America Iran War: ‘என் மீசைல மண்ணு ஒட்டல‘; “ஈரான் தான் என்னை அழைத்து பேசியது“; வாய் கூசாமல் சொன்ன ட்ரம்ப்
US Iran War: பொய் கூறுவதையே பிழைப்பாக வைத்திருக்கும் அமெரிக்க அதிபர் ட்ரம்ப், பேச்சுவார்த்தை நடைபெறவில்லை எனறு ஈரான் கூறும் நிலையிலும், அவர்கள் தான் தன்னை அழைத்ததாக வாய் கூசாமல் தெரிவித்துள்ளார்.
ஈரானுடன் உடனான பேச்சுவார்த்தைக்குப் பின்னர் 5 நாட்கள் தாக்குதலை நிறுத்துவதாக ட்ரம்ப் அறிவித்தார். ஆனால், ஈரான் அதை மறுத்து, தங்களது எச்சரிக்கையால் தான் ட்ரம்ப் பின்வாங்கியதாக தெரிவித்துள்ளனர். ஆனாலும், குப்புற விழுந்தும் மீசையில் மண் ஒட்டவில்லை என்று கூறுவது போல், ஈரான் தான் முதலில் தன்னை அழைத்து ஒப்பந்தம் மேற்கொள்ளலாம் என்று கேட்டதாக பேட்டியளித்துள்ளார். அது குறித்து இப்போது பார்க்கலாம்.
ட்ரம்ப் அளித்த பேட்டியில் கூறியது என்ன.?
அமெரிக்க அதிபர் ட்ரம்ப் ஈரானுக்கு 48 மணி நேர கெடு விதித்திருந்த நிலையில், ஈரான் பதில் எச்சரிக்கை விடுத்திருந்தது. இந்நிலையில், இன்று திடீரென 5 நட்கள் தாக்குதலை நிறுத்துவதாக அறிவித்தார் ட்ரம்ப். ஈரானுடன் கடந்த இரண்டு நாட்களாக நடைபெற்ற பேச்சுவார்த்தை நல்லபடியாக சென்றதுதான் அதற்கு காரணம் என்றும் அவர் விளக்கமளித்திருந்தார்.
ஆனால், அதற்கு பதிலளித்த ஈரான், அப்படி ஏதும் பேச்சுவார்த்தை நடைபெறவில்லை என்றும், தங்களது கடுமையான எச்சரிக்கை காரணமாகவே ட்ரம்ப் பின்வாங்கியுள்ளார் என்றும் தெரிவித்தது. இந்த சூழலில், அமெரிக்காவில் பேட்டியளித்த ட்ரம்ப், ஒரு நல்ல ஒப்பந்தம், அமைதியை தரும் நிரந்தமான ஒப்பந்தம் ஏற்படும் என்றும் தெரிவித்துள்ளார்.
மேலும், “அவர்களின்(ஈரான்) நேரப்படி, நாளை காலை, அங்கு உள்ளதிலேயே மிகப்பெரிய மின் உற்பத்தி நிலையத்தை தகர்பபதாக இருந்தோம். ஒரே அடிதான், மெத்தமும் அழிந்திருக்கும். அதை மீண்டும் கட்டியெழுப்ப 10 பில்லியன் டாலர்கள் செலவாகும். ஆனால், அது நடக்கவேண்டும் என்று அவர்கள் ஏன் விரும்பப் போகிறார்கள். அதனால் தான், அவர்கள் அழைத்தார்கள்.. நான் அழைக்கவில்லை, அவர்கள்தான் அழைத்தார்கள், ஒரு ஒப்பந்தம் போட வேண்டும் என்று கேட்டார்கள்.“ என்று ட்ரம்ப் கூறினார்.
அதோடு, ஒரு நல்ல ஒப்பந்தம் ஏற்பட உள்ளது என்றும், இனி போர் இருக்காது, அணு ஆயுதமும் இருக்காது, அவர்கள் அணு ஆயுதங்களை வைத்திருக்கப் போவதில்லை என்று தெரிவித்துள்ளார்.
#WATCH | US President Donald Trump says, "....I did not call; they (Iran) called; they wanted to make a deal. We are very willing to make a deal. It is going to be a good deal. There are going to be no more wars, nuclear weapons; they have agreed that they are not going to have… pic.twitter.com/Ymznm0PQhO
— ANI (@ANI) March 23, 2026
ட்ரம்ப்பின் கூற்றை ஏற்கனவே ஈரான் மறுத்துள்ள நிலையில், இன்று இரவு என்ன நடக்கும் என்பதே அனைவரின் எதிர்பார்ப்பாக உள்ளது.
தலைப்பு செய்திகள்
ட்ரெண்டிங் செய்திகள்
