முதல் திருமணத்தை மறைத்த மனைவி; 3-வது திருமணத்தால் 2வது கணவர் அதிர்ச்சி..!

தேனி மாவட்டம் கூடலூரில் முதல் திருமணத்தை மறைத்து இன்ஜினியரை கரம் பிடித்த பெண், 3-வது திருமணம் செய்து கொண்ட சம்பவம் பரபரப்பை ஏற்படுத்தியது.

அனைத்து மகளிர் காவல் நிலையம் உத்தமபாளையம்

தேனி மாவட்டம் கூடலூர் 4-வது வார்டு கருப்புசாமி கோவில் தெருவை சேர்ந்தவர் விஜய் போஸ் (32) இன்ஜினியர். அவருடைய மனைவி வித்யா (30). இவர்களுக்கு, கடந்த 2014-ம் ஆண்டு திருமணம் நடந்துள்ளது. இந்த தம்பதிக்கு, 7 வயதி்ல் மகன் உள்ளார். இந்தநிலையில் வித்யா, தனது மகனை கவனிக்காமல் அடிக்கடி செல்போனில் நீண்ட நேரம் பேசி கொண்டிருந்ததாக கூறப்படுகிறது. இதனால் விஜய் போஸ், வித்யாவை கண்டித்துள்ளார்.

இதனால் இருவருக்குமிடையே அடிக்கடி தகராறும் ஏற்பட்டுள்ளது. இதற்கிடையில் செல்போனில் அடிக்கடி பேசுவது தொடர்பாக வித்யாவின் உறவினர் ஒருவரிடம் விஜய் போஸ் கூறியிருக்கிறார். அப்போது அவர், வித்யாவுக்கு ஏற்கனவே திருமணம் ஆனது என்று கூறியுள்ளார். இதனால் அதிர்ச்சி அடைந்தார் விஜய் போஸ், கடந்த 2010-ம் ஆண்டில் வித்யாவுக்கு ஒருவருடன் திருமணம் நடந்ததாகவும், கருத்து வேறுபாடு காரணமாக அவரிடம் இருந்து விவாகரத்து பெற்றதாகவும் வித்யாவின் உறவினர் விஜய் போசிடம் கூறியுள்ளார். மேலும், அதிர்ச்சி அடைந்த அவர், முதல் திருமணத்தை மறைத்து தன்னை 2-வதாக திருமணம் செய்தது குறித்து வித்யாவிடம் கேட்டுள்ளார்.

இதுதொடர்பாக அவர்களுக்கிடையே தகராறு ஏற்பட்டுள்ளது.  இதனால் வித்யா கோபித்துகொண்டு, மதுரையில் உள்ள தனது தாய் வீட்டுக்கு சென்று விட்டார். இந்த நிலையில் கடந்த மே மாதம் 15-ந்தேதி வித்யாவுக்கு, கம்பம் அருகே காமயகவுண்டன்பட்டியை சேர்ந்த முரளி என்பவருடன் மூன்றாவதாக திருமணம் நடந்த தகவல் விஜய் போஸ்க்கு தெரியவந்தது. இது தொடர்பாக விஜய் போஸ் குடும்பத்தினர், வித்யா வீட்டிற்கு சென்று திருமணம் செய்தது குறித்து கேட்டுள்ளார்.

அப்போது இதைப்பற்றி கேட்டால், வரதட்சணை கேட்டு கொடுமைப்படுத்தியதாக போலீசில் புகார் கொடுத்து விடுவோம். விஜய்போசை கத்தியால் குத்தி கொலை செய்து விடுவோம் என்று மிரட்டியதாக கூறப்படுகிறது. இதுதொடர்பாக உத்தமபாளையம் அனைத்து மகளிர் காவல் நிலையத்தில் விஜய் போஸ் புகார் செய்தார். அதன்பேரில் வித்யா, அவரது தந்தை சுகுமாறன், தாய் சித்ரா, தம்பி சரண்குமார் மற்றும் முரளி ஆகியோர் மீது போலீசார் வழக்குப்பதிவு செய்து விசாரணை நடத்தி வருகின்றனர். முதல் திருமணத்தை மறைத்து இன்ஜினியரை கரம் பிடித்த பெண், 3-வது திருமணம் செய்து கொண்ட சம்பவம் பரபரப்பை ஏற்படுத்தியது.

---

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண