Viral Photos : பூசணி படகில் 61 கிலோமீட்டர் பயணம்: கின்னஸ் சாதனை செய்த அமெரிக்கர்

அமெரிக்காவைச் சேர்ந்த நபர் ஒருவர் பூசணி படகில் 61 கிலோ மீட்டர் பயணம் செய்து கின்னஸ் சாதனை படைத்துள்ளார். அமெரிக்காவின் நெப்ரஸ்கா நகரைச் சேர்ந்த அந்த 60 வயது நபர் தன் விளையாட்டான ஆசைக்கு செயல்வடிவம் கொடுத்து கின்னஸ் புத்தகத்திலும் இடம் பெற்றிருக்கிறார்.

பூசணி படகு

அமெரிக்காவைச் சேர்ந்த நபர் ஒருவர் பூசணி படகில் 61 கிலோ மீட்டர் பயணம் செய்து கின்னஸ் சாதனை படைத்துள்ளார். அமெரிக்காவின் நெப்ரஸ்கா நகரைச் சேர்ந்த அந்த 60 வயது நபர் தன் விளையாட்டான ஆசைக்கு செயல்வடிவம் கொடுத்து கின்னஸ் புத்தகத்திலும் இடம் பெற்றிருக்கிறார். கடந்த ஆகஸ்ட் 27 ஆம் தேதி தனது 60வது பிறந்தநாளில் மிசோரி ஆற்றில் 38 கிலோ மீட்டர் பயணித்து சாதனை படைத்திருக்கிறார்.

ஹான்சென் என்ற அந்த நபரின் புகைப்படம் சமூக வலைதளங்களில் வைரலாகி வருகிறது. அவர் பயணம் செய்ய தேர்வு செய்த பூசணியின் எடை 384 கிலோ. அந்த பூசணியைக் குடைந்து உள்ளே உள்ள சதை முழுவதையும் அப்புறப்படுத்திவிட்டு அந்தக் கூட்டை படகாக மாற்றி அதில் பயணித்துள்ளார் ஹான்சென். இந்த சாதனைப் பயணத்தை கண்காணிக்க அவர் உள்ளூர் அதிகாரிகளுக்கு அழைப்பு விடுப்பிருந்தார்.

அவரது புகைப்படங்கள் இணையத்தில் தற்போது வைரலாகி வருகிறது.

இதெல்லாம் ஒரு சாதனையா என்று நாம் நினைக்கக் கூடிய விஷயங்களைக் கூட செய்து காட்டி கின்னஸ் சாதனை புத்தகத்தில் இடம்பெற்றோர் ஏராளமானோர் உள்ளனர். அந்த பட்டியலில் தற்போது இணைந்துள்ளார் அமெரிக்க முதியவர் ஹான்சென்.

கின்னஸ் சாதனை புத்தக வரலாறு:

உலக சாதனைகள் பற்றி வெளிவரும் இந்த " Guinness World Records" என்பதே ஒரு உலக சாதனையை படைத்த புத்தகம். சர் ஹ்யூக் பீவர் (Sir Hugh Beaver) என்பவர் யோசனை குழந்தையை உருவாக்கிய சகோதரர்கள் நோரிஸ், ராஸ் மேக்விட்டர் என்பவர்களால் ஆகஸ்டு 1954ல் தொடங்கப்பட்டது. 27 ஆகஸ்டு 1955 இல் இவர்கள் முதல் பதிப்பு வெளிவிடப்பட்டது.
இதன் 2019 பதிப்பு நூறு நாடுகளில், 23 உலக மொழிகளில், பதிப்பிக்கப்பட்டது.  ஹ்யூக் பீவர் என்பவர் கின்னஸ் ப்ருவரீஸ் (Guinness Breweries) என்ற நிறுவனத்தின் இயக்குனராக இருந்தவர்.

1951ம் ஆண்டு நவம்பர் மாதம் இவர் அயர்லாந்து நாட்டில் வேட்டையாட சென்றபோது, இவர் சுட்ட தங்கப் புறா (Golden Plover) எனப்படும் பறவை தப்பிப் பறந்தது. அன்று மாலை உலகத்திலேயே வேகமாக பறந்து விடக்கூடிய பறவை எது என்ற விவாதத்தில் ஒரு சரியான முடிவுக்கு வரமுடியாமல் போனது. அப்போது அவருக்கு இதுபோல உலகமக்கள் அறியாத பல விஷயங்கள் இருக்கக் கூடும் என்று தோன்றியது. இந்த சாதனை புத்தகம் அதன் அடிப்படையில் ஆராய்ச்சி செய்து அச்சடிக்கப்பட்டது. இது ஆண்டு தோறும் வெளிவந்து இந்த நிறுவனம் வளர்ந்துள்ளது.