IND vs WI: 'வந்துட்டோம்'.. வெஸ்ட் இண்டீஸ் சென்று அடைந்த இந்திய அணி... வைரல் வீடியோ.!
இந்தியா-வெஸ்ட் இண்டீஸ் அணிகளுக்கு இடையேயான முதல் ஒருநாள் போட்டி வரும் வெள்ளிக்கிழமை தொடங்குகிறது.
இங்கிலாந்து தொடருக்கு பின்பு இந்திய அணி வெஸ்ட் இண்டீஸ் அணிக்கு எதிரான ஒருநாள் மற்றும் டி20 போட்டிகள் கொண்ட தொடரில் பங்கேற்க உள்ளது. இதற்காக இந்திய அணியின் வீரர்கள் இங்கிலாந்து நாட்டிலிருந்து வெஸ்ட் இண்டீஸ் சென்றுள்ளனர்.
இந்திய அணி வெஸ்ட் இண்டீஸ் சென்றது தொடர்பான வீடியோவை பிசிசிஐ தற்போது தன்னுடைய ட்விட்டர் பக்கத்தில் பதிவிட்டுள்ளது. இந்த வீடியோவில் இந்திய அணியின் வீரர்கள் ஓட்டலில் வந்து சேர்வது போல் காட்சிகள் இடம்பெற்றுள்ளன. இந்திய அணி டிரினிடாட் அண்ட் டோபாகோவிற்கு சென்றுள்ளனர்.
Trinidad - WE ARE HERE! 👋😃#TeamIndia | #WIvIND pic.twitter.com/f855iUr9Lq
— BCCI (@BCCI) July 20, 2022
வெஸ்ட் இண்டீஸ் அணிக்கு எதிராக முதலில் ஒருநாள் தொடர் நடைபெற உள்ளது. அந்த ஒருநாள் தொடருக்கு ஷிகர் தவான் கேப்டனாக நியமிக்கப்பட்டுள்ளார். ரோகித் சர்மா, ரிஷப் பண்ட், விராட் கோலி, பும்ரா உள்ளிட்ட வீரர்களுக்கு ஒருநாள் தொடரில் ஓய்வு அளிக்கப்பட்டுள்ளது.
ஒருநாள் போட்டி அட்டவணை:
ஜூலை 22- முதல் ஒருநாள் போட்டி
ஜூலை 24-இரண்டாவது ஒருநாள் போட்டி
ஜூலை-27-மூன்றாவது ஒருநாள் போட்டி
ஒருநாள் போட்டிகளை தொடர்ந்து டி20 போட்டிகள் நடைபெற உள்ளது. இந்தத் டி20 தொடருக்கான இந்திய அணியில் ரோகித் சர்மா மீண்டும் இணைய உள்ளார். ரிஷப் பண்டும் இந்திய டி20 அணியில் இடம்பெற்றுள்ளார். விராட் கோலிக்கு மட்டும் இந்தத் தொடர் முழுவதும் ஓய்வு அளிக்கப்பட்டுள்ளது.
டி20 தொடர் அட்டவணை:
ஜூலை 29- முதல் டி20 போட்டி
ஆகஸ்ட் 1-இரண்டாவது டி20 போட்டி
ஆகஸ்ட் 2-மூன்றாவது டி20 போட்டி
ஆகஸ்ட் 6- நான்காவது டி20 போட்டி
ஆகஸ்ட் 7-ஐந்தாவது டி20 போட்டி
ஒருநாள் தொடருக்கான இந்திய அணி: ஷிகர் தவான்(கேப்டன்),ருதுராஜ் கெய்க்வாட்,சுப்மன் கில்,தீபக் ஹூடா,சூர்யகுமார் யாதவ்,ஸ்ரேயாஸ் ஐயர்,இஷான் கிஷன்,சஞ்சு சாம்சன்,ரவீந்திர ஜடேஜா,ஷர்துல் தாகூர்,சாஹல், அக்சர் பட்டேல், அவேஷ் கான்,பிரசித் கிருஷ்ணா,முகமது சிராஜ், அர்ஷ்தீப் சிங்
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
