Police Sub Inspectors Promotion : ’13 ஆண்டுகள் ஆகியும் பதவி உயர்வு இல்லை’ பரிதவிப்பில் உதவி காவல் ஆய்வாளர்கள்..!

2008ஆம் ஆண்டு பணியில் சேர்ந்து, 13 ஆண்டுகளாக பதவி உயர்வு கிடைக்காமல் காத்துக் கிடக்கும் காவல் உதவி ஆய்வாளர்களின் குரல், காவல்துறையை தனது நேரடி கட்டுப்பாட்டில் வைத்திருக்கும் முதல்வரின் காதுகளில் விழுந்து, அவர்களுக்கு பதவி உயர்வு கிடைக்குமா என்ற எதிர்பார்ப்பு எழுந்துள்ளது.

FOLLOW US: 

தமிழ்நாட்டில் கடந்த 2008ஆம் ஆண்டு, திமுக ஆட்சியில் இருக்கும்போது பணியமர்த்தப்பட்ட 745 உதவி காவல் ஆய்வாளர்களில் கிட்டத்தட்ட 450க்கும் மேற்பட்டோருக்கு 13 ஆண்டுகள் ஆகியும் இன்னும் பதவி உயர்வு வழங்கப்படவில்லை. ஆனால், 2011ஆம் ஆண்டு ஆயுதப்படை உள்ளிட்ட பிரிவுகளில் எஸ்.ஐக்களாக பணியில் சேர்ந்த பலர், இன்ஸ்பெக்டர்களாக பதவி உயர்வு பெற்றுவிட்ட நிலையில், அவர்களுக்கு முன்னதாக காவல்துறையில் சேர்ந்த 2008ஆம் ஆண்டு பேட்ஜ் எஸ்.ஐக்களுக்கு இன்னும் பதவி உயர்வு வழங்கப்படாதது அவர்களிடையே சோர்வை ஏற்படுத்தியுள்ளது.Police Sub Inspectors Promotion : ’13 ஆண்டுகள் ஆகியும் பதவி உயர்வு இல்லை’ பரிதவிப்பில் உதவி காவல் ஆய்வாளர்கள்..!


தங்களுக்கு பின்னர் பணியில் சேர்ந்த ஜூனியர்களுக்கு புரோமோஷன் கிடைத்துவிட்ட நிலையில், சீனியர்களான தங்களுக்கு இன்னும் பதவி உயர்வு கிடைக்காதது ஏமாற்றம் அளிப்பதாக தெரிவிக்கும் 2008ஆம் ஆண்டு பணியில் சேர்ந்த உதவி காவல் ஆய்வாளர்கள், கடந்த திமுக ஆட்சியில் பணியர்த்தப்பட்ட எங்களுக்கு,  தமிழ்நாட்டில் மீண்டும் திமுக ஆட்சி அமைந்திருக்கும் நிலையில், பதவி உயர்வு வழங்கி உத்தரவிடவேண்டும் என முதலமைச்சர் மு.க.ஸ்டாலினுக்கு கோரிக்கை வைத்துள்ளனர்.  கடந்த 10 ஆண்டுகளாக தமிழ்நாட்டை ஆட்சி செய்த அதிமுக அரசின் கவனத்திற்கு பல முறை இதனை கொண்டுச்சென்றபோதும், எந்த நடவடிக்கையும் எடுக்கவில்லை என குற்றஞ்சுமத்தும் போலீசார், இந்த ஆட்சியிலாவது தங்களுக்கு விடிவு கிடைக்குமா என எதிர்பார்த்து காத்துக்கொண்டிருக்கின்றனர்.Police Sub Inspectors Promotion : ’13 ஆண்டுகள் ஆகியும் பதவி உயர்வு இல்லை’ பரிதவிப்பில் உதவி காவல் ஆய்வாளர்கள்..!


நேரடி தேர்வின் மூலம் நியமிக்கப்பட்ட உதவி காவல் ஆய்வாளர்களுக்கு 10 வருடத்திற்கு ஒரு முறை பதவி உயர்வு அளிக்கப்பட வேண்டும் என்பது விதியாக இருக்கும் நிலையில், 13 ஆண்டுகளை கடக்கும் நிலையில் உள்ள இவர்களுக்கு இன்னும் புரோமோஷன் வழங்கப்படாததால், அடுத்தடுத்த பதவி உயர்வுகளும், ஊதியமும் பாதிப்புக்கு உள்ளாகும் என வேதனைப்படுகிறார்கள்.


இரவு பகலாக எந்நேரமும் மக்கள் பணியில் ஈடுபட்டுள்ள போலீசாரின் பணி, இந்த கொரோனா காலக்கட்டத்தில் பல மடங்காக அதிகரித்துள்ளது. தமிழ்நாட்டில் பல்வேறு பகுதிகளில் ஏராளமான போலீசாருக்கு கொரோனா தொற்று ஏற்பட்டு பாதிக்கப்பட்டும், சிலர் உயிரிழந்தும் வரும் நிலையில், பாதுகாப்பு பணியில் ஈடுபட்டுள்ள இவர்களுக்கு சரியான காலக்கட்டத்தில் பதவி உயர்வு வழங்குவதுதான் நியாயமான நடவடிக்கையாக இருக்கும் என ஓய்வு பெற்ற காவல் அதிகாரிகள் கருத்து தெரிவிக்கின்றார்கள்.Police Sub Inspectors Promotion : ’13 ஆண்டுகள் ஆகியும் பதவி உயர்வு இல்லை’ பரிதவிப்பில் உதவி காவல் ஆய்வாளர்கள்..!


