Trump Vs Nobel Prize: ட்ரம்ப்புக்கு நோபல் பரிசு கிடைக்குமா.? “அமைதிக்கான அதிபர்“ என வெள்ளை மாளிகை வெளியிட்ட பதிவு
அமைதிக்கான நோபல் பரிசு நாளை அறிவிக்கப்பட உள்ள நிலையில், இன்று இஸ்ரேல்-ஹமாஸ் உடன்பாடு குறித்து ட்ரம்ப் அறிவித்துள்ளார். இந்நிலையில், அவர் அமைதிக்கான அதிபர் என்று வெள்ளை மாளிகை ஒரு பதிவை போட்டுள்ளது.
உலக அளவில் ஏற்பனவே 7 போர்களை தடுத்து நிறுத்தியதாக அமெரிக்க அதிபர் ட்ரம்ப் கூறி வருகிறார். இந்நிலையில், இன்று இஸ்ரேல்-ஹமாஸ் இடையே போர்நிறுத்தத்திற்கான முதற்கட்ட உடன்பாடு எட்டப்பட்டதாக அவர் அறிவித்துள்ளார். இது அவருடைய கணக்கின்படி 8-வது போர் நிறுத்தமாக உள்ளது. இந்நிலையில், அவர் சமீப காலமாகவே நோபல் பரிசு தனக்கு கிடைக்க வேண்டும் என்று கூறிவருகிறார். நாளை அமைதிக்கான நோபர் பரிசு அறிவிக்கப்பட உள்ள சூழலில், ட்ரம்ப் “அமைதிக்கான அதிபர்“ என குறிப்பிட்டு, வெள்ளை மாளிகை ஒரு பதிவை வெளியிட்டுள்ளது.
நோபல் பரிசு குறித்து அவநம்பிக்கையாக பேசிவரும் ட்ரம்ப்
அமைதிக்கான நோபல் பரிசுக்காக பல நாடுகள் ட்ரம்ப்பை பரிந்துரைத்திருந்தன. ஆனால் "ஒருவேளை அவர்கள் (நோபல் குழு) அதை எனக்கு வழங்காததற்கு ஒரு காரணத்தைக் கண்டுபிடிப்பார்கள்" என்று அவர் கவலை தெரிவித்தார்.
இந்நிலையில், வெள்ளை மாளிகை அவரை 'அமைதிக்கான அதிபர்' என்று அறிவித்து இன்று எக்ஸ் தளத்தில் ஒரு பதிவை வெளியிட்டுள்ளது. டொனால்ட் ட்ரம்ப் '7' உலகளாவிய மோதல்களைத் தீர்த்து வைத்ததாகக் கூறிய போதிலும், அவர் அமைதிக்கான நோபல் பரிசை வெல்வதற்கான வாய்ப்புகள் குறித்து சந்தேகம் கொண்டிருந்தார். இந்தியாவிற்கும் பாகிஸ்தானுக்கும் இடையில் அமைதியை நிலைநாட்டியதற்காக மீண்டும் மீண்டும் பெருமை சேர்த்துக்கொண்ட அமெரிக்க அதிபர், இந்தியா அதை மறுத்த இருந்தபோதிலும், நார்வே நோபல் குழு தனக்குச் சொந்தமானது என்று அவர் நம்பும் உலகளாவிய அங்கீகாரத்திற்கு அவரைக் கருத்தில் கொள்ளாமல் இருக்க "ஒரு காரணத்தைக் கண்டுபிடிக்கும்" என்று சூசகமாகக் கூறியுள்ளார்.
எகிப்தில் பல நாட்கள் மறைமுக பேச்சுவார்த்தைகளுக்குப் பிறகு, காசாவில் போர் நிறுத்தத்தின் முதல் கட்டத்திற்கான ஒப்பந்தத்திற்கு இஸ்ரேலும் ஹமாஸும் ஒப்புக் கொண்டதாக டிரம்ப் அறிவித்ததைத் தொடர்ந்து அவர் இவ்வாறு பேசியுள்ளார்.
செய்தியாளர்களிடம் ட்ரம்ப் கூறியது என்ன.?
நாளை அறிவிக்கப்பட உள்ள பரிசை வெல்வதற்கான வாய்ப்புகள் குறித்து வெள்ளை மாளிகையில் ஒரு நிருபர் ட்ரம்ப்பிடம் கேட்டபோது, "எனக்கு எதுவும் தெரியாது... மார்கோ (வெளியுறவுச் செயலாளர் ரூபியோ) 7 போர்களை நாங்கள் தீர்த்து வைத்தோம் என்று உங்களுக்குச் சொல்வார். 8-வது போரை தீர்த்து வைக்க நாங்கள் நெருங்கிவிட்டோம். ரஷ்யாவின் பிரச்னையை நாங்கள் தீர்த்து வைப்போம் என்று நினைக்கிறேன்... வரலாற்றில் யாரும் இவ்வளவு போல் பிரச்னைகளை தீர்த்து வைத்ததில்லை என்று நினைக்கிறேன்," என்று அவர் கூறினார்.
டிரம்ப் தனது வாய்ப்புகள் குறித்து சந்தேகம் கொண்டிருந்தாலும், வெள்ளை மாளிகை தொடர்ந்து சென்று, "அமைதிக்கான தலைவர்" என்ற தலைப்பில் ட்ரம்ப்பின் படத்தைப் பகிர்ந்து கொண்டது.
THE PEACE PRESIDENT. pic.twitter.com/bq3nMvuiSd
— The White House (@WhiteHouse) October 9, 2025
ட்ரம்ப் நீண்ட காலமாக அமைதிக்கான நோபல் பரிசை விரும்பி வருகிறார், அவருக்கு முன்பு பதவியில் இருந்த முன்னாள் அதிபர் பராக் ஒபாமாவுக்கு தனது முதல் வருடத்தில் ஏன் இந்த விருது வழங்கப்பட்டது என்று அடிக்கடி கேள்வி எழுப்புகிறார். மற்றவர்களுடன் ஒப்பிடுகையில், அவர் தனது அமைதி ஒப்பந்த சாதனையை அடிக்கடி புகழ்ந்து பேசியுள்ளார். இது மற்ற தலைவர்களை விட பெரியது என்றும் ட்ரம்ப் கூறுகிறார்.
ட்ரம்ப் தனது முதல் பதவிக் காலத்திலும் நோபல் பரிசுக்காக பரிந்துரைக்கப்பட்டார். ஆனால் அவர் வெற்றி பெறவில்லை என்பது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
