Todays News Headlines: இங்கிலாந்து ராணி எலிசபெத் காலமானார்... 1021 நாட்களுக்கு பின் சதமடித்த கோலி.. இன்னும் பல!

Todays News Headlines: கடந்த 24 மணிநேரத்தில் நடந்த முக்கிய செய்திகளை தலைப்பு செய்திகளாக கீழே காணலாம்.

தலைப்புச்செய்திகள்

தமிழ்நாடு:

• தமிழ்நாட்டில் பின்தங்கிய தொகுதியே இருக்க கூடாது : நெல்லையில் முதலமைச்சர் முக ஸ்டாலின் பேச்சு
• நீட் தேர்வில் தோல்வி : சென்னையை சேர்ந்த எம்பிபிஎஸ் மாணவி தூக்கிட்டு தற்கொலை
• அடிக்கடி நிறம் மாறும் பச்சோந்தியை விட மோசமானவர் ஓபிஎஸ் : எடப்பாடி பழனிசாமி கடும் தாக்கு
• ஆடல், பாடல் நிகழ்ச்சியில் ஆபாச நடனங்கள் கூடாது; இரவு 7 முதல் 10 மணிவரை மட்டுமே நடத்த வேண்டும் - மதுரைக்கிளை உத்தரவு
• திருவள்ளூர், ராணிப்பேட்டை உள்பட 10 மாவட்டங்களில் இன்று கனமழை பெய்ய வாய்ப்பு - சென்னை வானிலை ஆய்வு மையம்
• அமைச்சர் செந்தில்பாலாஜி மீதான பண மோசடி வழக்கை முடித்து வைத்த உயர்நீதிமன்ற உத்தரவை ரத்து செய்து உச்சநீதிமன்றம் உத்தரவிட்டுள்ளது.
• தமிழ்நாடு அரசு ஏன் ’பெரி ஏர்’ என்ற பெயரில் ஏன் புதிய விமான சேவையைத் தொடங்கக் கூடாது - டி.ஆர்.பி.ராஜா ட்வீட்
• பண்டிகை கால கூட்ட நெரிசலை சமாளிக்க அம்பாசமுத்திரம், ராஜபாளையம், மதுரை வழியாக இயக்கப்படும் திருநெல்வேலி -  தாம்பரம் வாராந்திர சிறப்பு கட்டண ரயிலின் சேவை நீட்டிக்கப்பட்டுள்ளது.

இந்தியா :

• 2023 ஜனவரி 1-ம் தேதி வரையில் அனைத்து வகையான பட்டாசுகளின் உற்பத்தி, விற்பனை மற்றும் பயன்பாட்டுக்கு டெல்லி அரசு தடை விதித்துள்ளது. 
• டெல்லி இந்தியா கேட் அருகே நேதாஜி சுபாஷ் சந்திர போஸின் பிரமாண்ட சிலையை திறந்து வைத்தார் பிரதமர் மோடி
• மத்தியில் காங்கிரஸ் ஆட்சி அமைந்ததும் நீட் தேர்வு விலக்கு அளிக்கப்படும் : ராகுல் காந்தி உறுதி
• கிரிப்டோகரன்சிகளை ஒழுங்குமுறைப்படுத்த IMF தலைமை தாங்கவேண்டும் - நிதியமைச்சர் நிர்மலா சீதாராமன் வலியுறுத்தல்
• பெங்களூர் நகரத்தில் அடுத்த இரண்டு நாட்களும் கனமழைக்கு வாய்ப்புள்ளதாக இந்திய வானிலை ஆய்வு மையம் என தெரிவித்துள்ளது.

உலகம் :

• 70 ஆண்டுகள் அரியணையை அலங்கரித்த இங்கிலாந்து ராணி எலிசபெத் காலமானார் : மன்னராக சார்லஸ் பொறுப்பேற்கவுள்ளார்.
• ரஷியாவில் நடைபெற்று வரும் ‘வாஸ்டாக்’ ராணுவ கூட்டுப் பயிற்சியை அந்த நாட்டு அதிபா் விளாடிமிர் புதின்  பாா்வையிட்டாா்.
• அமெரிக்காவில் விமானப் பயணத்தின் போது இனவெறியுடன் அவதூறாக பேசிய ஒருவர் பணியில் இருந்து நீக்கப்பட்டுள்ளார்.
• இந்தியர்களிடமிருந்து மிகப்பெரிய ஆதரவு கிடைத்ததாகவும் பிரதமர் மோடி நெருங்கிய நண்பர் என்றும் அமெரிக்க முன்னாள் அதிபர் டிரம்ப் தெரிவித்துள்ளார்.

விளையாட்டு : 

• ஆப்கானிஸ்தான் அணிக்கு எதிரான போட்டியில் இந்திய அணி 101 ரன்கள் வித்தியாசத்தில் அபார வெற்றி பெற்று அசத்தியுள்ளது.
• ஆப்கானிஸ்தான் எதிரான போட்டியில் ரன்மெஷின் என்று ரசிகர்களால் செல்லமாக அழைக்கப்படும் விராட்கோலி 1021 நாட்களுக்கு பிறகு சதமடித்து அசத்தியுள்ளார்.
• டி20 உலககோப்பைக்கான பயிற்சி போட்டிகள் அட்டவணையை ஐ.சி.சி. அறிவித்துள்ளது. இந்திய அணி பயிற்சி ஆட்டத்தில் ஆஸ்திரேலியாவையும், நியூசிலாந்தையும் எதிர்கொள்கிறது.
• நியூசிலாந்து அணிக்கு எதிரான ஒருநாள் தொடரை ஆஸ்திரேலியா 2-0 என்ற கணக்கில் வென்று அசத்தியுள்ளது.