7 AM Headlines: கடந்த 24 மணி நேரத்தில் நடந்தது என்ன? இதோ காலை 7 மணி தலைப்புச் செய்திகள்..!

Headlines கடந்த 24 மணி நேரத்தில் நடைபெற்ற பல்வேறு முக்கிய நிகழ்வுகளை கீழே தலைப்புச்செய்திகளாக காணலாம்.

இன்றைய தலைப்பு செய்திகள்

தமிழ்நாடு:

• ஒரு நாள் பயணமாக டெல்லி புறப்பட்டார் முதலமைச்சர் மு.க. ஸ்டாலின். கிண்டி பன்னோக்கு மருத்துவமனை திறந்து வைக்க குடியரசு தலைவருக்கு அழைப்பு விடுக்கிறார்.
• சூதாட்டத்தால் நிகழும் மரணங்களை தடுக்க அரசு சட்டம் இயற்றியதில் என்ன தவறு என உயர்நீதிமன்ற நீதிபதிகள் கேள்வி. தடைக்கு எதிராக சூதாட்டா நிறுவணங்கள் தொடுத்த  வழக்கில் அரசு பதிலளித்த பிறகே இடைக்கால முடிவு என்றும் அறிவிப்பு. 
• அண்ணாமலை உடன் எந்த தகராறும் இல்லை என எடப்பாடி பழனிச்சாமி டெல்லியில் பேட்டி, பி.டி.ஆர் ஆடியோ விவகாரத்தில் முதல்வர் மௌனம் காப்பதும் ஏன் என கேள்வி.
• பூந்தமல்லியில் பா.ஜ.க ஊராட்சி மன்ற தலைவர் வெடிகுண்டு வீசியும், வெட்டியும் படுகொலை. முன் விரோதம் காரணமாக கொலை நடந்ததா என காவல் துறையினர் விசாரணை
• புதுச்சேரியில் அரசு நிறுவனங்களில் வேலை செய்யும் பெண்களுக்கு 2 மணி நேரம் வேலை குறைப்பு. துணை நிலை ஆளுநர் ஒப்புதல்.
• மேட்டூர் அணை திட்டமிட்டபடி ஜூன் 12 ஆம் தேதி திறக்கப்படும். தஞ்சையில் ஆய்வுக்கு பின் அமைச்சர் துறைமுருகன் பேட்டி.
• தமிழ்நாட்டில் வரும் 30ஆம் தேதி மற்றும் மே 1ஆம் தேதி கன மழை. சென்னை வானிலை ஆய்வு மையம் தகவல்

இந்தியா:

• கேரளாவில் கார்பன் - டை- ஆக்ஸைட் ஏற்றிச்சென்ற லாரி விபத்து. காற்றில் கார்பன் - டை - ஆக்ஸைட் வெளியேறியதால் பொதுமக்கள் அச்சம்.
• ஐதராபாத்தில் சத்தீஸ்கரை சேர்ந்த மத்திய ஆயுதப்படை வீரர் துப்பாக்கியால் சுட்டு தற்கொலை 
• கர்நாடகாவில் பா.ஜ.க தேர்தல் கூட்டத்தில் தமிழ் தாய் வாழ்த்து அவமதிக்கப்பட்டதாக புகார். அண்ணாமலை முன்னிலையில் முன்னாள் துணை முதலமைச்சர் நிறுத்தியதாக குற்றச்சாட்டு.
• இலங்கையில் தமிழர்களின் நிலங்களை சீனாவிற்கு வழங்க அரசு முயற்சிப்பதாக  நாடாளுமன்ற உறுப்பினர் குற்றச்சாட்டு. 
• கர்நாடகாவில் அதிமுக வேட்பாளராக மனு தாக்கல் செய்த ஓபிஎஸ் ஆதரவாளர் மீது வழக்கு. தவறான தகவல் அளித்தாக கூறி வழக்கு பதிவு
• சூடானில் இருந்து மீட்கப்பட்ட இந்தியர்கள் அரசுக்கு நன்றி. பிள்ளைகளின் படிப்பு தொடர்ந்திட அரசு உதவி செய்ய வேண்டும் என கோரிக்கை
• பிரதமர் மோடியின் ‘‘மன் கி பாத்” உரையில் அதிகம் இடம்பெற்ற  தமிழ்நாடு பற்றிய தகவல்கள். பிற மாநிலங்களை ஒப்பிடும் போது தமிழ்நாடு அதிகமாக இடம்பெற்றுள்ளது

உலகம்:

• சூடானில் ராணுவம் - துணை ராணுவம் இடையே கடும் சண்டை. பாதிக்கப்பட்டவர்களுக்கு உணவு வழங்கும் பணிகள் தீவிரம்
• பாகிஸ்தானின் தென்மேற்கு மாகாணமான பலுசிஸ்தானில் ரோந்து சென்றபோது 6 போலீசார் சுட்டு கொல்லப்பட்டனர்.
• முன்னணி நிறுவனங்கள் தயாரிக்கும் நூடுல்ஸால் புற்றுநோய் ஏற்பட வாய்ப்பு. இந்தோனோசியா மற்றும் மலேசியாவில் விற்கும் நூடுல்ஸ் குறித்து அதிர்ச்சி தகவல்
• அமெரிக்காவின் பென்சில்வேனியா மாகாணத்தில் இனி தீபாவளி பண்டிகையன்று பொது விடுமுறை

விளையாட்டு:

• ஐபிஎல் தொடரில் ராஜஸ்தான் அணியிடம் தோற்றது சென்னை சூப்பர் சிங்ஸ். சுழற்பந்து வீச்சை எதிர்கொள்ள முடியாமல் 32 ரன் வித்தியாசத்தில் தோல்வி
• ஐபிஎல் தொடரின் இன்றைய லீக் போட்டியில் பஞ்சாப் கிங்ஸ்-லக்னோ சூப்பர் ஜெயன்ட்ஸ் அணிகள் மோதுகின்றன.
• ஆட்டநாயகன் விருதை அண்மையில் பிறந்த தனது மகன், மனைவிக்கு அர்ப்பணிக்க விரும்புகிறேன் என்று வருண் சக்ரவர்த்தி கூறியுள்ளார்.