இ.பி. காலனி வழித்தடத்தில் அரசு பஸ் இயங்குமா? பொதுமக்கள் வைத்த முக்கிய கோரிக்கை!
து இ.பி. காலனி வழியாக புதிய பஸ் நிலையத்திற்கு உடனடியாக ஒரு புதிய அரசு நகரப் பேருந்தை (Town Bus) இயக்க அரசு நடவடிக்கை எடுக்க வேண்டும் என அப்பகுதி மக்கள் கோரிக்கை வைத்துள்ளனர்.

தஞ்சாவூர்: தஞ்சாவூர் பழைய பேருந்து நிலையத்தில் இருந்து நாஞ்சிக்கோட்டை சாலை, இ.பி. காலனி வழியாக புதிய பேருந்து நிலையத்திற்கு அரசு பேருந்து இயக்க வேண்டும் என அப்பகுதி பொதுமக்கள் தமிழ்நாடு அரசுக்கும் போக்குவரத்துத் துறைக்கும் கோரிக்கை விடுத்துள்ளனர்.
தஞ்சாவூரில் நகர்ப்புற வளர்ச்சிக்கு ஏற்ப பல வழித்தடங்களில் பேருந்துகள் இயக்கப்பட்டு வந்தாலும், குறிப்பிட்ட சில பகுதிகளைச் சேர்ந்த மக்கள் தினமும் பேருந்து வசதியின்றி கடும் சிரமத்திற்கு ஆளாகி வருகின்றனர்.
தனியார் பஸ் திடீர் நிறுத்தம் – அவதிப்படும் பயணிகள்
ஏற்கனவே தஞ்சை பழைய பஸ் நிலையத்தில் இருந்து நாஞ்சிக்கோட்டை சாலை, இ.பி. காலனி வழியாக புதிய பஸ் நிலையத்திற்கு ஒரு தனியார் பேருந்து இயக்கப்பட்டு வந்தது. இந்த பேருந்தை மட்டுமே நம்பி நாஞ்சிக்கோட்டை, இ.பி. காலனி, கல்யாணசுந்தரம் நகர், மின்வாரிய அலுவலகப் பகுதி, தேவர் நகர், கஜலட்சுமி நகர், என்.ஜி.ஓ. நகர், மாதா நகர் மற்றும் காவேரி நகர் உள்ளிட்ட பல்வேறு குடியிருப்புப் பகுதிகளில் வசசிக்கும் ஆயிரக்கணக்கான பொதுமக்கள் பயணம் செய்து வந்தனர்.
ஆனால், சமீபகாலமாக இந்த தனியார் பேருந்து முறையான அறிவிப்பின்றி அடிக்கடி நிறுத்தப்படுவதாகக் கூறப்படுகிறது. இதனால் வேலைக்குச் செல்வோர், பள்ளி மற்றும் கல்லூரி மாணவர்கள், முதியவர்கள் பெரும் அவதிக்குள்ளாகி வருகின்றனர்.
2 கி.மீ நடக்கும் அவலம்
இந்த தனியார் பேருந்து வராத நேரங்களில், அப்பகுதி மக்கள் வேறு வழியின்றி சுமார் 2 கிலோமீட்டர் தூரம் நடந்து சென்று கார்மல் நகர் பகுதிக்கு சென்றோ அல்லது நாஞ்சிக்கோட்டை இ.பி. காலனி பிரதான சாலைக்கு வந்தோதான் பேருந்துகளைப் பிடிக்க வேண்டிய அவலநிலை நீடிக்கிறது.
எனவே, பொதுமக்களின் அத்தியாவசியத் தேவைக் கருதியும், மாணவர்கள் மற்றும் வேலைக்குச் செல்வோரின் நலனைக் கருத்தில் கொண்டும், தஞ்சை பழைய பஸ் நிலையத்தில் இருந்து இ.பி. காலனி வழியாக புதிய பஸ் நிலையத்திற்கு உடனடியாக ஒரு புதிய அரசு நகரப் பேருந்தை (Town Bus) இயக்க அரசு நடவடிக்கை எடுக்க வேண்டும் என அப்பகுதி மக்கள் கோரிக்கை வைத்துள்ளனர்.
ட்ரெண்டிங் செய்திகள்





















