Watch Video: அய்யய்யோ..! திடீரென தரைமட்டமான அடுக்குமாடி கட்டிடம் - அலறியடித்து ஓடும் மக்கள்..!

டெல்லியில் அடுக்குமாடிக் கட்டிடம் இடிந்து தரைமட்டமாகும் வீடியோ இணையத்தில் வைரலாகி வருகிறது.

இடிந்து விழும் கட்டிடம்

 தலைநகர் டெல்லியில் உள்ள பஜன்புரா பகுதியில் உள்ள கட்டிடம் ஒன்று புதன்கிழமை அதாவது இன்று மார்ச் மாதம் 8ம் தேதி இடிந்து விழுந்ததாக காவல்துறை அதிகாரிகள் தெரிவித்துள்ளனர். இடிந்து விழுந்ததற்கான காரணம் இன்னும் கண்டறியப்படவில்லை என்று காவல்துறை அதிகாரிகள் தெரிவித்தனர்.

மேலும், இதுகுறித்து காவல்துறை அதிகாரிகள் கூறுகையில், தீயணைப்பு துறைக்கு மாலை 3:05 மணிக்கு தகவல் கிடைத்தது.  தகவல் கிடைத்ததும் தீயணைப்பு துறையினர் சம்பவ இடத்திற்கு விரைந்துள்ளனர். மீட்பு பணி நடைபெற்று வருகிறது. இந்த விபத்தில் காயமடைந்தவர்கள் இருக்கிறார்களா அல்லது  பலியானவர்கள் இருக்கிறார்களா என்பது போன்ற விபரம் இதுவரை வெளிவரவில்லை. கட்டிடம் இடிந்து விழும் வீடியோ தற்போது இணையத்தில் வைரலாகி வருகிறது. அதில் மக்கள் அலறியடித்து ஓடும் சத்தங்கள் கேட்கின்றன. 

#WATCH | Delhi: A building collapsed in Vijay Park, Bhajanpura. Fire department present at the spot, rescue operations underway. Details awaited

(Video Source - Shot by locals, confirmed by Police) pic.twitter.com/FV3YDhphoE

— ANI (@ANI) March 8, 2023

முன்னதாக மார்ச் 1 ஆம் தேதி, வடக்கு டெல்லியின் ரோஷனாரா சாலையில் தீப்பிடித்து நான்கு மாடி கட்டிடம் இடிந்து விழுந்தது, ஆனால் அதிர்ஷ்டவசமாக உயிர் சேதம் எதுவும் ஏற்படவில்லை என்று காவல்துறையினர் தெரிவித்தனர். ஆனால் இந்த விபத்தில் முன்று பேர் காயமடைந்தனர் என்பது குறிப்பிடத்தக்கது.