அதேபோல், 2008 ஆம் ஆண்டில் பணியில் சேர்ந்த காவல் உதவி ஆய்வாளர்களுக்கு பதவி உயர்வு வழங்கினால்தான், 2011ல் சேர்ந்து 10 ஆண்டுகளை கடந்துவிட்ட எஸ்.ஐக்களுக்கும் அடுத்த பதவி உயர்வு வழங்க முடியும். இல்லையென்றால் இன்னும் அதிக காலங்கள் இவர்களும் பதவி உயர்விற்காக காத்துக்கிடக்க வேண்டிய நிலை ஏற்படும். பதவி ஏற்றது முதல் பல்வேறு நடவடிக்கைகளையும், காவல்துறையினருக்கான சலுகைகளையும் அறிவித்து வரும் முதலமைச்சர் மு.க.ஸ்டாலின், தன்னுடைய நேரடி கட்டுப்பாட்டில் உள்ள காவல்துறையில் பணியாற்றும் காவலர்களின் கோரிக்கைகளையும் கனிவுடன் பரிசீலித்து நடவடிக்கை எடுப்பார் என தீர்க்கமாக நம்பியிருக்கின்றனர் .

Tags: tamilnadu police SI Sub Inspector of Police 2008 batch sub inspectors

தொடர்புடைய செய்திகள்

TN Lockdown: ஊரடங்கு தொடர்பாக நாளை முதல்வர் ஆலோசனை: சென்னைக்கு கட்டுப்பாடு?

TN Lockdown: ஊரடங்கு தொடர்பாக நாளை முதல்வர் ஆலோசனை: சென்னைக்கு கட்டுப்பாடு?

மதுபானம் வாங்க முண்டியடிப்பு; மிலிட்ரி கேண்டினுக்கு ‛சீல்’ வைப்பு

மதுபானம் வாங்க முண்டியடிப்பு; மிலிட்ரி கேண்டினுக்கு ‛சீல்’ வைப்பு

”பாரத நாட்டை யாராலும் பிரிக்கமுடியாது.. அப்படிச் சொன்னால்!” - முதல்வரிடம் விளக்கம் கேட்கும் வானதி சீனிவாசன் எம்.எல்.ஏ..!

”பாரத நாட்டை யாராலும் பிரிக்கமுடியாது.. அப்படிச் சொன்னால்!” - முதல்வரிடம் விளக்கம் கேட்கும் வானதி சீனிவாசன் எம்.எல்.ஏ..!

உள்ளாட்சித் தேர்தல் தொடர்பாக ஸ்டாலின் மாவட்ட செயலாளர்களுடன் நாளை ஆலோசனை..!

உள்ளாட்சித் தேர்தல் தொடர்பாக ஸ்டாலின் மாவட்ட செயலாளர்களுடன்  நாளை ஆலோசனை..!

தமிழ்நாட்டில் அடுத்த 4 நாட்களுக்கு மழைக்கு வாய்ப்பு - வானிலை ஆய்வு மையம் தகவல்..!

தமிழ்நாட்டில் அடுத்த 4 நாட்களுக்கு மழைக்கு வாய்ப்பு - வானிலை ஆய்வு மையம் தகவல்..!

டாப் நியூஸ்

Tamil Nadu Coronavirus LIVE: நாடு முழுவதும் கடந்த 24 மணி நேரத்தில் 54,296 பேருக்கு கொரோனா பாதிப்பு

Tamil Nadu Coronavirus LIVE: நாடு முழுவதும் கடந்த 24 மணி நேரத்தில் 54,296 பேருக்கு கொரோனா பாதிப்பு

CM Stalin on DMK: ‛அடக்கப்பட்ட யானை... காட்டு யானை... கும்கி யானை...’ முதல்வர் பேச்சை கிண்டலடித்து வானதி ட்விட்!

CM Stalin on DMK: ‛அடக்கப்பட்ட யானை... காட்டு யானை... கும்கி யானை...’  முதல்வர் பேச்சை கிண்டலடித்து வானதி ட்விட்!

ஈஷாவில் தியானலிங்க பிரதிஷ்டையின் 22-வது ஆண்டு தினம்

ஈஷாவில் தியானலிங்க பிரதிஷ்டையின் 22-வது ஆண்டு தினம்

Jio Phone Next Announced: செப்டம்பர் 10 முதல் 'ஜியோ நெக்ஸ்ட் அறிமுகம்' - முகேஷ் அம்பானி அறிவிப்பு

Jio Phone Next Announced: செப்டம்பர் 10 முதல் 'ஜியோ நெக்ஸ்ட் அறிமுகம்' - முகேஷ் அம்பானி அறிவிப்பு