ISI தரச்சான்றிதழ் இல்லாத பொம்மைகள் பறிமுதல்.. பிஐஎஸ் அதிகாரிகள் அதிரடி சோதனை..

சென்னை விமான நிலையத்தில் உள்ள பொம்மைக் கடையில் பிஐஎஸ் அதிகாரிகள் நேற்று இரவு அதிரடிச் சோதனை - ஐஎஸ்ஐ முத்திரை இல்லாத பொம்மைகள் பறிமுதல் செய்யப்பட்டன.

சென்னை விமான நிலையம் பிஐஎஸ் அதிகாரிகள் சோதனை

சென்னை விமான நிலையத்தில் உள்ள பொம்மைக் கடையில் பிஐஎஸ் அதிகாரிகள் நேற்று இரவு அதிரடிச் சோதனை - ஐஎஸ்ஐ முத்திரை இல்லாத பொம்மைகள் பறிமுதல் செய்யப்பட்டன.

இந்திய தர நிர்ணய அமைப்பு, சென்னை அலுவலக அதிகாரிகள் குழு நேற்று இரவு சென்னை T1 உள்நாட்டு விமான நிலையத்தில் அமைந்துள்ள M/s Tiara Toys Zone, TiaraTrading Company இல் BIS சட்டம்,2016 ஐ மீறுவதாக சந்தேகிக்கப்படும் தகவலின் அடிப்படையில், அமலாக்கச் சோதனை மற்றும் பறிமுதல் நடவடிக்கையை மேற்கொண்டனர்.

இந்த சோதனையின்போது, இந்திய தர நிர்ணய அமைப்பின்  சட்டம் 2016 பிரிவு 28 இன் படி, கடைகளில் பிஐஎஸ் ஸ்டாண்டர்ட் மார்க் (ஐஎஸ்ஐ மார்க்) இல்லாமல் பொம்மைகள் விற்பனை செய்யப்பட்டது கண்டுபிடிக்கப்பட்டது. பிஐஎஸ் ஸ்டாண்டர்ட் மார்க் (ஐஎஸ்ஐ மார்க்) இல்லாத மொத்தம் 327 பொம்மைகள் (198 மின்சாரம் அல்லாத பொம்மைகள் மற்றும் 129 எலக்ட்ரிக் பொம்மைகள்) பறிமுதல் செய்யப்பட்டன. 

அரசால் வெளியிடப்பட்ட பொம்மைகள் (தரக்கட்டுப்பாடு) ஆணை, 2020ன் படி, இந்தியாவில் தயாரிக்கப்பட்ட, இறக்குமதி செய்யப்பட்ட, விநியோகிக்கப்பட்ட, விற்கப்படும், வாடகைக்கு எடுக்கப்பட்ட, குத்தகைக்கு விடப்பட்ட, சேமித்து வைக்கப்பட்ட அல்லது விற்பனைக்காகக் காட்டப்படும் அனைத்து பொம்மைகளும் BIS ஆல் கட்டாயமாக தரச் சான்றளிக்கப்பட்டு BIS ஸ்டாண்டர்ட் மார்க் பெற்றிருக்க வேண்டும். எனவே, இந்த கடை  பொம்மைகள் (தரக் கட்டுப்பாடு) ஆணை,2020ஐ மீறியதன் மூலம்,BIS சட்டம் 2016 இன் பிரிவு 16 மற்றும் 17ஐ மீறியுள்ளார்.

இந்திய தர நிர்ணய அமைப்பு, சென்னை கிளை அலுவலகம் I, இந்திய தர நிர்ணயச் சட்டம்,2016-ன் கீழ் தரச்சான்றிதழ் இல்லாமல் பொம்மைகள் விற்பனை செய்ததை தொடர்ந்து அவர்கள் மீது நடவடிக்கை எடுக்கப்பட்டுள்ளது. இந்தக் குற்றத்திற்கு, முதல் மீறலுக்கு BIS சட்டம், 2016 இன் பிரிவு 29 இன் படி, இரண்டு ஆண்டுகள் வரை சிறைத்தண்டனை அல்லது ரூ.2,00,000/- இற்கு குறையாத அபராதம் விதிக்கப்படும்.

எனவே, பொது மக்கள், எவரேனும் ஐஎஸ்ஐ முத்திரையைத் தவறாகப் பயன்படுத்துவது தெரிந்தால் ,பிஐஎஸ் தெற்கு மண்டல அலுவலகம், சிஐடி வளாகம், 4வது குறுக்கு சாலை, தரமணி, சென்னை-600 113 என்ற முகவரிக்கு தகவல் தெரிவிக்கலாம். BIS Care செயலியைப் பயன்படுத்தியோ அல்லது cnbo1@bis.gov.in என்ற மின்னஞ்சல் முகவரிக்கு மின்னஞ்சல் அனுப்புவதன் மூலமாகவோ தகவல் தெரிவிக்கலாம். அத்தகைய தகவல் அளித்தவரின் அடையாளம் ரகசியமாக வைக்கப்படும். BIS இணையதளம் www.bis.gov.in மற்றும் e-BIS (manakonline.in) ஆகியவை BIS பற்றிய பொதுவான தகவல்களுக்கு உங்களுக்கு உதவும்