7.5% Reservation: 7.5 இடஒதுக்கீடு தீர்ப்பு சமூகநீதிக்கு கிடைத்த மூன்றாவது வெற்றி - முதலமைச்சர் மு.க.ஸ்டாலின்
7.5% இடஒதுக்கீட்டின் கீழ் மருத்துவ படிப்பில் சேரும் மாணவர்களின் செலவை தமிழ்நாடு அரசு ஏற்கும் என்று முதலமைச்சர் தெரிவித்துள்ளார்.
மருத்துவ படிப்புகளில் சேரும் அரசுப்பள்ளி மாணவர்களுக்கு 7.5% இடஒதுக்கீட்டை வழங்கியுள்ளது. இது தொடர்பான வழக்கில் இன்று உயர்நீதிமன்றம் ஒரு தீர்ப்பை அளித்திருந்தது. அதில் தமிழ்நாடு அரசு அளித்த இடஒதுக்கீடு செல்லும் என்று உத்தரவிடப்பட்டிருந்தது.
இந்நிலையில் இது தொடர்பாக தற்போது மாநில சட்டப்பேரவையில் பேசிய முதலமைச்சர் மு.க.ஸ்டாலின்,“ 2020-2021 ஆம் கல்வியாண்டில் அரசுப் பள்ளிகளில் பயின்ற மாணவர்களுக்கு மருத்துவப் படிப்புக்கான அளிக்கப்பட்டது. மாணவர் சேர்க்கையில் 75 சதவீதம் ஒதுக்கீடு
நாங்கள் ஆட்சிப் பொறுப்பிற்கு வந்தவுடன், பொறியியல், வேளாண்மை. கால்நடை, மீள்வனம், ஆண்டுகளின் மானாவர் சட்டம் போன்ற தொழிற்கல்வி படிப்புகளில் கடந்த சேர்க்கை விவரங்களின்படி அரசுக் கல்லூரிகள், பல்கலைக்கழகங்கள் மற்றும் முன்னிலை வகிக்கும் சுயநிதிக் கல்லூரிகளில், மிகக்குறைந்த எண்ணிக்கையிலேயே அரசுப் பள்ளிகளில் பயின்ற மானாவர்கள் சேர்க்கை பெற்று வந்த சூழ்நிலையில், இந்த நிலை மாற்றப்பட வேண்டுமென்று நான் அதிகாரிகளுக்கு உத்தரவிட்டேன்.
அதன் அடிப்படையில், அரசுக்கு உரிய பரிந்துரைகளை அளித்திட மாண்பமை டெல்லி உயர்நீதிமன்ற மேனாள் நீதியரசர் திரு தமுருகேசன் அவர்கள் தலைமையில் ஒரு ஆணையம் அமைக்கப்பட்டது. அந்த ஆணையம் அளித்த அறிக்கையின்படி, அரசுப் பள்ளிகளில் பயின்ற மாணவர்களுக்கு, அனைத்து இடஒதுக்கீட்டுப் பிரிவுகளிலும் 7.5 சதவீதம் இடங்கள் முன்னுரிமையின் அடிப்படையில் ஒதுக்கீடு செய்ய. அரசால் 2021ஆம் ஆண்டு, தமிழ்நாடு அரசுப் பள்ளிகளில் பயின்ற மாணவர்களுக்கு முன்னுரிமை அடிப்படையில் "இளநிலை தொழிற்கல்வி படிப்புகளுக்கான சேர்க்கைச் சட்டம்" இயற்றப்பட்டது.
இதனைத் தொடர்ந்து, 7.5 சதவீத முன்னுரிமை அடிப்படையிலான பொறியியல் படிப்புக்குத் தேர்வு செய்யப்பட்ட அரசுப் பள்ளி மாணவர்களுக்கு சேர்க்கை ஆணைகளை வழங்கும் விழாவில் கலந்துகொண்டு, அரசுப் பள்ளிகளில் படித்து 7.5 சதவீத இடஒதுக்கீடு மூலம் தொழிற்கல்லூரிகளில் சேரக்கூடிய மாணவர்களுடைய; அதாவது, பொறியியல், வேளாண்மை, கால்நடை, மீள்வளம், சட்டம் போன்ற தொழிற்கல்விப் படிப்புகளுக்கு ஆகக்கூடிய செலவு. கல்விக் கட்டணம், விடுதிக் கட்டணம், கலந்தாய்வுக் கட்டணம் உள்ளிட்ட அனைத்தையும் இந்த அரசு ஏற்றுக் கொள்ளும்" என்ற அறிவிப்பினை நான் வெளியிட்டேன். இந்தச் சூழலில் உயர்நீதிமன்றம் இன்று நமக்கு சாதகமான தீர்ப்பு வெளியாகியுள்ளது என்ற மகிழ்ச்சியான செய்தியை இந்த மாமன்ற உறுப்பினர்களுடன் நான் பகிர்ந்து கொள்ள விரும்புகிறேன்.
இந்த வரலாற்றுச் சிறப்புமிக்க தீர்ப்பு. தரவுகளின் அடிப்படையிலும், முறையான கலந்தாலோசனை செய்யப்பட்டு கொண்டு வரப்பட்ட முன்னுரிமை அடிப்படையிலான இட ஒதுக்கீட்டிற்கு உயர் நீதிமன்றம் தந்துள்ள மிகப் பெரிய அங்கீகாரம்.இந்த அரசு ஆட்சிப் பொறுப்பேற்று 10 மாத காலத்தில், சமூக நீதிக்கான சட்டப் போராட்டத்தில் கிடைக்கும் மூன்றாவது வெற்றி இந்தத் தீர்ப்பு என்பதைப் பெருமையுடன் பதிவு செய்கிறேன்.சமூக நீதியை மக்கள் மன்றத்திலும், நீதிமன்றத்திலும் நிலைநாட்டி, நாட்டிற்கே வழிகாட்டும் வரலாற்றுக் கடமையை தமிழகம் தொடர்ந்து செய்திடும். திராவிட மாடல் ஆட்சி அதற்காக அயராது உழைத்திடும்.” எனத் தெரிவித்துள்ளார்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
