கத்திரி வெயிலும் கோடை மழையும்! அடுத்த ஒரு வாரம் இப்படிதான்! புட்டு புட்டு வைத்த வானிலை மைய தலைவர்!
TN Weather: வரும் 3 நாட்களுக்கு வெப்பநிலை உயரும் என வானிலை மைய தென்மண்டல தலைவர் பாலச்சந்திரன் தெரிவித்துள்ளார்.
தமிழ்நாட்டில் கோடை வெயிலானது சுட்டெரித்து கொண்டிருக்கும் நிலையில் வானிலை குறித்து, வானிலை மைய தென்மண்டல தலைவர் பாலச்சந்திரன் செய்தியாளர்களை சந்தித்தார். அப்போது தெரிவிக்கையில், வரும் 3 நாட்களுக்கு வெப்பநிலை உயரும் என தெரிவித்தார்.
மேலும் தெரிவிக்கையில், இன்று முதல் மே 6 ஆம் தேதி வரை வட தமிழ்நாட்டின் உள் மாவட்டங்களில் ஓரிரு இடங்களில் வெப்ப அலை வீசக்கூடும். தமிழ்நாட்டின் உள் மாவட்டங்களில் 2 முதல் 4 டிகிரி செல்சியஸ் அதிகரிக்கும்.
வட தமிழ்நாட்டின் உள் மாவட்டங்களில், இயல்பை விட 3 முதல் 5 டிகிரி செல்சியல் அதிகரிக்க வாய்ப்புள்ளது.
சென்னையை பொறுத்தவரை, அடுத்த 2 தினங்களுக்கு அதிகபட்ச வெப்பநிலை 39 முதல் 40 டிகிரி செல்சியஸ் வரை இருக்க வாய்ப்புள்ளது.
மழை:
— Tamilnadu Weather-IMD (@ChennaiRmc) May 3, 2024
கடந்த 24 மணி நேரத்தில் கிருஷ்ணகிரி, தருமபுரி,வேலூர் ஆகிய மாவட்டங்களில் கோடை மழை பெய்துள்ளது. மே மாதம் 7 ஆம் முதல் நீலகிரி, கிருஷ்ணகிரி, தருமபுரி, ஈரோடு, திருப்பத்தூர், வேலூர், ஆகிய 6 மாவட்டங்களில் கனமழைக்கு வாய்ப்புள்ளது எனவும் வானிலை மையம் தெரிவித்துள்ளது. கோடை மழை பெய்ததையடுத்து, வெப்பநிலை குறைய வாய்ப்புள்ளது.
— Tamilnadu Weather-IMD (@ChennaiRmc) May 3, 2024
அதிக வெப்பம் ஏன்?:
மேக கூட்டங்கள் குறைவாக இருக்கிற போது, காற்றில் ஈரப்பதம் குறைவாக இருக்கிற போது, வெயில்தாக்கம் நேரடியாக இருக்கிறது. ஆகையால் வெப்பம் அதிகமாக இருக்கும். இதன் காரணமாக இடத்தை பொறுத்து வெப்பநிலை மாறுபடும் சூழ்நிலை உள்ளது.
Before You Go
CM Vijay New Order ; ஆளுநருக்கு பவர் இல்லை அதிகாரத்தை கையிலெடுத்த விஜய் கலக்கத்தில் அதிகாரிகள்
தலைப்பு செய்திகள்
ட்ரெண்டிங் செய்திகள்
