Elon Musk vs Trump: இனி நண்பன் இல்ல எதிரி... வியாபாரத்தில் கைவைத்த டிரம்ப்... கொந்தளித்த மஸ்க்.. காரணம் என்ன?

Elon Musk vs Trump: அமெரிக்க அதிபர் டொனால்ட் ட்ரம்ப் மற்றும் உலகின் பெரும் பணக்காரரும் டெஸ்லா நிறுவனத்தின் தலைமை அதிகாரியுமான  எலான் மஸ்க் இடையேயான மோதல் தொடர்ந்து தீவிரமடைந்து வருகிறது.

டொனால்ட் டிரம்ப், எலான் மஸ்க்

Source : Getty Images

நண்பர்களாக டெஸ்லா நிறுவன தலைமை அதிகாரி எலன் மஸ்க் மற்றும் அமெரிக்க அதிபர் டிரம்ப் நிலவி வரும் மோதலால் மஸ்கின் நிறுவன பங்குகள் பெறும் வீழ்ச்சியை சந்தித்துள்ளன. 

டிரம்ப்-மஸ்க் மோதல்: 

அமெரிக்க அதிபர் டொனால்ட் ட்ரம்ப் மற்றும் உலகின் பெரும் பணக்காரரும் டெஸ்லா நிறுவனத்தின் தலைமை அதிகாரியுமான  எலான் மஸ்க் இடையேயான மோதல் தொடர்ந்து தீவிரமடைந்து வருகிறது. இந்த நிலையில் மஸ்க் நிறுவன பங்குகள் பெரும் சரிவை சந்தித்து வருகின்றன,

மோதல் எங்கு ஆரம்பித்தது?

டிரம்பின் " ஒன் பிக் பியூட்டிஃபுல் பில் " மீதான மஸ்க்கின் விமர்சனத்தால் இந்த மோதல் வெடித்தது. அது விரைவில் ஒரு அரசியல் மோதலாக மாறியது, இருவரும் மாறி வார்த்தை தாக்குதல்கள் மற்றும் குற்றச்சாட்டுகளை எடுத்து வைத்தனர் ர். சீல் வைக்கப்பட்ட ஜெஃப்ரி எப்ஸ்டீன் கோப்புகளில் ஜனாதிபதி டொனால்ட் டிரம்ப் பெயர் இடம்பெற்றுள்ளதாக மஸ்க் குற்றம் சாட்டினார் - அதுதான் அவர்கள் ஒருபோதும் முழுமையாக விடுவிக்கப்படாததற்கு "உண்மையான காரணம்" என்று கூறினார். 

மோதலுக்க்கான காரணம்:

• ஜெர்மன் சான்சலர் பிரீட்ரிக் மெர்ஸுடனான செய்தியாளர் சந்திப்பின் போது டிரம்ப், " எலானில் நான் மிகவும் ஏமாற்றமடைந்துள்ளேன். நான் எலானுக்கு நிறைய உதவி செய்துள்ளேன்" என்று கூறினார். மின்சார வாகன வரி சலுகை மசோதாவிலிருந்து நீக்கப்பட்டதால் மஸ்க் வருத்தமடைந்துள்ளதாகவும், அவர்களின் நட்பு தொடருமா என்று கேள்வி எழுப்பியதாகவும் அவர் கூறினார்.
• டிரம்பின் மசோதாவுக்குப் பின்னால் உள்ள செயல்முறையை எதிர்த்து, மஸ்க் ட்வீட் செய்தார்: “தவறு, இந்த மசோதா எனக்கு ஒரு முறை கூட காட்டப்படவில்லை, மேலும் காங்கிரஸில் கிட்டத்தட்ட யாராலும் அதைப் படிக்கக்கூட முடியாத அளவுக்கு வேகமாக இரவின் நடுவில் நிறைவேற்றப்பட்டது!”
• “நமது பட்ஜெட்டில் பில்லியன் கணக்கான டாலர்கள், மிச்சப்படுத்துவதற்கான எளிதான வழி, எலோனின் அரசாங்க மானியங்கள் மற்றும் ஒப்பந்தங்களை நிறுத்துவதாகும். மேலும், “பைடன் அதைச் செய்யாதது எனக்கு எப்போதும் ஆச்சரியமாக இருந்தது!” என்றார். 
• கூட்டாட்சி ஆதரவை ரத்து செய்வதாக டிரம்ப் மிரட்டியதைத் தொடர்ந்து , மஸ்க் அரசுடனான தனது விண்வெளி திட்டத்தை நிறுத்துவதாக அறிவித்தார். "எனது அரசாங்க ஒப்பந்தங்களை ரத்து செய்வது குறித்த ஜனாதிபதியின் அறிக்கையின் வெளிச்சத்தில், ஸ்பேஸ்எக்ஸ் அதன் டிராகன் விண்கலத்தை உடனடியாக பணிநீக்கம் செய்யத் தொடங்கும்," என்று அவர் பதிவிட்டுள்ளார்.
• "ஜனாதிபதி vs. எலோன். யார் வெற்றி பெறுகிறார்கள்? என் பணம் எலோனிடம் உள்ளது... டிரம்ப் பதவி நீக்கம் செய்யப்பட வேண்டும், அவருக்குப் பதிலாக ஜே.டி. வான்ஸ் நியமிக்கப்பட வேண்டும்" என்று ஒரு பதிவிற்கு பதிலளிக்கும் விதமாக, எலோன் மஸ்க் "ஆம்" என்று பதிலளித்தார்.
• மின்சார வாகனங்களுக்கான வரிச்சலுகைகளை திரும்பப் பெற்றதே, தனது கூட்டாளியும், டெஸ்லா மின்சார கார் நிறுவனத்தின் தலைவருமான மஸ்குடனான மோதலுக்கு காரணம் என ட்ரம்ப் பேசி வருகிறார்

இப்படி இருவரும் மாறி மாறி வார்த்தை மோதலிட்டு வருகின்றனர். 

சரிந்த மஸ்க் பங்குகள்:

மஸ்க் மற்றும் டிரம்ப் கருத்து வேறுபாட்டிற்கு பிறகு டெஸ்லா நிறுவன பங்குகள் கடுமையான சரிவுகள் ஏற்பட்டது . நிறுவனத்தின் சந்தை மூலதனம் 1 டிரில்லியன் டாலருக்கும் கீழே சரிந்து, நேற்றைய  தினம் $916 பில்லியனாகக் குறைந்தது,இது இதுவரை இல்லாத அளவுக்கு ஒரு நாள் மதிப்பில் ஏற்பட்ட மிகப்பெரிய இழப்பாகும்.

மே மாதத்தில் டெஸ்லா பங்குகள் 22% உயர்வைக் கண்டன, இருப்பினும் நிறுவனம் பலவீனமான விற்பனை எண்களைப் பதிவு செய்தது. ஆனால் மஸ்க் மற்றும் டிரம்ப் இடையேயான பொது மோதல் தொடங்கியதிலிருந்து, இந்த வாரம் மட்டும் பங்கு கிட்டத்தட்ட 18% சரிந்துள்ளது. இந்த ஆண்டு இதுவரை, டெஸ்லா பங்குகள் கிட்டத்தட்ட 30% சரிந்துள்ளன.