நகைப்பிரியர்களே... உள்ளூர் கலாச்சாரங்களை அடிப்படையாக கொண்ட நகை தொகுப்பு: எங்கு தெரியுங்களா?
உள்ளூர் கலாச்சாரங்களை அடிப்படையாக கொண்டு வடிவமைக்கப்பட்ட நகை தொகுப்புகளை நீங்கள் பார்த்து தேர்ந்தெடுக்கலாம்.
தஞ்சாவூர்: நகை பிரியர்களே... உள்ளூர் கலாச்சாரங்களை அடிப்படையாக கொண்டு வடிவமைக்கப்பட்ட நகை தொகுப்புகளை நீங்கள் பார்த்து தேர்ந்தெடுக்கணுமா... உங்களுக்காக ஏகப்பட்ட கலெக்சன்களை கொண்டு புதிதாக பிரமாண்டமாக டாடா குழுமத்தின் தனிஷ்க் ஷோரூம் 2வது கிளை அமைக்கப்பட்டுள்ளது.
தஞ்சை- புதுக்கோட்டை சாலையில் யாகப்பாநகரில் டாடா குழுமத்தின் தனிஷ்க் ஷோரூம் அமைக்கப்பட்டுள்ளது. இது தஞ்சையில் தனிஷ்க் ஷோரூமின் 2-வது கிளை ஆகும். இதன் திறப்பு விழா நடைபெற்றது. விழாவுக்கு புண்ணியமூர்த்தி பிள்ளை டிபார்ட்மெண்ட் ஷோரூம் உரிமையாளர் குணசீலன், தனிஷ்க் ஷோரூம் கிளை உரிமையாளர் தினேஷ் ஆகியோர் முன்னிலை வகித்தனர். மண்டல வணிக மேலாளர் சந்திரசேகர் வரவேற்றார்.
விழாவில் புதிய ஷோரூமை, தனிஷ்க் சில்லறை விற்பனை பிரிவின் இணை துணைத்தலைவர் சுனில்ராஜ் திறந்து வைத்து விற்பனையை தொடங்கி வைத்தார். விழாவில் தொழிலதிபர் ஆஷிப்அலி, முக்கிய பிரமுகர்கள் மணிமாறன், பத்மநாபன், கோவிந்தசாமி என்ற ரவி, கருணைக்கடல், டாக்டர் மோகன்தாஸ் உள்பட பலர் கலந்து கொண்டனர், முடிவில் ஏரியா மேலாளர் ரத்தீஷ் நன்றி கூறினார்.
பின்னர் சுனில்ராஜ் நிருபர்களிடம் கூறியதாவது: தஞ்சையில் திறக்கப்பட்டுள்ள தனிஷ்க் ஷோரூம் இந்தியாவில் 501-வது கிளை ஆகும். தமிழகத்தில் 63-வது கிளை ஆகும். இந்த விற்பனை நிலையத்தில் தங்கம், வைரம், குந்தன், போல்கி மற்றும் சமகால வடிமைப்புகள் உள்ளிட்ட பல்வேறு வகையான நகைகள் காட்சிப்படுத்தப்பட்டுள்ளன. வாடிக்கையாளர்களின் ரசனைக்கு ஏற்ப ஏராளமான நகைகள் விற்பனைக்கு உள்ளன.
மேலும் சோழர் மரபின் கதைகள், கம்பீரமான சின்னங்கள் மற்றும் புனைவுகளை மீண்டும் உயிர்ப்பிக்கும் வகையில் நகைகள் வடிவமைக்கப்பட்டுள்ளன. புதிய கிளை திறப்பு விழாவையொட்டி வாடிக்கையாளர்களுக்கு சலுகைகளும் அறிவிக்கப்பட்டுள்ளது.
அதன்படி தங்கம் வாங்கும் வாடிக்கையாளர்கள் வாங்கும் ஒவ்வொரு நகைக்கும் இலவச தங்க நாணயம் இன்று (புதன்கிழமை) வரை வழங்கப்படுகிறது. மேலும் உள்ளூர் கலாச்சாரங்களை அடிப்படையாக கொண்டு வடிவமைக்கப்பட்ட நகை தொகுப்புகளை நீங்கள் பார்த்து தேர்ந்தெடுக்கலாம். இவ்வாறு அவர் கூறினார்.
தலைப்பு செய்திகள்
ட்ரெண்டிங் செய்திகள்
