Aavin milk price: பால் விலை லிட்டருக்கு ரூ.6 உயர்வா..!! உண்மை என்ன.? ஆவின் திடீர் விளக்கம்

Aavin milk price: ஆவின் பால் விலை லிட்டருக்கு 6 ரூபாய் விலை உயர்த்தப்பட்டதாக தகவல் வெளியான நிலையில், இதனை மறுத்து ஆவின் நிர்வாகம் விளக்கம் அளித்துள்ளது.

aavin milk price

Source : social media

தமிழகத்தில் ஆவின் பால் விலை உயர்வா.?

தமிழகத்தில் ஆவின் பால் விலை லிட்டருக்கு ரூ.6 உயர்ந்துள்ளதாக சமூக வலைதளங்களில் தகவல் பரவியது.  இதனால் பொதுமக்கள் அதிர்ச்சி அடைந்தனர். இந்த நிலையில் அப்படி எந்த பால் விலையையும் உயர்த்தவில்லையென ஆவின் நிர்வாகம் தெரிவித்துள்ளது. இது தொடர்பாக ஆவின் வெளியிட்டுள்ள அறிக்கையில், தமிழ்நாட்டில் நாளென்றுக்கு ஆவின் மூலம் 31 இலட்சம் லிட்டர் பால் விநியோகம் செய்யப்படுகிறது. குறிப்பாக, சென்னையில் நாளொன்றுக்கு சுமார் 15 இலட்சம் லிட்டர் பால் மற்றும் மாதம் ஒன்றுக்கு சுமார் ரூ.30 கோடி மதிப்பிலான பால் உப பொருட்கள், 35 ஆவின் ஜங்சன் பாலகங்கள், 200 ஆவின் பாலகங்கள் மற்றும் சுமார் 860 சில்லரை விற்பனையாளர்கள் மூலமாக பொதுமக்களுக்கு விற்பனை செய்யப்பட்டு வருகிறது.

பால் உயர்தவில்லை- ஆவின் விளக்கம்

ஆவின் மூலம் பொது மக்களுக்கு சமன்படுத்தப்பட்ட பால், இருமுறை சமன்படுத்தப்பட்ட பால், நிலைப்படுத்தப்பட்ட பால், நிறைகொழுப்பு பால் மற்றும் டிலைட் பால் என ஐந்து வகை பால் பாக்கெட்டுகள் விற்பனை செய்யப்படுகிறது. தமிழ்நாடு முழுவதும், ஆவின் பால் விலை மற்றும் வகைகளில் எவ்வித மாற்றமும் இல்லை. மேலும், தங்கு தடையின்றி ஆவின் பால் அனைத்து பகுதிகளிலும் விநியோகிக்கப்பட்டு வருகிறது.எனவே ஆவின் பால் விலையேற்றம் என வெளியிடப்படும் செய்தி முற்றிலும் தவறு மற்றும் ஆதாரமற்றது என தெரிவிக்கப்படுவதாக அந்த அறிக்கையில் கூறப்பட்டுள்ளது.