‛ஐயமிட்டு உண்...’ திருமணத்தில் மீதமான உணவை வீடற்றவர்களுக்கு கொடுத்த பெண்!

கொல்கத்தாவில் திருமண விருந்தில் மீதமான உணவை மணமகனின் சகோதரி உடனடியாக எடுத்துச் சென்று ரயில் நிலையம் அருகே நடைபாதையில் உள்ள ஏழைகளுக்கு வழங்கும் படம் இணையத்தளத்தில் வைரலாகி வருகிறது.

திருமண உணவுகளை ராயில்நிலையத்தில் பரிமாறிய பாப்பியா கர்

இந்தியாவில் திருமணங்கள் என்பது பல செயல்பாடுகள் மற்றும் விழாக்களுடன் கூடிய பிரமாண்டமான நிகழ்வாக இருக்கிறது. இடையில் கோரோணா அச்சுறுத்தல் மற்றும் லாகடவுண் காரணங்களால், பிரம்மாண்டங்கள் குறைந்த திருமணங்களையும், மிகச்சிறிய செலவில் நடந்த திருமணங்களையும் வித்தியாசமான திருமணங்களையும் நிறைய பார்த்திருக்கிறோம். ஆனால் சில மாதங்கள் முன்பு முழு லாக்டவுனை எடுத்ததும் மீண்டும் பெரிய பெரிய திருமணங்கள் நடைபெற துவங்கிவிட்டன. அத்தகைய திருமணங்களில் உணவு ஒரு மிக மும்கியை பகுதியாகும், மேலும் பெரும்பாலும், குடும்பங்கள் தங்கள் விருந்தினர்கள் பசியுடன் திரும்பி சென்றுவிடக்கூடாது என்பதற்காக அதிக உணவைக் சமைக்கிறார்கள். இதனால், ஏராளமான உணவுப் பொருட்கள் வீணாகின்றன. அத்தகைய சூழ்நிலையில், வங்காளத்தில் ஒரு ரயில்வே பிளாட்பாரத்தில் ஒரு பெண் தனது திருமணத்திற்கான நகைகள் மற்றும் பட்டுப்புடவை அணிந்து, ஏழைகளுக்கு எஞ்சிய திருமண உணவை வழங்கும் காட்சி விடியோவாக வெளியாகி பலரை சிந்திக்கவும் நெகிழவும் செய்திருக்க

பாப்பியா கர் என்று பெயர் கொண்ட அந்த பெண் வீடற்றவர்களுக்கு உணவளிப்பது அல்லது வீடற்றவர்களுக்கு உணவளிக்கும் ஒரு குறிக்கோளைப் பற்றிய ஆழமான கொள்கை கொண்டவரா என்பது குறித்து எந்த தகவலும் இல்லை, ஆனால் அந்தப் பெண்ணின் முயற்சி மிகவும் ஊக்கமளிக்கிறது. திருமண புகைப்படக்கலைஞரான நிலஞ்சன் மொண்டல், முகநூலில் திருமண புகைப்படக் கலைஞர்கள் பக்கத்தில் அந்தத் தருணத்தைப் பகிர்ந்துள்ளார். மோண்டல் அந்தப் பெண்ணை பாப்பியா கர் என்று அடையாளம் காட்டுகிறார், பாப்பியா தனது சகோதரனின் திருமணத்தில் மீதமுள்ள உணவை ஏழைகளுக்கு கொடுக்கிறார். கொல்கத்தா புறநகர் ரயில் நிலையமான ரனாகாட் சந்திப்பில் டிசம்பர் 5 ஆம் தேதி இரவு 1 மணியளவில் இது நடந்தது. பாரம்பரிய திருமண உடையை அணிந்து, காகிதத் தட்டுகளில் உணவு பரிமாறும் பெண்ணை புகைப்படங்களில் பார்க்க முடிகிறது. அவர் உணவு விநியோகம் செய்து கொண்டிருந்த மேடையில் எல்லா வயதினரும் திரண்டிருந்தனர். பரிமாறப்பட்ட உணவுகளில் பருப்பு, ரொட்டி, சப்ஜி மற்றும் சாதம் இருந்தது.

 

 

 

 

 

View this post on Instagram

 

 

 

 

 

 

 

 

 

 

 

A post shared by Calcutta Instagrammers (@ig_calcutta)

நிலஞ்சன் மொண்டலின் பேஸ்புக் பதிவை 1,200 க்கும் மேற்பட்டோர் லைக் செய்துள்ளனர் மற்றும் பலர் அதற்கு கருத்தும் தெரிவித்தனர். சிலர் கர் கடந்த காலங்களில் கூட, உணவை சமைத்து ஏழை மற்றும் ஏழைகளுக்கு பரிமாறியுள்ளார் என்றும் கூறினர். பெங்காலியில் கருத்து தெரிவித்தவர்களில் ஒருவர், அந்தப் பெண்ணின் கருணைச் செயலைப் பாராட்டினார், மேலும் அனைவருக்கும் ஒரே மாதிரியான மனநிலை இருந்தால், சமூகம் சிறந்த இடமாக இருக்கும் என்று கூறினார். "சிறந்த செயல்", "மனிதாபிமானமிக்க செயல்" மற்றும் "உங்களை நினைத்துப் பெருமைப்படுகிறேன்" போன்ற பிற கருத்துகளும் கமென்ட் பகுதியில் நிறைந்து இருந்தன. உணவை வீணாக்காமல், தேவைப்படுவோருக்கு உடனடியாக வழங்க வேண்டும் என்கிற அந்தப் பெண்ணின் நல்லெண்ணத்தையும், அவரின் செயலையும் பலரும் பாராட்டியுள்ளனர்.