Mettur Dam: மேட்டூர் அணைக்கு மீண்டும் நீர் பெருக்கெடுப்பு! இன்றைய நிலவரம் இதோ !

சேலம் : மேட்டூர் அணை நீர்திறப்பு 10,000 கனஅடியாக உயர்வு

மேட்டூர் அணை

Source : ABP NADU

சேலம்: மேட்டூர் அணையின் மொத்த நீர்மட்டம், 120 அடி. அணையில் இருந்து வினாடிக்கு, 14,000 கன அடியாக இருந்த அணை டெல்டா நீர்திறப்பு.

மேட்டூர் அணை நீர்திறப்பு 10,000 கனஅடியாக உயர்வு

மேட்டூர் அணையின் மொத்த நீர்மட்டம், 120 அடி. அணையில் இருந்து வினாடிக்கு, 14,000 கன அடியாக இருந்த அணை டெல்டா நீர்திறப்பு, கடந்த, 11ல், 10,000 கன அடி, தொடர்ந்து, 7,000 கனஅடி என படிப்படியாக குறைக்கப்பட்டது.  அதேநேரம், 11ல் வினாடிக்கு, 8,776 கனஅடியாக இருந்த மேட்டூர் அணை நீர்வரத்து, 12ல், 16,288 கனஅடியாக அதிகரித்தது. இந்நிலையில் கடந்த, 11 முதல் நேற்று மதியம் வரை, வினாடிக்கு, 7,000 கனஅடியாக இருந்த பாசன நீர்திறப்பு, நேற்று மாலை, 4:00 மணி முதல், 10,000 கனஅடி யாக அதிகரிக்கப் பட்டது. கடந்த, 11, 118.20 அடியாக மேட்டூர் அணை நீர்மட்டம் சரிந்தது. ஆனால் தற் போது, நீர்திறப்பை விட வரத்து கூடுதலாக உள் ளதால், இரு நாட்களுக்கு பின் நேற்று காலை, 8:00 மணிக்கு மீண்டும், 119.02 அடியாக உயர்ந்தது.

ஒகேனக்கல்லுக்கு நீர்வரத்து வினாடிக்கு 6,500 கன அடியாக குறைந்துள்ளது 

தர்மபுரி மாவட்டம் பென்னாகரம் அடுத்த ஒகேனக்கல் காவிரி ஆற்றில் நேற்று 9,500 கன அடியாக இருந்த நீர்வரத்து இன்று காலை 6 மணி நிலவரப்படி வினாடிக்கு 6,500 கன அடியாக குறைந்துள்ளது.

தர்மபுரி மாவட்டம், பென்னாகரம் அருகே அமைந்துள்ள ஒகேனக்கல் காவிரி ஆற்றில் நீர்வரத்து படிப்படியாகக் குறைந்து வருகிறது. நேற்று மாலை வினாடிக்கு 9,500 கனஅடியாக இருந்த நீர்வரத்து, இன்று காலை நிலவரப்படி வினாடிக்கு 6,500 கனஅடியாகக் குறைந்துள்ளது. கர்நாடக மாநிலத்தின் காவிரி நீர் பிடிப்புப் பகுதிகளில் பெய்துவந்த மழையின் தாக்கம் குறைந்துள்ளதால், நீர்வரத்து படிப்படியாகக் குறையத் தொடங்கியுள்ளது. காவிரி ஆற்றின் நீர்ப்பிடிப்புப் பகுதிகளான குடகு, மைசூரு, மாண்டியா போன்ற இடங்களில் மழை குறைந்ததே இதற்கு முக்கிய காரணமாகக் கூறப்படுகிறது.நீர்வரத்து குறைந்ததால், ஒகேனக்கலின் பிரதான அருவிகளில் ஆர்ப்பரித்து வந்த தண்ணீர் ஓரளவிற்கு குறைந்துள்ளது.

இதனால், சுற்றுலாப் பயணிகள் அருவிகளில் குளிப்பதிலும், பரிசல் சவாரியிலும் முன்புபோல் உற்சாகம்கொள்ளவில்லை. ஆனாலும், விடுமுறை நாட்களில் தொடர்ந்து சுற்றுலாப் பயணிகள் வந்துசெல்கின்றனர். இருப்பினும், நீர்வரத்து மேலும் குறைந்தால், சுற்றுலாப் பயணிகளின் வருகை குறையக்கூடும் என அஞ்சப்படுகிறது.நீர்வரத்து குறைந்தாலும், பாதுகாப்பு கருதி ஒகேனக்கல் வரும் சுற்றுலாப் பயணிகளை காவிரி ஆற்றில் குளிக்கும்போதும், பரிசலில் செல்லும்போதும் எச்சரிக்கையாக இருக்க அறிவுறுத்தப்பட்டுள்ளது. காவல்துறையினரும், வருவாய்த்துறையினரும் தொடர்ந்து கண்காணிப்புப் பணிகளை மேற்கொண்டு வருகின்றனர்.