Paneer Gulab Jamun : பன்னீர் இருக்கா..அப்போ உடனே இந்த அசத்தலான பன்னீர் குலாப் ஜாமுனை செய்யுங்க!

Paneer Gulab Jamun : எதாவது இனிப்பாக சாப்பிட வேண்டுமா..? வீட்டில் பன்னீர் இருந்தால் போதும், இந்த அசத்தலான பன்னீர் குலாப் ஜாமுன் ரெசிபியை உடனே ட்ரை செய்யுங்கள்.

பன்னீர் குலாப் ஜாமுன்

தேவையான பொருட்கள் : 1 கப் பனீர் நொறுங்கியது, 3 டீஸ்பூன் மைதா, ஒரு சிட்டிகை பேக்கிங் சோடா / சமையல் சோடா, ஆழமாக வறுக்க எண்ணெய் அல்லது நெய், 1 கப் சர்க்கரை, 1 கப் தண்ணீர், ⅛ டீஸ்பூன் ரோஸ் வாட்டர், ⅛ தேக்கரண்டி குங்குமப்பூ .

செய்முறை : முதலில் சாஸ் பானில் சர்க்கரை மற்றும் தண்ணீர், குங்குமப்பூ, ரோஸ் வாட்டர் சேர்த்து கொதிக்க வைக்கவும். கம்பி பதம் வந்தவுடன் அடுப்பை அணைத்து அதனை ஆறவிடவும்.

பிறகு நொறுக்கப்பட்ட பனீரை எடுத்து, நன்றாக பிசைந்து கொள்ளவும். அதில் பேக்கிங் சோடா மற்றும் மைதா சேர்த்து நன்றாக பிசையவும்.

பின் மாவை சிறு சிறு உருண்டைகளாக பிடித்து கொள்ளவும். பிறகு ஒரு பாத்திரத்தில் எண்ணெயைச் சூடாக்கி, சூடான எண்ணெயில் ஜாமூனைப் போட்டு, மிதமான தீயில் பொன்னிறமாகும் வரை வறுக்கவும்.

பொறித்து எடுத்த உடன் அவற்றை சர்க்கரை பாகில் சேர்க்கவும்.

அவற்றை 30 நிமிடங்கள் அல்லது அதற்கு மேல் ஊற வைக்கவும். ஜாமூன்களை குளிர்ச்சியாகவோ அல்லது சூடாகவோ பரிமாறவும்.