TN Rain: இன்று இரவு இந்த 19 மாவட்டங்களில் மழை இருக்கு.! அது, எந்த மாவட்டங்கள் தெரியுமா?

Tamilnadu Rain Updates: தமிழ்நாட்டில் இன்று இரவு கடலூர் , கன்னியாகுமரி உள்ளிட்ட 19 மாவட்டங்களில் மழைக்கு வாய்ப்பு உள்ளதாக வானிலை மையம் தெரிவித்துள்ளது.

மழை ( செயற்கை நுண்ணறிவுப் படம் )

Source : AI

19 மாவட்டங்கள்

திருச்சி, நாகை, திருவாரூர், தஞ்சாவூர், சிவகங்கை, மதுரை, தென்காசி, நெல்லை, கன்னியாகுமரி, தூத்துக்குடி, கடலூர், மயிலாடுதுறை, அரியலூர், தர்மபுரி, சேலம், திண்டுக்கல், ஈரோடு, திருப்பூர் மற்றும் கோவை ஆகிய 19 மாவட்டங்களில் இன்று இரவு 19 மாவட்டங்களில் மழை பெய்ய வாய்ப்பு உள்ளதாக வானிலை மையம் தெரிவித்துள்ளது. 

 

pic.twitter.com/sKQ4PMPEW4

— IMD-Tamilnadu Weather (@ChennaiRmc) December 20, 2024

காற்றழுத்த தாழ்வுப் பகுதி:

தென்மேற்கு மற்றும் அதனை ஒட்டிய மத்திய மேற்கு வங்கக்கடல் பகுதிகளில் நிலவிய ஆழ்ந்த காற்றழுத்த தாழ்வு பகுதி, இன்று (20-12-2024) மத்திய மேற்கு மற்றும் அதனை ஒட்டிய தென்மேற்கு வங்கக்கடல் பகுதிகளில் நிலவியது. இது, வடக்கு திசையில் நகர்ந்து, மத்தியமேற்கு வங்கக்கடல் பகுதிகளில், காற்றழுத்த தாழ்வு மண்டலமாக வலுப்பெற்றது.  இது அதற்கடுத்த 24 மணி நேரத்தில் வடக்கு- வடகிழக்கு திசையில் நகரக் கூடும் என வானிலை மையம் தெரிவித்துள்ளது. 

இந்நிலையில் , தமிழ்நாட்டில் அடுத்த 7 நாட்களுக்கு வானிலை எப்படி என்பது குறித்து பார்ப்போம். 

21-12-2024: தமிழ்நாட்டின் நாளைய வானிலை நிலவரம்

தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும். அதிகாலை வேளையில் ஓரிரு இடங்களில் லேசான பனிமூட்டம் காணப்படும்.

22-12-2024 முதல் 24-12-2024 வரை;

தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.

25-12-2024 மற்றும் 26-12-2024:

தமிழகத்தில் ஒரு சில இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும் என வானிலை மையம் தரப்பில் தெரிவிக்கப்பட்டுள்ளது.

சென்னை வானிலை :

இந்நிலையில் சென்னயை பொறுத்தவரை, அடுத்த 24 மணி நேரத்திற்கு வானம் ஓரளவு மேகமூட்டத்துடன் காணப்படும்.  நகரின் ஒருசில பகுதிகளில் இடி, மின்னலுடன் கூடிய லேசானது / மிதமான மழை பெய்யக்கூடும் அதிகாலை வேளையில் ஒரு சில பகுதிகளில் லேசான பனிமூட்டம் காணப்படும். அதிகபட்ச வெப்பநிலை 30 டிகிரி செல்சியஸை ஒட்டியும், குறைந்தபட்ச வெப்பநிலை 24-25 டிகிரி செல்சியஸை ஒட்டியும் இருக்கக்கூடும்

அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி, மின்னலுடன் கூடிய லேசானது / மிதமான மழை பெய்யக்கூடும் அதிகாலை வேளையில் ஒரு சில பகுதிகளில் லேசான பனிமூட்டம் காணப்படும் என வானிலை மையம் தெரிவித்துள்ளது.