![metaverse](https://cdn.abplive.com/imagebank/metaverse-top.png)
Modi Ji Thali: அமெரிக்காவில் 'மோடி ஜி தாலி'... பிரதமர் வருகையையொட்டி ஸ்பெஷல் விருந்து..!
ANI ஆல் பகிரப்பட்ட ஒரு வீடியோவில், குல்கர்னி கண்களை கவரும் ‘தாலியை’ காண்பிக்கிறார். மேலும் அதிலுள்ள சிறப்பு பிரசாதம் பற்றிய கூடுதல் விவரங்களையும் பகிர்ந்து கொள்கிறார்.
![Modi Ji Thali: அமெரிக்காவில் 'மோடி ஜி தாலி'... பிரதமர் வருகையையொட்டி ஸ்பெஷல் விருந்து..! Modi Ji Thali in America a restaurant that will give a special Meals on the occasion of the Prime Minister visit Modi Ji Thali: அமெரிக்காவில் 'மோடி ஜி தாலி'... பிரதமர் வருகையையொட்டி ஸ்பெஷல் விருந்து..!](https://feeds.abplive.com/onecms/images/uploaded-images/2023/06/12/b34ad471db1df83cd64d299721c07fb51686562197024109_original.jpeg?impolicy=abp_cdn&imwidth=1200&height=675)
நியூஜெர்சியில் உள்ள ஒரு உணவகம், பிரதமர் நரேந்திர மோடியின் அமெரிக்க பயணத்தை முன்னிட்டு சிறப்பு ‘தாலி’யை (விருந்து) தயாரித்துள்ளதாக தகவல் வெளியாகியுள்ளது.
மோடி ஜி தாலி
சமையல்காரர் ஸ்ரீபாத் குல்கர்னி தயாரித்த 'மோடி ஜி தாலி'யில், கிச்சடி, ரஸகுல்லா, சர்சன் கா சாக், காஷ்மீரிடம் ஆலு, இட்லி, தோக்லா, சாச் மற்றும் அப்பளம் போன்ற உணவு வகைகள் உள்ளன. குல்கர்னியின் கூற்றுப்படி, அங்கு வசிக்கும் புலம்பெயர்ந்த இந்தியர்களின் கோரிக்கைகளுக்கு இணங்க உணவு பொருட்கள் சேர்க்கப்பட்டுள்ளன என்று தெரிகிறது.
ANI ஆல் பகிரப்பட்ட ஒரு வீடியோவில், குல்கர்னி கண்களை கவரும் ‘தாலியை’ காண்பிக்கிறார். மேலும் அதிலுள்ள சிறப்பு பிரசாதம் பற்றிய கூடுதல் விவரங்களையும் பகிர்ந்து கொள்கிறார். வெளிவிவகார அமைச்சர் ஜெய்சங்கருக்கு அர்ப்பணிக்கப்பட்ட இரண்டாவது தாலியை விரைவில் அறிமுகப்படுத்த உணவக உரிமையாளர் திட்டமிட்டுள்ளதாக கூறப்படுகிறது.
உணவக உரிமயாளர்
"இந்தத் தாலியை விரைவில் வெளியிடத் திட்டமிட்டுள்ளோம். இது பிரபலமடையும் என்பதில் நான் மிகவும் நம்பிக்கையோடு இருக்கிறேன். இது நன்றாக நடந்தவுடன் நான் டாக்டர் ஜெய்சங்கர் தாலியைத் தொடங்கவும் திட்டமிட்டுள்ளேன், ஏனெனில் அவருக்கும் இந்திய அமெரிக்க சமூகத்தில் மிகப்பெரிய ஈர்ப்பு உள்ளது," என்று அவர் கூறினார். 2019 ஆம் ஆண்டில் இந்திய அரசாங்கத்தின் பரிந்துரையின் பின்னர் ஐக்கிய நாடுகள் சபையால் 2023 ஆம் ஆண்டை சர்வதேச தினை ஆண்டாக அறிவிக்கப்பட்டதற்கு இந்த ‘தாலி’ நன்றி செலுத்துகிறது.
