IND Vs ENG 2ND ODI: தொடரை வெல்லுமா இந்தியா? இன்று களமிறங்குவாரா கோலி? இங்கிலாந்து உடன் 2வது ஒருநாள் போட்டி
IND Vs ENG 2nd ODI: இந்தியா - இங்கிலாந்து அணிகளுக்கு இடையேயான இரண்டாவது ஒருநாள் போட்டி இன்று நடைபெற உள்ளது.
IND Vs ENG 2nd ODI: இந்தியா - இங்கிலாந்து அணிகளுக்கு இடையேயான இரண்டாவது ஒருநாள் போட்டி, ஒடிஷாவின் கட்டக்கில் உள்ள பரபதி மைதானத்தில் நடைபெற உள்ளது.
இந்தியா Vs இங்கிலாந்து - 2வது ஒருநாள் போட்டி
இந்தியாவில் சுற்றுப்பயணம் மேற்கொண்டுள்ள இங்கிலாந்து அணி, ஏற்கனவே 5 போட்டிகள் கொண்ட டி20 தொடரை 4-1 என இழந்தது. இந்நிலையில் தான், இரு அணிகளுக்கு இடையேயான 3 போட்டிகள் கொண்ட ஒருநாள் கிரிக்கெட் தொடர் நடைபெற்று வருகிறது. நாக்பூரில் நடைபெற்ற முதல் போட்டியில் இந்திய அணி 4 விக்கெட்டுகள் வித்தியாசத்தில் வென்று, தொடரில் 1-0 என முன்னிலை வகிக்கிறது. இந்த சூழலில் தான் இந்தியா மற்றும் இங்கிலாந்து அணிகளுக்கு இடையேயான இரண்டாவது ஒருநாள் போட்டி இன்று நடைபெற உள்ளது.
தொடரை வெல்லுமா இந்திய அணி?
இந்தியா - இங்கிலாந்து அணிகளுக்கு இடையேயான இரண்டாவது ஒருநாள் போட்டி, ஒடிஷா மாநிலத்தின் கட்டக்கில் உள்ள பரபதி மைதானத்தில் பிற்பகல் 1.30 மணிக்கு தொடங்குகிறது. போட்டியின் நேரலையை தொலைக்காட்சியில் ஸ்டார் ஸ்போர்ட்ஸ் அலைவரிசையிலும், ஒடிடியில் Disney+ Hotstar செயலி மற்றும் இணையதளத்திலும் ரசிகர்கள் கண்டுகளிக்கலாம். இந்த போட்டியில் வென்று தொடரை கைப்பற்ற இந்திய அணியும், போட்டியில் வென்று தொடரை வெல்வதற்கான வாய்ப்பை நீட்டிக்க இங்கிலாந்து அணியும் தீவிரம் காட்டுகின்றன. இதனால் இன்றயை போட்டியில் அனல் பறக்கும் என எதிர்பார்க்கப்படுகிறது.
இந்திய அணியின் பலம், பலவீனம் - கோலி?
உள்ளூர் ரசிகர்கள் மற்றும் மைதானத்தின் சூழல் இந்திய அணிக்கு பெரும் பலமாக இருக்கும். கடந்த சில மாதங்களாக மோசமான ஃபார்மில் தவித்து வரும் கேப்டன் ரோகித் சர்மா, கடைசி போட்டியிலும் சொதப்பியதால் ரசிகர்கள் பெரும் ஏமாற்றத்தில் உள்ளனர். அதேநேரம் , காயம் காரணமாக கடந்த போட்டியில் விளையாடாத கோலி, இன்றைய போட்டியில் களமிறங்குவார் என எதிர்பார்க்கப்படுகிறது. ஸ்ரேயாஸ் அய்யர் மற்றும் கே.எல். ராகுல் ஆகியோர் நல்ல ஃபார்மில் தொடர்வது அணிக்கு பலத்தை தருகிறது. கடந்த போட்டியில் ஷமி தலைமையிலான பவுலிங் யூனிட் ஆரம்பத்தில் ரன்களை வாரி கொடுத்தாலும், பின்பு சுதாரித்துக் கொண்டு இங்கிலாந்து அணியை கட்டுப்படுத்தினர். இதேநிலை தொடர்ந்தால், இன்றைய போட்டியிலும் வென்று தொடரை இந்திய அண் கைப்பற்றலாம்.
நேருக்கு நேர்:
இந்தியா - இங்கிலாந்து அணிகளுக்கு இடையே இதுவரை, 108 ஒருநாள் போட்டிகள் நடைபெற்றுள்ளன. அதில் இந்தியா 59 போட்டிகளிலும், இங்கிலாந்து 44 போட்டிகளிலும் வெற்றி பெற்றுள்ளது. 2 போட்டிகள் சமனில் முடிய, 3 போட்டிகளில் முடிவு எட்டப்படவில்லை.
மைதானம் எப்படி?
கட்டாக்கில் உள்ள பராபதி மைதானம் அதிக ரன்கள் குவிக்கும் மைதானம் அல்ல, 1982 முதல் இங்கு விளையாடியுள்ள 38 இன்னிங்ஸ்களில் ஆறு இன்னிங்ஸ்களில் மட்டுமே 300 ரன்கள் கடக்கப்பட்டுள்ளது. இருப்பினும், அந்த 300-க்கும் மேற்பட்ட ஸ்கோர்களில் நான்கு கடந்த எட்டு ஆண்டுகளில் வந்துள்ளன என்பது, மைதானம் பேட்ஸ்மேன்களுக்கு சிறப்பாக மாறி வருவதைக் குறிக்கிறது. இந்த மைதானத்தில் ஒருநாள் போட்டிகளில் வேகப்பந்து வீச்சாளர்கள் தங்கள் சுழற்பந்து வீச்சாளர்களை (88) விட அதிக விக்கெட்டுகளை (137) வீழ்த்தியிருந்தாலும், சுழற்பந்துவீச்சாளர்களால் இங்கு ரன்களை கட்டுப்படுத்த முடியும்.
பனியின் தாக்கம்
மாலையில் பனி பெய்ய வாய்ப்புள்ளதால், டாஸ் வெல்லும் அணி பந்துவிச்சையே தேர்வு செய்யும்.
உத்தேச பிளேயிங் லெவன்:
இந்தியா: ரோகித் சர்மா(கேப்டன்), சுப்மன் கில், ஷ்ரேயாஸ் ஐயர், விராட் கோலி, கே.எல். ராகுல்(டபிள்யூ), ஹர்திக் பாண்டியா, அக்சர் படேல், ரவீந்திர ஜடேஜா, அர்ஷ்தீப் சிங், குல்தீப் யாதவ், முகமது ஷமி.
இங்கிலாந்து: பில் சால்ட்(வி.கே.), பென் டக்கெட், ஜோ ரூட், ஹாரி புரூக், ஜோஸ் பட்லர் (கேப்டன்), லியாம் லிவிங்ஸ்டோன், பிரைடன் கார்ஸ், ஜோஃப்ரா ஆர்ச்சர், கஸ் அட்கின்சன், அடில் ரஷீத், மார்க் வுட்
தலைப்பு செய்திகள்
ட்ரெண்டிங் செய்திகள்
