கோடைகாலத்தில் மது பிரியர்களை கவரும் புதிய வகை பீர்கள் அறிமுகம் - விலை எவ்வளவு?
புதுச்சேரியில் கோடைகாலத்தில் மது பிரியர்களை கவரும் புதிய வகை பீர்கள் அறிமுகம், பீர் விற்பனை பல மடங்கு உயர்வு
புதுச்சேரியில் பீர்கள் விற்பனை அதிகரிப்பு
புதுச்சேரியில் பலவிதமான மதுபானங்கள், குறிப்பாக பீர் வகைகள் கிடைக்கின்றன. பிரெஞ்சு ஆட்சி காலத்தில் இருந்தே மதுபானங்களுக்கு பெயர் பெற்ற பகுதியாக புதுச்சேரி விளங்குகிறது. மேலும் வெளிநாட்டு மதுபானங்களும் இங்கே கிடைக்கின்றன.
விதவிதமான மது வகைகள், வெளிநாட்டு மதுபானங்கள் போன்றவை புதுச்சேரியை நோக்கி மதுப்பிரியர்களை இழுக்கச் செய்கிறது. புதுவையில் 500க்கும் மேற்பட்ட மதுபானகடைகள் மதுபான பார்கள் உள்ளன. புதுவையில் ரம், பிராந்தி, விஸ்கி, ஒயின், ஜின், ஓட்கா, டக்கீலா என ஆயிரத்திற்கும் மேற்பட்ட பலவிதமான மதுவகைகள் விற்பனையாகிறது.
படையெடுக்கும் சுற்றுலாப் பயணிகள்
புதுச்சேரியில் கிடைக்கும் மது ரகங்களை ருசித்து பார்க்க என நாட்டின் பல பகுதிகளில் இருந்து சுற்றுலாப் பயணிகள் படையெடுத்து வருகின்றனர். இதேபோல் புதுவையில் ஆஸ்திரேலியா, நியூசிலாந்து, நெதர்லாந்து உள்ளிட்ட நாடுகளின் பிராண்டுகள் உள்பட 35 வகையான பீர்கள் முழு பாட்டில்களில் கிடைக்கிறது. டின் பீர் மற்றும் பின்ட் பாட்டில்களிலும் பீர் சிறிய அளவிலும் கிடைக்கிறது. புதுவையில் பீருக்கு என தனியான எக்ஸ்குளூசீவ் பார்கள் உள்ளது. அதற்கென தனி ரசிகர் பட்டாளமே உள்ளது.
கோடைகாலம் தொடங்கினாலே பீர் தட்டுப்பாடு
கோடை காலம் வந்து விட்டால் மது பிரியர்கள், வெப்பத்தின் தாக்கம் அதிகமா இருக்கும் என்பதால் அதில் இருந்து தப்பிக்க பீருக்கு மாறுவது வழக்கம். புதுவையில் கடந்த மாதம் முதல் வெயிலின் தாக்கம் அதிகரிக்கத் தொடங்கி விட்டது. பகல் நேரங்களில் சுட்டெரிக்கும் வெயிலால் மக்கள் அவதித்குள்ளாகி உள்ளனர்.
புதிய ரக பீர்கள் விற்பனை
கோடைகாலம் தொடங்கினாலே பீர் தட்டுப்பாடு ஏற்படும். இதனால் மதுகடை உரிமையாளர்கள் பீர் கேஸ்களை அதிக அளவில் வாங்கி விற்பனைக்கு ஸ்டாக் செய்கின்றனர். வழக்கமான காலத்தை விட கோடை காலத்தில் பல மடங்கு பீர்கள் விற்பனையாகிறது. வாடிக்கையாளர்களுக்கு ஒவ்வொரு கோடையிலும் புதிய பீர்களும் அறிமுகம் செய்யப்படுகிறது. இந்த ஆண்டும் அதுபோல் புதிய ரக பீர்கள் விற்பனைக்கு வந்துள்ளது. ரூ.100 முதல் ரூ.250 வரையில் விதவிதமான பீர்கள் விற்பனை செய்யப்படுகிறது.
பீர் விற்பனை நாளுக்கு நாள் அதிகரிப்பு
வெயில் தாக்கம் அதிகரிப்பால் பீர் விற்பனை நாளுக்கு நாள் அதிகரித்து வருகிறது. பீர் கேட்கும் வாடிக்கையாளர்கள் அனைவரும் கூலிங் பீர் கேட்கின்றனர். கொஞ்சம் குறைவான கூலிங் இருந்தாலும் வாடிக்கையாளர் பீரை மாற்றி கூலிங் தரும்படி கேட்கின்றனர். இதனால் கூலர்களில் தொடர்ந்து பீர்களை போட்டு கடை விற்பனையாளர்கள் நிரப்பி வருகின்றனர்.
தலைப்பு செய்திகள்
ட்ரெண்டிங் செய்திகள்
