RSS: அரசு ஊழியர்கள் இனி ஆர்எஸ்எஸ் செயல்பாடுகளில் பங்கேற்கலாம் - 1966ல் விதித்த தடையை நீக்கிய மத்திய அரசு

RSS: ஆர்எஸ்எஸ் அமைப்பு தொடர்பாக அரசு ஊழியர்களுக்கு விதிக்கப்பட்டு இருந்த தடையை, மோடி தலைமையிலான மத்திய அரசு நீக்கியுள்ளது.

Written By : குலசேகரன் முனிரத்தினம் | Updated at : 22 Jul 2024 10:35 AM (IST)

ஆர்எஸ்எஸ்

Source : PTI

RSS: ஆர்எஸ்எஸ் செயல்பாடுகளில்அரசு ஊழியர்கள் பங்கேற்க கூடாது என, 1966ம் ஆண்டு விதிக்கப்பட்ட தடை தற்போது நீக்கப்பட்டுள்ளது.

ஆர்எஸ்எஸ் செயல்பாடுகளில் அரசு ஊழியர்கள்:

ராஷ்டிரிய ஸ்வயம் ஷேவக் எனப்படும் ஆர்எஸ்எஸ் அமைப்பின் செயல்பாடுகளில் அரசு ஊழியர்கள் பங்கேற்க விதிக்கப்பட்டு இருந்த தடையை மத்திய அரசு நீக்கியுள்ளது. இதுதொடர்பாக, 1966ம் ஆண்டு பிறப்பிக்கப்பட்ட தடை உத்தரவை, பிரதமர் மோடியின் கட்டுப்பாட்டில் இயங்கும் மத்திய பணியாளர் மற்றும் பயிற்சி துறை தற்போது ரத்து செய்து உத்தரவிட்டுள்ளது. பாஜகவின் தகவல் தொழில்நுட்பத் துறைத் தலைவர் அமித் மாளவியாவும், அரசு உத்தரவின் நகலை இணையத்தில் பகிர்ந்து, ”58 ஆண்டுகளுக்கு முன்பு வெளியிடப்பட்ட "அரசியலமைப்புக்கு எதிரான" உத்தரவு மோடி அரசால் வாபஸ் பெறப்பட்டது” என குறிப்பிட்டுள்ளார்.

Sardar Patel had banned the RSS in February 1948 following Gandhiji's assassination.

Subsequently, the ban was withdrawn on assurances of good behaviour. Even after this the RSS never flew the Tiranga in Nagpur.

In 1966, a ban was imposed - and rightly so - on government… pic.twitter.com/Lmq7yaybR4
— Jairam Ramesh (@Jairam_Ramesh) July 21, 2024

மோடியை அட்டாக் செய்யும் காங்கிரஸ்

காங்கிரஸ் மூத்த தலைவர் ஜெய்ராம் ரமேஷ் வெளியிட்டுள்ள டிவிட்டர் பதிவில், ”காந்திஜி படுகொலை செய்யப்பட்டதைத் தொடர்ந்து 1948 பிப்ரவரியில் ஆர்எஸ்எஸ் அமைப்பை சர்தார் படேல் தடை செய்தார். இதையடுத்து, நல்ல நடத்தை உறுதியளித்ததன் பேரில் தடை வாபஸ் பெறப்பட்டது. இதற்குப் பிறகும் நாக்பூரில் ஆர்எஸ்எஸ் கொடி பறக்கவில்லை. 1966 ஆம் ஆண்டில், ஆர்எஸ்எஸ் நடவடிக்கைகளில் பங்கேற்கும் அரசு ஊழியர்களுக்கு தடை விதிக்கப்பட்டது. அது சரியான முடிவு. ஜூன் 4, 2024க்குப் பிறகு, சுய-அபிஷேகம் செய்யப்பட்ட உயிரியல் பிறப்பற்ற பிரதமருக்கும், ஆர்எஸ்எஸ்ஸுக்கும் இடையிலான உறவுகள் முறிந்துள்ளது. வாஜ்பாய் பிரதமராக இருந்தபோது கூட நடைமுறையில் இருந்த 58 ஆண்டுகால தடை இப்போது நீக்கப்பட்டுள்ளது. அதிகாரத்துவம் இப்போது நிக்கர்களிலும் வரலாம் என்று நான் நினைக்கிறேன்" என்று ஜெய்ராம் ரமேஷ் குறிப்பிட்டுள்ளார். (நிக்கர் என ஆர்எஸ்எஸ் சீருடையைக் குறிப்பிடுகிறார்)

About the author குலசேகரன் முனிரத்தினம்

Enthusiastic Journalist Kulasekaran Munirathnam, who has worked in leading news organizations, has 8 years of experience in the media industry. He entered the media industry on his own volition after completing his studies in Mechanical Engineering. He researches and provides accurate and detailed updated news on automobiles, which play a vital role in people's daily commute, financial advice for future savings, and infrastructure for development. In addition, he brings information related to politics and international events to the public through news. He works as an Associate Producer on the ABP NADU Tamil website.