கார், பைக் வாங்க போறீங்களா? செப்டம்பரில் நல்ல நேரம், நல்ல நாள் எது? முழு விவரம்
செப்டம்பர் மாதத்தில் கார், பைக் உள்ளிட்ட இரு சக்கர வாகனங்கள் வாங்க சிறந்த நாள் என்னென்ன? என்பதை கீழே விரிவாக காணலாம்.
பொதுவாக திருமணம், வளைகாப்பு உள்ளிட்ட சுப காரியங்கள் செய்வதற்கு நல்ல நேரம் பார்க்கப்படுவது வழக்கமாக உள்ளது. இவை மட்டுமின்றி வீட்டிற்கு தங்கம் உள்ளிட்ட புதிய பொருட்கள் வாங்குவது என்றாலும் நல்ல நாட்கள் மற்றும் நல்ல நேரம் பார்த்து வாங்குவதை வழக்கமாக வைத்துள்ளனர்.
தமிழ்நாட்டில் தற்போது பைக் இல்லாத வீடுகளே இல்லாத நிலை உள்ளது. கிராமப்புறங்களிலும் கார்கள் பயன்படுத்துபவர்களின் எண்ணிக்கை அதிகரித்து வருகிறது. தமிழ்நாட்டை பொறுத்தவரை ஒவ்வொரு ஆண்டும் வாகன விற்பனை அதிகரித்து வருகிறது.
கார், பைக் வாங்க செப்டம்பர் மாதத்தில் உகந்த நாள் எது?
இந்த நிலையில் பிறக்கப்போகும் செப்டம்பர் மாதத்திலும் கார்கள் மற்றும் பைக் விற்பனை அதிகரிக்கும் என்று எதிர்பார்க்கப்படுகிறது. இந்த சூழலில், புதியதாக கார் மற்றும் பைக் வாங்க செப்டம்பர் மாதத்தில் உகந்த நாள் எது? சிறந்த நேரம் எது? என்று கீழே விரிவாக காணலாம்.
வரும் செப்டம்பர் 5ம் தேதி புதிய வாகனங்கள் வாங்க உகந்த நாள் ஆகும். வியாழக்கிழமையான அன்றைய தினத்தில் மதியம் 12.21 மணிக்கு மேல் நல்ல நேரம் ஆகும். அதேபோல, செப்டம்பர் 6ம் தேதியான வெள்ளிக்கிழமையில் சார் அல்லது பைக் வாங்கலாம். அன்றைய நாளில் காலை 06.02 மணி முதல் மதியம் 03.01 மணி வரை வாங்கலாம்.
8 மற்றும் 9 ஆகிய தேதிகளை வாழுங்கள் வாங்க உகந்த நாட்கள் ஆகும். 8ம் தேதி காலை 06.03 மணி முதல் மதியம் 03.31 மணி வரையும், 9ம் தேதியான திங்கட்கிழமை மாலை 6.04 மணி முதல் இரவு 9.53 மணி வரை கார், பைக் மற்றும் தொழில் சம்பந்தமான வாகனங்கள் வாங்கலாம்.
மேலும், செப்டம்பர் 15ம் தேதி புதிய பொருட்கள் வாங்க சிறந்த நாட்கள் ஆகும். ஞாயிறுகிழமையான அன்று மாலை 6.12 மணிக்கு பிறகு வாகனங்கள் வாங்கலாம். மேலும் வரும் செப்டம்பர் 16ம் தேதி திங்கள் கிழமையும் வாகனங்கள் வாங்க சிறந்த நாட்கள் ஆகும். அன்றய தினத்தில் காலை 6.07 மணி முதல் மதியம் 03.10 வரை சிறந்த நேரம் ஆகும்.
செப்டம்பர் மாதத்தில் இந்த 6 நாட்கள் மட்டுமே புதிய வாகனங்கள் வாங்க சிறந்த நாட்கள் ஆக உள்ளது. புதியதாக வாகனம் வாங்க விரும்பும் நபர்கள் இந்த நாளில் வாகனங்களை வாங்கலாம்.
தலைப்பு செய்திகள்
ட்ரெண்டிங் செய்திகள்
