சேவை செஞ்ச பட்டியல்ல பெயரே இல்ல.. பணக்காரர்களில் 6-ம் இடம் - ரங்சாமி மீது காண்டாகும் புதுச்சேரி மக்கள்
2025-ம் ஆண்டில், சிறந்த சேவை செய்த முதலமைச்சர்கள் பட்டியலில் இடம்பெறாமல், டாப் 10 பணக்கார முதலமைச்சர்கள் பட்டியலில் ரங்கசாமி 6-வது இடம்பிடித்தது, புதுச்சேரி மக்களிடையே அதிர்ச்சியை ஏற்படுத்தியுள்ளது.
2025-ம் ஆண்டில், இந்தியாவின் முதல் 10 பணக்கார முதலமைச்சர்களின் பட்டியில், சமீபத்தில் வெளியானது. அந்த பட்டியலில், ஆந்திர பிரதேச முதலமைச்சர் சந்திரபாபு நாயுடு முதல் இடத்தை பிடித்த நிலையில், 6-வத இடத்தை புதுச்சேரி முதலமைச்சர் ரங்கசாமி பிடித்துள்ளார். அதில், சிறப்பான சேவை செய்த முதலமைச்சர்கள் பட்டியலும் இருந்த நிலையில், அதில் இடம் பிடிக்காமல், சொத்துப் பட்டியலில் ரங்கசாமி இடம்பிடித்ததால், புதுச்சேரி மக்கள் வியப்பும், அதிர்ச்சியும் அடைந்துள்ளனர்.
இந்தியாவின் டாப் 10 பணக்கார முதலமைச்சர்கள் பட்டியல்
இந்தியாவில், முதலமைச்சர் என்பவர் ஒவ்வொரு மாநிலம் அல்லது யூனியன் பிரதேசத்திலும் தேர்ந்தெடுக்கப்பட்ட அரசாங்கத் தலைவராக உள்ளார். பொதுவாக இந்திய அரசியல் தலைவர்கள் கணிசமான செல்வத்தை வைத்திருப்பதில் பெயர் பெற்றவர்கள். இங்குள்ள 30 மாநிலங்கள்/யூனியன் பிரதேசங்களின் முதலமைச்சர்களில், டாப் 10 பணக்கார முதலமைச்சர்கள் யார் யார் என்பது குறித்து ஆய்வு செய்யப்பட்டு, சமீபத்தில் பட்டியல் ஒன்று வெளியானது.
அதன்படி, 931 கோடி ரூபாய்க்கும் அதிகமான சொத்துகளுடன் ஆந்திர பிரதேச முதலமைச்சர் சந்திரபாபு நாயுடு முதலிடத்தை பிடித்துள்ளார். அவருக்கு அடுத்தபடியாக, அருணாசல பிரதேச முதலமைச்சர் பெமா காண்டு, 332 கோடி ரூபாய்க்கும் அதிகமான சொத்துகளுடன் 2-வது இடத்தை பிடித்துள்ளார்.
3-வது இடத்தில், 51 கோடி ரூபாய்க்கும் அதிகமான சொத்துகளுடன் கர்நாடக முதலமைச்சர் சித்தராமையா உள்ளார். 4-வது இடத்தில், 46 கோடி ரூபாய்க்கும் அதிகமான சொத்துகளுடன் நாகாலாந்து முதலமைச்சர் நெய்பியூ ரியோ உள்ளார்.
5-வது இடத்தில், மத்திய பிரதேச முதலமைச்சர் டாக்டர். மோகன் யாதவ் 42 கோடி ரூபாய்க்கும் அதிகமான சொத்துகளை வைத்துள்ளார். அவருக்கு அடுத்தபடியாக 6-வது இடத்தில், 38 கோடி ரூபாய்க்கும் அதிகமான சொத்துகளுடன் புதுச்சேரி முதலமைச்சர் ரங்கசாமி உள்ளார்.
7-வது இடத்தில் 30 கோடி ரூபாய்க்கும் அதிகமான சொத்துகளுடன், தெலங்கானா முதலமைச்சர் ரேவந்த் ரெட்டி உள்ளார். 8-வது இடத்தில், ஜார்கண்ட் முதலமைச்சர் ஹேமந்த் சோரன், 25 கோடி ரூபாய்க்கும் அதிகமான சொத்துகளை வைத்துள்ளார்.
9-வது இடத்தில், 17 கோடி ரூபாய்க்கும் அதிகமான சொத்துகளுடன் அஸ்ஸாம் முதலமைச்சர் ஹிமந்த பிஸ்வாஸ் சர்மா உள்ளார். 14 கோடி ரூபாய்க்கும் அதிகமான சொத்துகளுடன் 10-வது இடத்தை பிடித்திருப்பவர், மேகாலயா முதலமைச்சர் கான்ரட் சங்மா.
இந்த சொத்து விவரங்கள், தேர்தலில் போட்டியிடுவதற்கு முன்னர் முதலமைச்சர்கள் தேர்தல் ஆணையத்தில் சமர்ப்பித்த ஆவணங்களிலிருந்து எடுக்கப்பட்டதாக தெரிவிக்கப்படுகிறது.
சர்ச்சைக்குள்ளான புதுச்சேரி முதலமைச்சர் ரங்கசாமியின் சொத்து விவரம்
இந்தியாவில் உள்ள சில பெரிய மாநிலங்களின் முதலமைச்சர்களே டாப் 10 சொத்துப் பட்டியலில் இடம்பெறாத நிலையில், மிகச் சிறிய யூனியன் பிரதேசமான புதுச்சேரி முதலமைச்சர், இவ்வளவு சொத்துகளை வைத்திருப்பது எப்படி என்ற கேள்வி மக்களிடையே எழுந்துள்ளது.
அந்தந்த மாநில முதலமைச்சர்கள் மக்களுக்காக செய்த சிறப்பான திட்டங்கள் குறித்த பட்டியலும் அதில் இடம்பெற்றுள்ள நிலையில், அந்த பட்டியலில் ரங்கசாமியின் பெயர் இடம்பெறவில்லை. பெரிய தொழில் வளம் இல்லாத ஒரு மாநிலத்தின் முதலமைச்சர் இப்படி சொத்து சேர்த்திருப்பது, மக்களுக்கு சேவை செய்யாமல், சொத்து சேர்ப்பதில் தான் அவர் கவனம் செலுத்தியுள்ளாரா என்பதே தற்போது புதுச்சேரி மக்களின் கேள்வியாக உள்ளது.
தலைப்பு செய்திகள்
ட்ரெண்டிங் செய்திகள்
