Javagal Srinath: கூட்டத்தோடு கூட்டமாக ரயிலுக்கு காத்திருந்த கிரிக்கெட் வீரர் ஸ்ரீநாத்! திடீரென கூடிய கூட்டம்!

2003ல் கிரிக்கெட்டில் இருந்து ஓய்வு பெற்ற ஜவகல் ஸ்ரீநாத், 2017 ஆம் ஆண்டு மைசூரு ரயில் நிலையத்தில் ரயிலுக்காக காத்திருந்தபோது எடுக்கப்பட்ட புகைப்படம் லிங்க்ட்இனில் வெளியிடப்பட்டு வைரலாகி வருகிறது.

ஜவால் ஸ்ரீநாத்

ஆஷு சிங் என்ற லிங்க்ட்இன் பயனர் முன்னாள் கிரிக்கெட் வீரர் ஸ்ரீநாத்தின் புகைப்படத்தை வெளியிட்டார்.  அதில் அவர் மைசூர் ரயில் நிலையத்தில் ரயிலுக்காகக் காத்திருக்கிறார். கர்நாடகாவைச் சேர்ந்த முன்னாள் கிரிக்கெட் வீரர், பேக் அணிந்து, ரசிகருடன் போஸ் கொடுத்ததால், சட்டை வியர்வையில் நனைந்துள்ளது. “இது ஜவகல் ஸ்ரீநாத் மைசூர் ரயில் நிலையத்தில் தனது ரயிலுக்காகக் காத்திருக்கிறார். ஆம், நீங்கள் சரியாகப் படிக்கிறீர்கள். இந்த சிறந்த பந்து வீச்சாளர் எவ்வளவு எளிமையானவர். ஈகோ இல்லாத இந்த அற்புதமான நபரை நீங்கள் எப்படி விரும்பாமல் இருக்க முடியும். எங்கள் தலைமுறையின் சிறந்தவர்களில் ஒருவர் என அவர் கேப்ஷனில் குறிப்பிட்டிருந்தார். 

மூன்று நாட்களுக்கு முன்பு பதிவிடப்பட்ட இந்த பதிவு, இதுவரை 41,000க்கும் அதிகமான லைக்குகளைப் பெற்றுள்ளது. பல நெட்டிசன்கள் ஸ்ரீநாத்தை சந்தித்த தனிப்பட்ட அனுபவங்களைப் பகிர்ந்துகொண்டு அவரது எளிமையைப் பாராட்டியும் வருகின்றனர். அதில் ஒருவர், "நான் ஜே.பி.நகரில் உள்ள அவரது வீட்டில் இருந்து 500 மீட்டர் தொலைவில் தங்கியிருந்தேன், சுற்றுவட்டாரப் பகுதிகளில் அவரை பலமுறை சந்தித்து இருக்கிறேன். சாமானியனைப் போல் சுற்றித் திரிந்து தன் வேலைகளை தானே செய்து கொள்கிறார்.  அவர் ஜவகல் ஸ்ரீநாத் தானா என்று பலமுறை எனக்கு ஆச்சரியமாக இருக்கிறது,” என்று ஒரு லிங்க்ட்இன் பயனர் பகிர்ந்துள்ளார். “அவர் எல்லா காலத்திலும் மிகவும் அடக்கமான மற்றும் மரியாதைக்குரிய கிரிக்கெட் வீரர். பெங்களூர் விமான நிலையத்திலிருந்து மைசூர் செல்லும் KSRTC பேருந்தில் அவர் ஏறுவதை நானே பார்த்திருக்கிறேன்” என்று மற்றொரு பதிவில் பதிவிட்டுள்ளார். “

ஒரு கிரிக்கெட் ரசிகனாக, நான் ஒருமுறை மைசூர் - பெங்களூர் சதாப்தி எக்ஸ்பிரஸ்ஸில் அவரது ஓய்வுக்குப் பிறகு அவரை சந்தித்தேன். அது வெகு காலத்திற்கு முன்பு. அவர் உண்மையில் எந்த விதமான பந்தாவும் இல்லாமலும், ஈகோ இல்லாமல் எளிமையும், அடக்கமான தன்மையுடனும் காணப்படுகிறார்.  இந்த தன்மை தேர்ந்தெடுத்த தொழிலில் வாழ்க்கையில் சில உண்மையான சாதனைகளைப் பெற்றவர்களின் ஆளுமைக்கு ஒத்த பண்புகளாகும். மேலும், ஜவகல் ஸ்ரீநாத் நீண்ட காலத்திற்கு எங்களின் முதன்மையான மற்றும் மிகச்சிறந்த வேகப்பந்து வீச்சாளராக இருந்தார். சில உறுதியான மற்றும்  ஒரு தொழில்முறை கிரிக்கெட் வீரராக அவர் செய்த சாதனைகள் அவரது காலகட்டத்தில் முதலிடம் பெற்றவர்களில் எவரும் இல்லை.  அவரது எளிமையை மதிப்பதற்காக அவருக்கு பாராட்டுகளும் வாழ்த்துகளும் என மற்றொரு நபர் பகிர்ந்து இருந்தார். மூன்று ஆண்டுகளுக்குப் முன்னர் எடுக்கப்பட்ட இந்த புகைப்படம் தற்போது இணையத்தில் வைரலாகி வருகிறது. 

ஜவகல் ஸ்ரீநாத் மொத்தம் 67 சர்வதேச டெஸ்ட் போட்டிகளில் விளையாடி 236 விக்கெட்டுகள் வீழ்த்தியுள்ளார். குறிப்பாக பத்து விக்கெட்டுகள் ஒரு முறையும், ஐந்து விக்கெட்டுகள் பத்து முறையும் வீழ்த்தியுள்ளார். மேலும், நான்கு விக்கெட்டுகள் எட்டு முறையும் வீழ்த்தியுள்ளார். இதில் குறிப்பாக, டெஸ்ட் போட்டியில், இவர் நன்கு அரைசதம் உட்பட1,009 ரன்கள் அடித்துள்ளார். சர்வதேச ஒருநாள் போட்டியை பொறுத்தமட்டில், 229 போட்டிகளில் விளையாடி, 315 விக்கெட்டுகள் வீழ்த்தியுள்ளார். இதில் மிகவும் வேகமாக 300 விக்கெட்டுகள் வீழ்த்திய எட்டாவது வீரர் ஆவார்.