தேனியில் வரும் 22ம் தேதி கல்விக் கடன் முகாம் - ஆட்சியர் அறிவிப்பு

மாவட்ட அளவிலான கல்விக் கடன் முகாம் மாவட்ட ஆட்சியர் அலுவலகத்தில் 22.11.2023 அன்று நடைபெற உள்ளது.

தேனி மாவட்ட ஆட்சியர் அலுவலகம்

தேனி மாவட்ட நிர்வாகம் சார்பாக கல்லூரியில் படிக்கும் மாணவர்களுக்கு மாவட்ட அளவிலான கல்விக் கடன் முகாம் மாவட்ட ஆட்சியர் அலுவலகத்தில் 22-11-2023 அன்று காலை 9 மணி முதல் மாலை 5 மணி வரை நடைபெற உள்ளது.

இந்த கல்விக் கடன் முகாமில் பொறியியல் கல்லூரி, மருத்துவ கல்லூரி, வேளாண் மற்றும் தோட்டக்கலை கல்லூரி, கால்நடை மருத்துவ கல்லூரி, கலை மற்றும் அறிவியல் கல்லூரி, மற்றும் மாநில, ஒன்றிய அரசின் பதிவு பெற்ற அனைத்து வகையான கல்லூரிகளில் படிக்கின்ற முதலாம் ஆண்டு முதல் இறுதி ஆண்டு வரை இளங்கலை (UG) மற்றும் முதுகலை (PG) படிக்கும் மாணவ, மாணவிகள் இந்த முகாமில் கலந்து கொண்டு பயன் பெறலாம். 

தேனி மாவட்டதில் உள்ள அனைத்து வங்கிகளின் பிரதிநிதிகள் இந்த முகாமில் கலந்துகொண்டு, மாணவர்கள் www.vidyalakshmi.co.in என்ற இணையதளத்தில் கல்விக்கடன் விண்ணப்பத்தை பதிவு செய்வதற்கும், பரிசீலனை செய்வதற்கும் உறுதுணையாக இருப்பார்கள்.

இம்முகாமில் கலந்து கொள்ள விரும்பும் மாணவர்கள் 10 மற்றும் 12-ஆம் வகுப்பு மதிப்பெண் சான்றிதழ் நகல்,  கல்லூரி அடையாள அட்டை நகல், ஆதார் அட்டை நகல், ஆண்டு வருமான சான்றிதழ், இருப்பிட சான்றிதழ்,  முதல் பட்டதாரி சான்றிதழ், குடும்ப அட்டை நகல், பான் அட்டை (PAN Card), வங்கிக்கணக்கு புத்தகம் நகல், கவுன்லிங் மற்றும் கல்லூரி அட்மிஷன் கடிதம், கல்விக்கட்டண விவரம், 2 பாஸ்போர்ட் அளவு புகைப்படம் (Passport Size Photo) ஆகிய ஆவணங்களை கொண்டுவர வேண்டும். என மாவட்ட நிர்வாகத்தின் சார்பாக அறிவிப்பு வெளியிடப்பட்டுள்ளது.