Thagaisal Thamizhar Award: மூத்த போராளி சங்கரய்யாவுக்கு தகைசால் தமிழர் விருது அறிவிப்பு

"தகைசால் தமிழர்" விருதிற்குத் தேர்ந்தெடுக்கப்பட்ட என்.சங்கரய்யாவுக்கு, பத்து இலட்சம் ரூபாய்க்கான காசோலையும் பாராட்டுச் சான்றிதழும் வழங்கப்படும்.

என்.சங்கரய்யா , தகைசால் தமிழர் விருது

தமிழ்நாடு அரசின் தகைசால் விருதுக்கு முதுபெரும் மார்க்சிஸ்ட் கம்யூனிஸ்ட் கட்சியின் தலைவர் தேர்வு செய்யப்பட்டுள்ளார். ஆகஸ்ட் 15ம் தேதியன்று நடைபெறும் சுதந்திர தினத்தின் போது முதல்வர் மு.க ஸ்டாலின் இவ்விருதினை வழங்குகிறார்.     

இதுகுறித்து தமிழ்நாடு அரசு வெளியிட்ட செய்திக் குறிப்பில், "தமிழ்நாட்டிற்கும், தமிழினத்தின் வளர்ச்சிக்கும் மாபெரும் பங்காற்றியவர்களைப் பெருமைப்படுத்தும் வகையில், "தகைசால் தமிழர்" என்ற பெயரில் புதிய விருதை உருவாக்கவும், இந்த விருதிற்கான விருதாளரைத் தேர்வு செய்திட ஒரு குழுவை அமைத்திடவும் தமிழ்நாடு முதலமைச்சர்  மு.க ஸ்டாலின்  ஏற்கனவே ஆணையிட்டிருந்தார். 

தமிழ்நாட்டு அரசியலின் முன்னத்தி ஏர், தியாக வாழ்வின் சாரம் தோழர் என். சங்கரய்யாவுக்கு முதல் "தகைசால் தமிழர்" விருது அறிவிப்பு.
கலைஞரின் மகன் கலைஞரைப் போலவே சிந்திக்கிறார். 👏🙏 pic.twitter.com/2aDRK0PHJ7

— SKP KARUNA (@skpkaruna) July 28, 2021

இவ்விருதுக்கான விருதாளரைத் தேர்வு செய்வதற்காக அமைக்கப்பட்ட குழுவின் கலந்தாலோசனைக் கூட்டம் சென்னை தலைமைச் செயலகத்தில்  தமிழ்நாடு முதலமைச்சர் தலைமையில் நடைபெற்றது. அக்கூட்டத்தில், இளம் வயதிலேயே பொது வாழ்க்கையில் ஈடுபட்டு மாணவத் தலைவராகவும், சுதந்திரப் போராளியாகவும் சட்டமன்ற உறுப்பினராகவும் அரும்பணியாற்றியதுடன், தமிழ்நாட்டிற்கும், தமிழினத்தின் வளர்ச்சிக்கும் பெரும் பங்காற்றி, சமீபத்தில் 100 வயதை அடைந்த தமிழர், மார்க்சிஸ்ட் கம்யூனிஸ்ட் கட்சியின் மூத்த தலைவர் என். சங்கரய்யாவைப் பெருமைப்படுத்தும் வகையில், இவ்வாண்டிற்கான “தகைசால் தமிழர்” விருதுக்கு அவரது பெயர் பரிசீலிக்கப்பட்டு, அவருக்கு இவ்விருதினை வழங்க முடிவு செய்யப்பட்டது.

தோழர் என்.சங்கரய்யா அவர்களின் பிறந்தநாள் நூற்றாண்டை முன்னிட்டு மயிலாடுதுறை மாவட்டம், திருவிளையாட்டம் கிராமத்தில் வரையப்பட்டுள்ள சுவரோவியம். #CPIM #Comrade #NSankaraiah #nsankaraiah100 #FreedomFighter pic.twitter.com/tDSkvLKLMq

— CPIM Tamilnadu (@tncpim) July 28, 2021

பலர் விருதுகளின் வழியே தம்மை அடையாளப்படுத்திக் கொள்வர். தோழர்கள் சங்கரய்யா, நல்லக்கண்ணு போன்ற சிலர் மட்டுமே அந்த விருதுகளுக்கு அடையாளத்தை தருவர். தகைசால் தமிழர் என்ற விருது தோழர் சங்கரய்யா அவர்களுக்கு வழங்கப்பட்டதன் வழியே தம்மை அடையாளப்படுத்திக் கொண்டிருக்கிறது.#தகைசால்_தமிழர்

— Shaik Dawood (@pasdawood) July 28, 2021

மார்க்சிஸ்ட் கட்சியின் முதுபெரும் தலைவர், சுதந்திர போராட்ட வீரர் அன்புத்தோழர் என்.சங்கரய்யா அவர்களுக்கு 'தகைசால் தமிழர்' விருது அறிவித்துள்ள தமிழக முதலமைச்சர் @mkstalin அவர்களுக்கு மார்க்சிஸ்ட் கட்சியின் சார்பில் நெஞ்சார்ந்த நன்றியை தெரிவிக்கிறோம்.

தோழர் NS அறிக்கை இணைப்பில்... pic.twitter.com/vNxKq243to

— கே.பாலகிருஷ்ணன் - K Balakrishnan (@kbcpim) July 28, 2021

"தகைசால் தமிழர்" விருதிற்குத் தேர்ந்தெடுக்கப்பட்ட என்.சங்கரய்யாவுக்கு, பத்து இலட்சம் ரூபாய்க்கான காசோலையும் பாராட்டுச் சான்றிதழும், வருகிற ஆகஸ்ட் திங்கள் 15 ஆம் நாள் நடைபெறும் சுதந்திர தின விழாவில் தமிழ்நாடு முதலமைச்சர் திரு மு.க. ஸ்டாலினால் வழங்கப்படும்". 

இவ்வாறு அந்த செய்திக் குறிப்பில் தெரிவிக்கப்பட்டது.   

மேலும், வாசிக்க: