வாய்ப்பை நழுவவிடாதீர்கள்! மயிலாடுதுறையில் 100 பேருக்கு மட்டுமே இலவச அரசு பயிற்சி: ஜூலை 15-க்குள் முந்துங்கள்! 

மயிலாடுதுறை மாவட்ட சிறுபான்மையினருக்கான இலவச திறன் மேம்பாட்டு பயிற்சிக்கு 18-45 வயதுடையோர் விண்ணப்பிக்கலாம் எனவும் பயிற்சிக் கட்டணம் முழுவதையும் அரசே ஏற்கும் என மாவட்ட ஆட்சியர் தெரிவித்துள்ளார்.

செயற்கை நுண்ணறிவு சித்தரிப்பு படம்

Source : AI

மயிலாடுதுறை: தமிழ்நாட்டில் ஒட்டுமொத்த மற்றும் முழுமையான வளர்ச்சியை உறுதி செய்வதற்கும், வளர்ச்சியின் உன்னத பலன்கள் சமூகத்தின் அனைத்து விளிம்புநிலை பிரிவினரையும் முழுமையாக சென்றடைவதற்கும் தமிழக அரசு பல்வேறு ஆக்கப்பூர்வமான திட்டங்களைச் செயல்படுத்தி வருகிறது. இதன் ஒரு பகுதியாக, “வெற்றி தமிழகம்” என்ற உன்னத தொலைநோக்கு திட்டத்தின்கீழ், சிறுபான்மையின மக்களின் கல்வி மற்றும் தொழில் முனைவோர் பங்களிப்பை கணிசமாக உயர்த்தும் நோக்கில் ஒவ்வொரு மாவட்டத்திலும் பிரத்யேக திறன் மேம்பாட்டு மையங்கள் (Empower Minorities Education and Entrepreneurship Skill Development Centres) நிறுவப்பட உள்ளன.

இதன்படி, சிறுபான்மையின மக்களின் பொருளாதார மற்றும் சமூக மேம்பாட்டிற்காக அனைத்து மாவட்டங்களிலும் தமிழ்நாடு திறன் மேம்பாட்டுக் கழகம் (TNSDC) வாயிலாக தேவையான உயர்தர பயிற்சிகளை வழங்குவதற்கென ஒரு சிறப்பு பிரத்யேக பயிற்சித் திட்டம் தற்பொழுது மிகச் சிறப்பாக ஏற்பாடு செய்யப்பட்டுள்ளது. இத்திட்டத்தை மயிலாடுதுறை மாவட்டத்தில் தொய்வின்றி செயல்படுத்துவதற்காக, முதற்கட்டமாக மாவட்டத்தில் குறைந்தபட்சம் 100 தகுதியான நபர்களுக்கு பல்வேறு துறைகளில் வேலைவாய்ப்புடன் கூடிய திறன் மேம்பாடு பயிற்சிகள் வழங்க உத்தேசிக்கப்பட்டுள்ளது. இது தொடர்பான விழிப்புணர்வை சிறுபான்மையின மக்களிடையே பரவலாக ஏற்படுத்துமாறு அதிகாரிகளுக்கு அறிவுறுத்தப்பட்டுள்ளது.

விண்ணப்பதாரர்களுக்கான முக்கிய நிபந்தனைகள்

1. தகுதி: விண்ணப்பதாரர்கள் தமிழ்நாட்டைச் சார்ந்த சிறுபான்மையினரான முஸ்லிம், கிறித்தவர், பௌத்தர், சீக்கியர், ஜெயின் மற்றும் பார்சி மதத்தைச் சார்ந்தவராக இருத்தல் வேண்டும்.

2. வருமான வரம்பு: இப் பயிற்சிக்கு எவ்வித ஆண்டு வருமான வரம்பும் கிடையாது. அனைத்து தரப்பினரும் விண்ணப்பிக்கலாம்.

3. வயது வரம்பு: விண்ணப்பதாரர்கள் குறைந்தபட்சம் 18 வயது பூர்த்தியடைந்தவராகவும் 45 வயதிற்கு உட்பட்டவராகவும் இருக்க வேண்டும்.

4. இருபாலர் தகுதி: ஆண், பெண் ஆகிய இருபாலருக்கும் சம வாய்ப்பு வழங்கப்பட்டு பிரத்யேக பயிற்சிகள் வழங்கப்படும்.

5. கட்டணமில்லா பயிற்சி: பயிற்சிக் கட்டணம் முழுவதையும் தமிழக அரசே ஏற்கும் என்பதால் மாணவர்களுக்கு முற்றிலும் இலவசம்.

