கரூர்: தூக்கு போட்டு தற்கொலை செய்து கொண்டவரின் இறப்பில் மர்மம் - மனைவி மீது புகார்
சிவகுமாரின் பெற்றோர் வீட்டிற்கு சென்ற போது மகன் இறந்து கிடந்தது பார்த்து கதறி அழுததோடு, மகனை கொன்று விட்டதாக சிவக்குமாரின் தாய் பரமேஸ்வரி கூறிய நிலையில் மோகனாவின் சகோதரர்கள் அவரை தாக்கியதாக கூறப்படுகிறது.
கரூர் அருகே தூக்கு போட்டு தற்கொலை செய்து கொண்டவரின் இறப்பில் மர்மம் இருப்பதாக உறவினர்கள் குற்றச்சாட்டு -இறந்தவர் மனைவி மீது புகார்- போலீசார் விசாரணை.
கரூர் மாவட்டம், கிருஷ்ணராயபுரம் அடுத்த புனவாசிப்பட்டி, ஜானகிபுரத்தை சேர்ந்தவர் மோகனா. இவர் வடமதுரையில் உள்ள பத்திரபதிவு அலுவலகத்தில் பணியாற்றி வருகிறார். இவரது கணவர் சிவகுமார். இவர் சொந்தமாக லாரி வைத்து தொழில் செய்து வருகிறார். இருவருக்கும் திருமணமாகி 10 வருடங்களுக்கு மேல் ஆகும் நிலையில், 2 பெண் குழந்தைகள், 1 ஆண் குழந்தை உள்ளனர்.
இருவருக்கும் அடிக்கடி பிரச்சினை ஏற்பட்டு வந்ததாக கூறப்படுகிறது. வடமதுரையில் அரசு ஊழியராக பணியாற்றி வரும் மோகனா, வாரந்தோறும் வெள்ளிக்கிழமை இரவு ஊர் திரும்பும் நிலையில், சிவகுமார் கார் மூலமாக வீட்டிற்கு அழைத்து வருவது வழக்கம். சிவக்குமார் வழக்கம்போல் வெள்ளிக்கிழமை இரவு 10 மணி அளவில் மோகனாவை வீட்டிற்கு அழைத்து வந்துள்ளார்.
அதனை தொடர்ந்து சனிக்கிழமை நள்ளிரவு 12.00 மணியளவில் தனது கணவர் தூக்கு போட்டு தற்கொலை செய்து கொண்டதாக, சிவகுமாரின் பெற்றோருக்கு மோகனா தகவல் தெரிவித்துள்ளார். தகவல் அறிந்து சிவகுமாரின் பெற்றோர் வீட்டிற்கு சென்ற போது மகன் இறந்து கிடந்தது பார்த்து கதறி அழுததோடு, மகனை கொன்று விட்டதாக சிவக்குமாரின் தாய் பரமேஸ்வரி கூறிய நிலையில், மோகனாவின் சகோதரர்கள் அவரை தாக்கியதாக கூறப்படுகிறது.
அதனைத் தொடர்ந்து லாலாபேட்டை காவல் நிலையத்திற்கு தகவல் அளிக்கப்பட்டு, சம்பவ இடத்திற்கு வந்த போலீசார் சிவக்குமாரின் உடலை பிரேத பரிசோதனைக்காக அரசு மருத்துவக் கல்லூரி மருத்துவமனையில் வைத்துள்ளனர்.
இந்த நிலையில் சிவகுமார் இறப்பில் சந்தேகம் இருப்பதாகவும், சாவுக்கு மோகனா தான் காரணம் என அவரது பெற்றோர் மற்றும் உறவினர்கள் குற்றச்சாட்டு வைத்துள்ளனர். இது குறித்து லாலாபேட்டை போலீசார் வழக்கு பதிவு செய்து விசாரணை நடத்தி வருகின்றனர்.
தலைப்பு செய்திகள்
ட்ரெண்டிங் செய்திகள்
