ENG vs AUS: ஸ்டீவ் ஸ்மித் ரன் அவுட்டா..? இல்லையா..? அம்பயர் நிதின் மேனன் கொடுத்த முடிவு.. நெட்டிசன்கள் விமர்சனம்!

5வது டெஸ்ட்டின் இரண்டாவது நாளான நேற்று ஸ்டீவ் ஸ்மித்தின் ரன் அவுட் முடிவு சர்ச்சையை ஏற்படுத்தியுள்ளது.

சர்ச்சைக்குரிய முடிவு ( Image Source : Twitter )

இங்கிலாந்து மற்றும் ஆஸ்திரேலியா இடையேயான 5வது டெஸ்ட் போட்டி ஓவல் மைதானத்தில் தற்போது நடைபெற்று வருகிறது. 5வது டெஸ்ட்டின் இரண்டாவது நாளான நேற்று ஸ்டீவ் ஸ்மித்தின் ரன் அவுட் முடிவு சர்ச்சையை ஏற்படுத்தியுள்ளது. ஓவல் டெஸ்ட் போட்டியில், இங்கிலாந்தின் மாற்று பீல்டர் மார்க் எல்ஹாம் வீசியதில், இரண்டாவது ரன் எடுப்பதற்காக ஸ்மித்தின் பேட் சற்று கிரீஸுக்கு வெளியே இருந்தது. ஸ்மித் முதல் அனைவரும் அவர் அவுட் என்று நினைத்தனர்.  ஆனால் மூன்றாவது நடுவர் நிதின் மேனன் அவரை நாட் அவுட் கொடுத்தபோது, அந்த முடிவானது அனைவரையும் அதிர்ச்சியை அளித்தது. 

We have received a few questions regarding the decision in the below video.

Law 29.1 states: "The wicket is broken when at least one bail is completely removed from the top of the stumps, or one or more stumps is removed from the ground." (1/2)#Ashes pic.twitter.com/RyZMgf5ItF

— Marylebone Cricket Club (@MCCOfficial) July 28, 2023

விமர்சனங்களுக்கு உள்ளாகும் அம்பயர் நிதின் மேனன் முடிவு: 

ஸ்டீவ் ஸ்மித்தின் இந்த ரன் அவுட் முடிவுக்காக மூன்றாவது அம்பயரான நிதி மேனன் தற்போது சமூக வலைதளங்களில் விமர்சிக்கப்பட்டு வருகிறார். இந்த லைஃப்லைனை பயன்படுத்தி கொண்ட ஸ்மித் 71 ரன்கள் வரை அடித்து அசத்தினார். 

இதன் காரணமாக ஆஸ்திரேலிய அணியும் இங்கிலாந்தின் முதல் இன்னிங்ஸ் ஸ்கோருக்கு எதிராக 12 ரன்கள் முன்னிலை பெற முடிந்தது. மறுபுறம், கிரிக்கெட் விதிகளை உருவாக்கும் அமைப்பான மேரிலேபோன் கிரிக்கெட் கிளப் (எம்சிசி) ஸ்மித்தின் இந்த முடிவு குறித்து அதன் சார்பாக ட்வீட் செய்து தெளிவுபடுத்தியுள்ளது.

மேரிலேபோன் கிரிக்கெட் கிளப் இந்த முடிவைப் பற்றி ட்வீட் செய்து, ”ஸ்டம்பிலிருந்து பெயில்கள் முழுமையாக கீழே விழும் வரை அல்லது ஒரு ஸ்டம்பை அதன் இடத்தில் இருந்து அகற்றும் வரை வீரர் அவுட் என அறிவிக்கப்பட மாட்டார்” என்று கூறியது. 

ஸ்மித்தின் ரன் அவுட் முடிவு வீடியோவில், பேர்ஸ்டோ ஸ்டம்பில் பந்தை போடும் போது, ​​பெயில்கள் முழுமையாக அசையவில்லை என தெளிவாக தெரிகிறது. 

அஸ்வின் பாராட்டு:

நிதின் மேனன் எடுத்த இந்த முடிவுக்கு இந்திய அணியின் தற்போதைய வீரர் ரவிச்சந்திரன் அஸ்வின் பாராட்டு தெரிவித்துள்ளார். அதில், “நிதின் மேனனின் சரியான முடிவு பாராட்டப்பட வேண்டியது” என்றார். அதேபோல், முன்னாள் இந்திய வீரர் ஆகாஷ் சோப்ராவும் நிதினைப் பாராட்டி, நிதின் மேனனை நன்றாக குறிப்பிட்டீர்கள். ஒரு நல்ல முடிவு. ஒரு கடினமான முடிவு.” என்று தெரிவித்திருந்தார். 

What’s with the Ashes and substitute fielders. #ashes2023 #ashes2005 #garypratt #georgeeahlam

Have to applaud Nitin Menon for making the right decision 👏👏

— Ashwin 🇮🇳 (@ashwinravi99) July 28, 2023

போட்டி சுருக்கம்:

ஆஷஸ் ஐந்தாவது டெஸ்ட் போட்டியின் இரண்டாம் நாள் முடிவில் ஆஸ்திரேலியா 12 ரன்கள் முன்னிலை பெற்றுள்ளது. டாஸ் வென்ற ஆஸ்திரேலியா முதலில் பந்துவீச்சை தேர்வு செய்தது. முதலில் பேட் செய்த இங்கிலாந்து அணி 283 ரன்களுக்கு ஆல் அவுட் ஆனது. பதிலுக்கு ஆஸ்திரேலிய அணி தனது முதல் இன்னிங்சில் 295 ரன்கள் எடுத்தது. இதன்மூலம் இரண்டாவது நாள் முடிவில் ஆஸ்திரேலியா 12 ரன்கள் முன்னிலை பெற்றது.