ளது. அதேநேரம், அவர் இன்றைய போட்டியில் விளையாடுவாரா இல்லையா என்பது குறித்து இறுதி நேரத்தில் முடிவு எடுக்கப்படும் என கூறப்படுகிறது. ஒருவேளை ஹர்மன் பிரீத் கவுர் விளையாடவிட்டால், துணை கேப்டனான ஸ்மிருதி மந்தனா இந்திய அணியை வழிநடத்துவார் என எதிர்பார்க்கப்படுகிறது.

உத்தேச இந்திய அணி: 

ஸ்மிருதி மந்தனா, ஷஃபாலி வர்மா, ஜெமிமா ரோட்ரிக்ஸ், ஹர்மன்ப்ரீத் கவுர் (கேப்டன்), ரிச்சா கோஷ் (விக்கெட் கீப்பர்), தேவிகா வைத்யா, தீப்தி சர்மா, ஸ்னே ரானா, ஷிகா பாண்டே, ராஜேஸ்வரி கயக்வாட், ரேணுகா தாக்கூர் சிங்

உத்தேச ஆஸ்திரேலியா அணி: 

பெத் மூனி (விக்கெட் கீப்பர்), எலிஸ் பெர்ரி, மெக் லானிங் (கேப்டன்), ஆஷ்லீ கார்ட்னர், தஹ்லியா மெக்ராத், கிரேஸ் ஹாரிஸ், ஜார்ஜியா வேர்ஹாம், அனாபெல் சதர்லேண்ட், அலனா கிங், மேகன் ஷட், டார்சி பிரவுன்

21:44 PM (IST)  •  23 Feb 2023

இறுதி வரை போராடிய இந்தியா..! திரில் வெற்றி பெற்று இறுதிப்போட்டிக்கு முன்னேறிய ஆஸ்திரேலியா

ஆஸ்திரேலிய அணிக்கு எதிரான அரையிறுதி போட்டியில் இந்திய அணி 5 ரன்கள் வித்தியாசத்தில் போராடி தோல்வி அடைந்தது. 

21:44 PM (IST)  •  23 Feb 2023

இறுதி வரை போராடிய இந்தியா..! திரில் வெற்றி பெற்று இறுதிப்போட்டிக்கு முன்னேறிய ஆஸ்திரேலியா

ஆஸ்திரேலிய அணிக்கு எதிரான அரையிறுதி போட்டியில் இந்திய அணி 5 ரன்கள் வித்தியாசத்தில் போராடி தோல்வி அடைந்தது. 

21:25 PM (IST)  •  23 Feb 2023

6வது விக்கெட்டை இழந்த இந்திய அணி..

14 ரன்கள் எடுத்து இருந்தபோது ரிச்சா கோஷ் கேட்ச் முறையில் அவுட்டானார்

21:17 PM (IST)  •  23 Feb 2023

அபாரமாக ஆடி அரைசதம் அடித்து இந்திய கேப்டன் அவுட்..! இனி என்ன நடக்கும்?

இந்திய அணிக்காக அபாரமாக ஆடி அரைசதம் அடித்து நம்பிக்கை அளித்த ஹர்மன்பிரீத்கவுர் 52 ரன்களில் ஆட்டமிழந்தார். 

21:15 PM (IST)  •  23 Feb 2023

மனம் தளராத கவுர்..! அரைசதம் அடித்து இந்தியாவிற்காக போராடும் கேப்டன்

இந்திய அணியின் கேப்டன் ஹர்மன்பிரீத் கவுர் உடல்நிலை முடியாத சூழலிலும் இந்திய அணிக்காக அபாரமாக ஆடி அரைசதம் அடித்து அசத்தியுள்ளார்.