ஒரே நாளில் கிட்டத்தட்ட 4 லட்சம் பேர் பயணம்.. அசரவைக்கும் சென்னை மெட்ரோ
சென்னை மெட்ரோ ரயில்களில் கடந்த ஜூன் மாதம் அதிகபட்சமாக ஒரே நாளில் 3,72,503 பயணிகள் பயணம் செய்துள்ளனர்.
கடந்த ஜூன் மாதம் மட்டும், சென்னை மெட்ரோ ரயில்களில் 92.19 லட்சம் பயணிகள் பயணம் செய்ததாக தெரிவிக்கப்பட்டுள்ளது.
ஒரே நாளில் கிட்டத்தட்ட 4 லட்சம் பேர் பயணம்:
இதுகுறித்து சென்னை மெட்ரோ ரயில் வெளியிட்ட பதிவில், "கடந்த ஜூன் மாதத்தில் 92.19 லட்சம் பயணிகள் சென்னை மெட்ரோ ரயில்களில் பயணம் செய்துள்ளனர். சென்னை மெட்ரோ ரயில் நிறுவனம், சென்னையில் உள்ள மக்களுக்கும், மெட்ரோ ரயில் பயணிகளுக்கும் போக்குவரத்து வசதியை அளித்து வருவதோடு நம்பக தன்மையான பாதுகாப்பான வசதியை வழங்கி வருகிறது.
அந்த வகையில், கடந்த 2025 ஆம் ஆண்டு, ஜூன் மாதத்தில் 92 லட்சத்து 19 ஆயிரத்து 925 பயணிகள் மெட்ரோ ரயில்களில் பயணித்துள்ளதாக மெட்ரோ ரயில் நிர்வாகம் தெரிவித்துள்ளது. நடப்பாண்டு ஜனவரி மாதத்தில் 86,99,344 பயணிகளும், பிப்ரவரி மாதத்தில் 86,65,803 பயணிகளும், மார்ச் மாதத்தில் 92,10,069 பயணிகளும், ஏப்ரல் மாதத்தில் 87,89,587 பயணிகளும், மே மாதத்தில் 89,09,724 பயணிகளும் மெட்ரோ ரயில்களில் பயணம் செய்துள்ளனர்.
அசரவைக்கும் சென்னை மெட்ரோ:
அதிகபட்சமாக 27.06.2025 அன்று 3,72,503 பயணிகள் மெட்ரோ ரயில்களில் பயணம் செய்துள்ளனர். ஜூன் மாதத்தில் மட்டும் பயண அட்டைகளை (Travel Card Ticketing System) பயன்படுத்தி 6,09,226 பயணிகள், க்யுஆர் குறியீடு (QR Code) பயணச்சீட்டு முறையைப் பயன்படுத்தி 42,07,124 பயணிகள் (CMRL Mobile App 1,51,757; Single journey Paper QR /Token 20,36,936; Static QR 2,99,048; Whatsapp - 5,99,645; Paytm 4,19,108; PhonePe – 3,30,777; ONDC – 3,69,853), சிங்கார சென்னை அட்டையை (தேசிய பொது இயக்க அட்டை) பயன்படுத்தி 44,03,575 பயணிகள் மெட்ரோ ரயில்களில் பயணம் செய்துள்ளனர்.
2025 ஜூன் மாதத்தில் 92.19 லட்சம் பயணிகள் சென்னை மெட்ரோ இரயில்களில் பயணம் செய்துள்ளனர்
— Chennai Metro Rail (@cmrlofficial) July 1, 2025
சென்னை மெட்ரோ இரயில் நிறுவனம், சென்னையில் உள்ள மக்களுக்கும், மெட்ரோ இரயில் பயணிகளுக்கும் போக்குவரத்து வசதியை அளித்து வருவதோடு நம்பக தன்மையான பாதுகாப்பான வசதியை வழங்கி வருகிறது. அந்த வகையில்…
சென்னை மெட்ரோ ரயில் நிறுவனம் மெட்ரோ ரயில்களில் பயணிப்பவர்களுக்கு க்யுஆர் குறியீடு (OR Code) பயணச்சீட்டு, பயண அட்டைகள் (Travel Card), Whatsapp - (+91 83000 86000), Paytm App, PhonePe மற்றும் சிங்கார சென்னை அட்டை போன்ற அனைத்து வகையான பயணச்சீட்டுகளுக்கும் 20% கட்டணத் தள்ளுபடி வழங்குகிறது. மெட்ரோ ரயில்கள் மற்றும் மெட்ரோ ரயில் நிலையங்களை பராமரிப்பதில் மிகுந்த ஒத்துழைப்பு நல்கிவரும் அனைத்து பயணிகளுக்கும் சென்னை மெட்ரோ ரயில் நிர்வாகத்தின் சார்பில் மனமார்ந்த நன்றி" என குறிப்பிடப்பட்டுள்ளது.
தலைப்பு செய்திகள்
ட்ரெண்டிங் செய்திகள்
