NEET UG 2023: நீட் தேர்வு விண்ணப்பங்களில் திருத்தம் செய்ய இன்றே கடைசி- எப்படி?

2023ஆம் ஆண்டுக்கான நீட் தேர்வு எழுத விண்ணப்பித்த படிவங்களில் திருத்தம் செய்ய இன்றே கடைசித் தேதி ஆகும். இதை எப்படித் திருத்துவது என்று பார்க்கலாம்.

Written By : மாய நிலா | Updated at : 10 Apr 2023 02:22 PM (IST)

நீட் தேர்வு

2023ஆம் ஆண்டுக்கான நீட் தேர்வு எழுத விண்ணப்பித்த படிவங்களில் திருத்தம் செய்ய இன்றே கடைசித் தேதி ஆகும். இதை எப்படித் திருத்துவது என்று பார்க்கலாம்.

எம்பிபிஎஸ் (பொது மருத்துவம்), பிடிஎஸ் (பல் மருத்துவம்), பிஎஸ்எம்எஸ் (சித்த மருத்துவம்), ஆயுர்வேதா, யுனானி, ஓமியோபதி உள்பட இளங்கலை மருத்துவப் படிப்புகளுக்கும் முதுகலை மருத்துவப் படிப்புகளுக்கும் தேசிய அளவில் நுழைவுத் தேர்வு நடத்தப்பட்டு வருகிறது. இந்தத் தேர்வு நீட் எனப்படும் தேசிய தகுதி மற்றும் நுழைவுத் தேர்வு என அழைக்கப்படுகிறது. ஆண்டுதோறும் நடக்கும் இந்த நுழைவுத் தேர்வை தேசியத் தேர்வுகள் முகமை நடத்துகிறது.

இதில் குறைந்தபட்ச மதிப்பெண்களைப் பெறும் மாணவர்கள் மட்டுமே, மருத்துவப் படிப்புக்குத் தகுதியானவர்கள் ஆவர். நீட் தேர்வில் மாணவர்கள் பெறும் மதிப்பெண்களைக் கொண்டு, கலந்தாய்வில் உரிய மருத்துவக் கல்லூரிகள் ஒதுக்கப்படும்.

மத்திய, மாநில ஒதுக்கீடு

நாடு முழுவதும் உள்ள 645 மருத்துவக் கல்லூரிகள், 318 பல் மருத்துவக் கல்லூரிகள், 914 ஆயுஷ் கல்லூரிகள், 47 கால்நடை மருத்துவக் கல்லூரிகள், நீட் தேர்வு முடிவுகளை அடிப்படையாகக் கொண்டு மாணவர் சேர்க்கையை நடத்தி வருகின்றன. மாநிலக் கல்லூரிகளில் 15 சதவீதம் அகில இந்திய ஒதுக்கீட்டுக்கும் மத்திய பல்கலைக்கழகங்களில் 100 சதவீத ஒதுக்கீட்டுக்கும் மருத்துவக் கலந்தாய்வு நடைபெற்று வருகிறது. மீதமுள்ள மாநிலக் கல்லூரி இடங்கள், சொந்த மாநில மாணவர்களுக்கு ஒதுக்கப்படுகின்றன.

மே 7-ல் 2023 நீட் தேர்வு

2023ஆம் ஆண்டுக்கான இளநிலை நீட் தேர்வு மே 7ஆம் தேதி நடைபெற உள்ளது. அன்று மதியம் 2 மணி முதல் 5.20 மணி வரை 3 மணி நேரம் 20 நிமிடங்களுக்கு இந்தத் தேர்வு நடைபெற உள்ளது.

இதற்கான விண்ணப்பப் பதிவு மார்ச் 6ஆம் தேதி தொடங்கியது. ஒரு மாதம் நிறைவடைந்து, ஏப்ரல் 6ஆம் தேதியுடன் விண்ணப்பப் பதிவு முடிவடைந்தது. விண்ணப்பங்களைத் திருத்தம் செய்ய இன்று கடைசித் தேதி ஆகும். தேர்வர்கள் இன்று நள்ளிரவு 11.50 மணி வரை திருத்தம் செய்யலாம்.

திருத்தம் எப்படி?

ஆதார் சரிபார்க்கப்படாத மாணவர்கள், தங்களின் பெயர், தாயின் பெயர் அல்லது தந்தையின் பெயர் (ஏதாவது ஒன்று மட்டும்), பிறந்த தேதி, பாலினம், படிப்பு, பாடம், தேர்வு மையங்கள் உள்ளிட்ட விவரங்களில் திருத்தம் செய்யலாம். ஆதார் சரிபார்க்கப்பட்ட தேர்வர்களும் இதை மேற்கொள்ளலாம்.

அதே நேரத்தில் மாணவர்கள் தங்களின் மொபைல் எண், இ-மெயில் முகவரி, நிரந்தர மற்றும் தற்காலிக முகவரியை மாற்ற முடியாது.

ஒரு சில திருத்தங்களுக்கு மட்டும் கூடுதல் கட்டணம் செலுத்த வேண்டும். விண்ணப்பங்கள் திருத்தம் செய்யப்பட்டதும், ஹால் டிக்கெட் வெளியீடு, தேர்வு மையங்கள் உள்ளிட்டவற்றுக்கான தேதிகள் பின்னர் அறிவிக்கப்படும் என்று என்டிஏ சார்பில் தெரிவிக்கப்பட்டுள்ளது.

கூடுதல் விவரங்களுக்கு: தொலைபேசி எண்: 011-40759000
இ- மெயில்: neet@nta.ac.in

இதையும் வாசிக்கலாம்: 10ஆம் வகுப்பு பாடங்களின் மாதிரி வினாத் தாளைக் காண: https://tamil.abplive.com/topic/question-bank என்ற இணைப்பை க்ளிக் செய்யவும்.

About the author மாய நிலா

Ramani Prabha Devi writes news under the pseudonym of Maaya Nila. An Engineer by Education, Journalist by Profession, Ramani Prabha Devi hails from a tiny village in Tiruppur. Her agricultural background influenced to take part in the welfare of society.She quit her job from IT industry and joined Journalism with utmost enthusiasm. She has been working in Tamil media for the past 11 years. Her areas of focus are Education, Jobs, Politics, Psychology, Women, Health, Positive and Social Awareness news. She is the author of 3 books and got many awards. She keenly researches and provides accurate and detailed updated news on Education, Jobs which are important to each and everyone. In addition to that, she writes news and articles related to politics, national and international events to the public. Currently she works as Associate Producer in ABP NADU Tamil website.