ICC T20 Rankings: பின்னுக்குத் தள்ளப்பட்ட கோலி, ஆறுதல் இடத்தில் ராகுல்! வெளியானது டி-20 ஐசிசி ரேங்கிங்!

டி-20 உலகக்கோப்பையில் இந்தியாவின் கடைசி மூன்று போட்டிகளில் தொடர்ந்து அரை சதம் அடித்த ராகுல், தரவரிசைப் பட்டியலில் முன்னேறி இருக்கிறார்.

ராகுல் - விராட்

நடப்பு டி-20 உலகக்கோப்பை தொடரில் நாக்-அவுட் சுற்றுக்கு தகுதிப் பெறாமல் சூப்பர் 12 சுற்றோடு முடிந்து கொண்டது இந்திய அணி. இந்நிலையில், டி-20 கிரிக்கெட்டில் டாப் பேட்டர்களின் பட்டியலை ஐசிசி இன்று வெளியிட்டது. இதில், நான்கு இடங்கள் பின் தங்கி விராட் கோலி எட்டாவது இடத்தைப் பிடித்துள்ளார். மற்றொரு இந்திய பேட்டரான ராகுல், ஐந்தாவது இடத்துக்கு முன்னேறி இருக்கிறார்.

After a strong #T20WorldCup campaign, Aiden Markram continues his climb 🧗‍♂️

Plenty of movement in the @MRFWorldwide T20I player rankings 👉 https://t.co/vJD0IY4JPU pic.twitter.com/Y7tTwgdvPM

— ICC (@ICC) November 10, 2021

டாப் பேட்டர்கள்:

இந்த பட்டியலில், 839 புள்ளிகளுடன் பாகிஸ்தான் அணி கேப்டன் பாபர் அசாம் முதல் இடத்தில் உள்ளார். இந்திய பேட்டர்களைப் பொருத்தவரை, ராகுல், கோலி ஆகிய இரண்டு பேரும் டாப் 10-ல் இடம் பிடித்துள்ளனர். டி-20 உலகக்கோப்பையில் இந்தியாவின் கடைசி மூன்று போட்டிகளில் தொடர்ந்து அரை சதம் அடித்த ராகுல், தரவரிசைப் பட்டியலில் முன்னேறி இருக்கிறார். ராகுல், 727 புள்ளிகளுடன் ராகுல் ஐந்தாவது இடத்திலும், 698 புள்ளிகளுடன் கோலி எட்டாவது இடத்திலும் உள்ளனர்.

டாப் பவுலர்கள்:

பவுலர்கள் பட்டியல், இந்திய அணியைச் சேர்ந்த எந்த பவுலரும் டாப் 10-ல் இடம் பிடிக்கவில்லை. இலங்கை வீரர் ஹசரங்கா முதல் இடத்திலும், தென்னாப்ரிக்காவின் ஷம்சி, இங்கிலாந்தின் அடில் ரஷீத் ஆகியோர் அடுத்தடுத்த இடங்களை பிடித்துள்ளனர்.

டாப் ஆல்-ரவுண்டர்கள்:

அதே போல, ஆல்-ரவுண்டர்களுக்கான பட்டியலிலும் இந்தியாவைச் சேர்ந்த யாரும் இடம் பிடிக்கவில்லை. ஆப்கானிஸ்தானின் முகமது நபி முதல் இடத்திலும், வங்கதேச வீரர் ஷகி- அல் - ஹசன் இரண்டாவது இடத்திலும், இலங்கையின் ஹசரங்கா மூன்றாவது இடத்திலும் உள்ளனர்.

மேலும் இன்றைய முக்கியச் செய்திகள்...

ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடிபில் வீடியோக்களை காண