கரூர் ஸ்ரீ கற்பக விநாயகர் ஆலயத்தில் கிருத்திகை முன்னிட்டு பாலமுருகனுக்கு சிறப்பு அபிஷேகம்

ஐப்பசி மாத கிருத்திகை முன்னிட்டு சாமிக்கு எண்ணெய் காப்பு சாற்றி,வாசனை திரவியங்களால் சிறப்பு அபிஷேகம்.

பாலமுருகன்

கரூரில் அருள்மிகு ஸ்ரீ கற்பக விநாயகர் ஆலயத்தில் ஐப்பசி மாத கிருர்த்திகை முன்னிட்டு பாலமுருகனுக்கு சிறப்பு அபிஷேகம் நடைபெற்றது.

 

கிருத்திகை முன்னிட்டு பல்வேறு முருகன் ஆலயங்களில் சிறப்பு அபிஷேகங்கள் நடைபெற்று வந்த நிலையில் கரூர் மாநகரக்குட்பட்ட அண்ணாசாலை அருள்மிகு ஸ்ரீ கற்பக விநாயகர் ஆலயத்தில் வீற்றிருக்கும் பாலமுருகனுக்கு ஐப்பசி மாத கிருத்திகை முன்னிட்டு சாமிக்கு எண்ணெய் காப்பு சாற்றி, பால், தயிர், பஞ்சாமிர்தம், தேர், நெய், இளநீர், எலுமிச்சை சாறு, திருமஞ்சள், மஞ்சள், சந்தனம், அபிஷேக பொடி, கரும்புச்சாறு, விபூதி, பன்னீர் உள்ளிட்ட வாசனை திரவியங்களால் சிறப்பு அபிஷேகம் நடைபெற்றது.

அதை தொடர்ந்து ஆலயத்தின் சிவாச்சாரியார் முருகனுக்கு பட்டாடை உடுத்தி உதிரிப்பூக்களால் நாமாவளிகள் கூறினார். சுவாமிக்கு தூப தீபங்கள் காட்டப்பட்டு, நெய்வேத்தியம் சமர்ப்பிக்கப்பட்டு, பஞ்ச கற்பூர ஆலாத்தியுடன் மகா தீபாராதனை நடைபெற்றது. கரூர் அண்ணா சாலை அருள்மிகு ஸ்ரீ கற்பக விநாயகர் ஆலயத்தில் வீற்றிருக்கும் பாலமுருகன் சுவாமிக்கு நடைபெற்ற ஐப்பசி மாத கிருத்திகை பூஜையை காண ஏராளமான பக்தர்கள் ஆலயம் வருகை தந்து சுவாமி தரிசனம் செய்தனர்.

கரூர் மாரியம்மன் ஆலயத்தில் ஐப்பசி மாத தங்க தேரோட்டம் ஏராளமான பக்தர்கள் பங்கேற்பு.

 

 

தேர் வீதி பகுதியில் குடி கொண்ட அருள் பாலித்து வரும் உலகப் புகழ்பெற்ற அருள்மிகு கரூர் மாரியம்மன் ஆலயத்தில் ஐப்பசி மாத தங்க தேரோட்ட நிகழ்ச்சி சிறப்பாக நடைபெற்றது. நிகழ்ச்சி முன்னிட்டு உற்சவர் மாரியம்மன் அம்மனுக்கு பல்வேறு பொருட்களால் சிறப்பு அபிஷேகம் நடைபெற்று அதை தொடர்ந்து ஆலய மண்டபத்தில் தங்க தேரில் மாரியம்மன் கொழுவிற்கச் செய்தனர்.

 

 

மேளதாளங்கள் முழங்க ஆலயத்தின் பூசாரி மாரியம்மனுக்கு தூப தீபங்கள் காட்டிய பிறகு மகா தீபாராதனை காட்டினார். அதைத் தொடர்ந்து பக்தர்கள் தங்கத்தேரை வடம் பிடித்து இழுத்து ஆலயம் வளம் வந்தனர். மீண்டும் ஆலயம் குடிபுகுந்த மாரியம்மன் மகா தீபாராதனை கட்டப்பட்டது. நிகழ்ச்சியை முன்னிட்டு ஏராளமான பக்தர்கள் ஆலயம் இருந்து சுவாமி தரிசனம் செய்தனர்.