Tamilnadu Roundup: மீண்டும் தொடங்கிய ரயில் சேவை, தங்கம் விலை உயர்வு, படப்பிடிப்பில் ஸ்டண்ட் மாஸ்டர் உயிரிழப்பு - 10 மணி செய்திகள்

Tamilnadu Headlines(14.07.25): தமிழ்நாட்டில் காலை முதல் தற்போது வரை நடந்த பல்வேறு முக்கிய நிகழ்வுகளை கீழே காணலாம்.

தலைப்புச் செய்திகள்

Source : ABP

• உடன்பிறப்பே வா என்ற தலைப்பில் இன்று பெருந்துறை, கோபிச்செட்டிப்பாளையம், குன்னூர் சட்டமன்ற தொகுதி நிர்வாகிகளுடன் மு.க. ஸ்டாலின் இன்று ஆலோசனை.
• மக்களை காப்போம் தமிழகத்தை மீட்போம் தேர்தல் சுற்றுப்பயணத்தில், இன்று கடலூர் குறிஞ்சிப்பாடி, விருத்தாசலம், திட்டக்குடி தொகுதிகளில் இபிஎஸ் பரப்புரை.
• பக்தர்களின் அரோகரா கோஷத்துடன் திருப்பரங்குன்றம் முருகன் கோயில் குடமுழுக்கு இன்று காலை வெகு விமர்சையாக நடைபெற்றது.
• தமிழ்நாட்டில் பொறியியல் பொதுப்பிரிவு கலந்தாவு இன்று தொடங்குகிறது. முதல் சுற்றில் பங்கேற்க 44,673 மாணவர்களுக்கு அனுமதி.
• திருவள்ளூர் அருகே சரக்கு ரயிலில் தீ விபத்து ஏற்பட்ட நிலையில், சென்னை சென்ட்ரல் - திருத்தணி மார்க்கத்தில் ரயில் சேவை மீண்டும் தொடங்கியது. இன்று மாலைக்குள் அனைத்துப் பணிகளும் நிறைவடைந்து இயல்பு நிலைக்கு திரும்பும் என ரயில்வே அதிகாரிகள் தகவல்.
• தமிழ்நாட்டில் 500 இடங்களில் மின்சார ஆட்டோ மற்றும் டாக்ஸிகளுக்கு சார்ஜிங் மையங்கள் அமைக்கும் பணியில் மின்சாரத்துறை தீவிரமாக ஈடுபட்டுள்ளது.
• தமிழ்நாட்டில் ஜூலை 15 முதல் 20-ம் தேதி வரை 7 முதல் 11 செ.மீ வரை கனமழைக்கு வாய்ப்பு உள்ளதால் மஞ்சள் எச்சரிக்கை விடுத்தது இந்திய வானிலை ஆய்வு மையம்.
• விருதுநகர் மாவட்டத்தில் செயல்பட்டு வரும் பட்டாசு ஆலைகளில் இன்று ஆய்வு நடக்க இருந்த நிலையில், 200-க்கும் மேற்பட்ட பட்டாசு ஆலைகள் மூடல்.
• புதுக்கோட்டை மாவட்டம் கூகூர் கிராமத்தில் 700 ஆண்டுகள் பழமையான 2 ஆசிரியம் கல்வெட்டுகள் கண்டெடுக்கப்பட்டுள்ளது. இவை, 15-ம் நூற்றாண்டுக்கு பிந்தைய காலத்தில் செதுக்கப்பட்டிருக்கலாம் என தகவல்.
• தங்கம் விலை இன்று சவரனுக்கு ரூ.120 உயர்ந்துள்ளது. ஒரு கிராம் ரூ.9,155-க்கும், ஒரு சவரன் ரூ.73,240-க்கும் விற்பனை.
• பா. ரஞ்சித்தின் வேட்டுவம் படப்பிடிப்பின்போது கார் மேலே பறந்து கீழே விழுந்ததில், ஸ்டண்ட் மாஸ்டர் மோகன்ராஜ் உயிரிழந்தார்.