ADMK: அண்ணாமலையை வைத்து நேற்று திருமண விழா; இன்று கட்சியில் இருந்து நீக்கம் - அதிமுக அதிரடி

மாநில பாஜக தலைவர் அண்ணாமலையை வைத்து நேற்று விழா நடத்திய அதிமுக நிர்வாகி கட்சியில் இருந்து இன்று நீக்கம்.

Written By : சிவரஞ்சித் | Updated at : 06 Jul 2023 05:11 PM (IST)

AIADMK Executive Sacked After Mass Marriage Function Conducted With BJP Leader K Annamalai tindivanam TNN ADMK: அண்ணாமலையை வைத்து நேற்று திருமண விழா; இன்று கட்சியில் இருந்து நீக்கம் - அதிமுக அதிரடி

அண்ணாமலையை வைத்து நேற்று விழா நடத்திய அதிமுக நிர்வாகி கட்சியில் இருந்து இன்று நீக்கம்

விழுப்புரம் மாவட்ட புரட்சி தலைவி பேரவைச் செயலாளரான எஸ்.முரளி (எ) ரகுராமன், இவரின் இளைய மகன் ஹரிகிருஷ்ணன் பாஜக விளையாட்டு அணியின் மாநில செயலாளராக உள்ளார். இந்த நிலையில் ஹரிகிருஷ்ணன் பாஜக மாநில தலைவர் அண்ணாமலை பிறந்தநாளை முன்னிட்டு திண்டிவனத்தில் நேற்று 39 ஏழை ஜோடிகளுக்கு இலவச திருமணத்தை நடத்தினார். இதனை பாஜக மாநில தலைவர் அண்ணாமலையை வைத்து நடத்தி வைத்தார். இதில் புரட்சி தலைவி பேரவைச் செயலாளரான எஸ்.முரளி (எ) ரகுராமன் கலந்து கொண்டார். இதையடுத்து எஸ்.முரளி (எ) ரகுராமனை அதிமுகவில் இருந்து நீக்கி எடப்பாடி பழனிசாமி அதிரடி நடவடிக்கை எடுத்துள்ளார்.

அதாவது, அதிமுக கொள்கை குறிக்கோள்களுக்கும், கோட்பாடுகளுக்கும் முரணான வகையில் செயல்பட்டதாலும், கட்சியின் சட்ட திட்டங்களுக்கு மாறுபட்டு, கட்சியின் ஒழுங்குமுறை குலையும் வகையிலும் நடந்து கொண்டதாலும், கட்சியின் கண்ணியத்துக்கு மாசு ஏற்படும் வகையில் கட்சியின் கட்டுப்பாட்டை மீறி, கட்சிக்கு கலங்கமும், அவப்பெயரும் உண்டாகும் விதத்தில் செயல்பட்ட காரணத்தாலும் எஸ்.முரளி(எ) ரகுராமன் அதிமுகவில் இருந்து அதிரடியாக நீக்கப்பட்டுள்ளார்.