6. உதவித்தொகை: பயிற்சிகளின் தன்மை மற்றும் கால அளவிற்கு ஏற்றவாறு மாணவர்களுக்கு அரசு விதிகளின்படி உதவித்தொகை வழங்கப்படும்.

7. அரசு சான்றிதழ்: பயிற்சி காலத்தை முழுமையாக நிறைவு செய்பவர்களுக்கு தமிழக அரசால் அங்கீகரிக்கப்பட்ட அதிகாரப்பூர்வ சான்றிதழ் வழங்கப்படும்.

பயிற்சிகள் மற்றும் பயிற்சி நிறுவனங்களின் விவரங்கள்

இப்பயிற்சித் திட்டத்தின் கீழ் மயிலாடுதுறை மாவட்டத்தில் பல்வேறு அரசு அங்கீகாரம் பெற்ற பயிற்சி நிறுவனங்கள் வாயிலாக பின்வரும் பிரத்யேக பயிற்சிகள் வழங்கப்பட உள்ளன.

1. Apparel Made Ups Home Furnishing Sector Skill Council

பயிற்சியின் விவரம்: Advanced Course for Self Employed Tailors
கல்வித் தகுதி: 8-ஆம் வகுப்பிற்கு கீழ் படித்தவர்கள் (Below 8th Std)

2. Jeyam Educational Trust
பயிற்சியின் விவரம்: Self Employed Tailor
கல்வித் தகுதி: 8-ஆம் வகுப்பு தேர்ச்சி பெற்றிருக்க வேண்டும் (8th Pass)

3. Govlayaas School of Design and Fine Arts
பயிற்சியின் விவரம்: Carpet Weaver - Knotted Carpet
கல்வித் தகுதி: 10-ஆம் வகுப்பு தேர்ச்சி பெற்றிருக்க வேண்டும் (10th Pass)

4. Jeyam Educational Trust
பயிற்சியின் விவரம்: Assistant Beauty & Wellness Consultant
கல்வித் தகுதி: 8-ஆம் வகுப்பு தேர்ச்சி (8th Pass).

5. Jeyam Educational Trust
பயிற்சியின் விவரம்: Sewing Machine Operator
 கல்வித் தகுதி: 8-ஆம் வகுப்பு தேர்ச்சி (8th Pass).

6. Jeyam Educational Trust
பயிற்சியின் விவரம்: Retail Sales Assistant
கல்வித் தகுதி: 10-ஆம் வகுப்பு தேர்ச்சி பெற்றிருக்க வேண்டும் (10th Pass)

7. Tamilnadu Water Investment Company (TWIC) Limited
பயிற்சியின் விவரம்: Training on Maintenance of Parks
கல்வித் தகுதி: 8-ஆம் வகுப்பிற்கு கீழ் படித்தவர்கள் (Below 8th Std).

விண்ணப்பிக்கும் முறை

எனவே, மயிலாடுதுறை மாவட்டத்தில் வசிக்கும் தகுதியும் விருப்பமும் உள்ள சிறுபான்மையின இனத்தைச் சார்ந்த நபர்கள் இந்த அரிய வாய்ப்பினைப் பயன்படுத்திக் கொள்ளுமாறு கேட்டுக்கொள்ளப்படுகிறார்கள். மாவட்ட வாரியாக வழங்கப்படவுள்ள இப்பயிற்சிகளில் இணைய விரும்புவோர், தங்களின் சுயவிவரங்கள் மற்றும் கல்விச்சான்றிதழ் நகல்களுடன் மயிலாடுதுறையில் அமைந்துள்ள “மாவட்ட பிற்படுத்தப்பட்டோர் மற்றும் சிறுபான்மையினர் நல அலுவலகத்தில்” நேரடியாகவோ அல்லது தபால் மூலமாகவோ வரும் 15.07.2026-ஆம் தேதிக்குள் தங்களது முழுமையான விண்ணப்பங்களை சமர்ப்பிக்க வேண்டும். இப்பயிற்சியில் கலந்துகொண்டு இளைஞர்கள் தங்களது சுயதொழில் மற்றும் வேலைவாய்ப்பு திறனை வளர்த்துக் கொள்வதோடு, அரசின் இந்த உன்னத திட்டத்தின் கீழ் முழுமையாகப் பயனடையுமாறு மயிலாடுதுறை மாவட்ட ஆட்சியர் ஹெச்.எஸ்.ஸ்ரீகாந்த்,  தனது அதிகாரப்பூர்வ செய்திக்குறிப்பில் தெரிவித்துள்ளார்.