பிரதமர் மோடியை மையமாக கொண்ட தாலி
பிரதமர் மோடி, அமெரிக்காவிற்கு தனது முதல் அரசுமுறை பயணமாக, ஜூன் 22-ம் தேதி இரவு விருந்தில் அதிபர் ஜோ பைடன் மற்றும் அமெரிக்காவின் முதல் பெண்மணி ஜில் பிடன் ஆகியோர் அளிக்கும் விருந்தில் பங்கு கொள்கிறார். அமெரிக்க காங்கிரஸின் கூட்டத்தில் உரையாற்றும் முதல் இந்தியப் பிரதமர் என்ற பெருமையை அவர் பெற உள்ளார். பிரதமர் மோடியை மையமாகக் கொண்ட ‘தாலி’ அறிமுகப்படுத்தப்படுவது இது முதன்முறை அல்ல.
கடந்த ஆண்டு, செப்டம்பர் 17ஆம் தேதி பிரதமர் மோடியின் பிறந்தநாளை முன்னிட்டு, டெல்லியைச் சேர்ந்த உணவகம் 56 இன்ச் நரேந்திர மோடி தாலி என்ற பெயரில் தாலியை அறிமுகப்படுத்தியது. கன்னாட் பிளேஸில் உள்ள ARDOR 2.1 என்ற உணவகம், சைவம் மற்றும் அசைவ உணவுகள் அடங்கிய 56 பொருட்களுடன் ‘தாலி’யை அறிமுகப்படுத்தியிருந்தது.
#WATCH | A New Jersey-based restaurant launches 'Modi Ji' Thali for PM Narendra Modi's upcoming State Visit to the US. Restaurant owner Shripad Kulkarni gives details on the Thali. pic.twitter.com/XpOEtx9EDg
— ANI (@ANI) June 11, 2023
பிரதமர் மோடியின் பயண திட்டம்
ஜூன் 18 ஆம் தேதி அமெரிக்காவின் 20 முக்கிய நகரங்களில் 'இந்திய ஒற்றுமை நாள்' அணிவகுப்புடன் அவரை வரவேற்க இந்திய அமெரிக்கர்கள் திட்டமிட்டுள்ளனர் என்று ஏற்பாட்டாளர்கள் அறிவித்தனர். ஜூன் 21 ஆம் தேதி, நியூயார்க்கில் உள்ள ஐநா வளாகத்தின் நார்த் மெடோவ்ஸில் பிரதமர் மோடியுடன் பல உயர்மட்ட இந்திய-அமெரிக்கர்கள் கூடி சர்வதேச யோகா தின நிகழ்வை வழிநடத்த உள்ளனர்.
ஜூன் 22 அன்று, ஏழாயிரத்திற்கும் மேற்பட்ட இந்திய அமெரிக்கர்கள் வெள்ளை மாளிகையின் சவுத் மெடோவ்ஸில் ஒன்று கூடுவதற்குத் திட்டமிட்டுள்ளனர், அப்போது ஜனாதிபதி பைடனும் முதல் பெண்மணியும் 21 துப்பாக்கி குண்டுகள் முழங்க பிரதமரை வரவேற்பார்கள். வாஷிங்டனில் உள்ள ஜான் எஃப் கென்னடி மையத்தில் அமெரிக்க உயர்மட்ட நிறுவனங்களின் தலைவர்களுடன் பிரதமர் மோடி உரையாற்றுகிறார், அதைத் தொடர்ந்து மாலையில் டிசியில் உள்ள ரொனால்ட் ரீகன் மையத்தில் புலம்பெயர்ந்த இந்தியர்களிடையே உரையாற்றுகிறார்.
தலைப்பு செய்திகள்
ட்ரெண்டிங் செய்திகள்
![metaverse](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)