PMGKAY: இலவச ரேஷன் திட்டத்தை மேலும் 3 மாதங்களுக்கு நீட்டித்து மத்திய அமைச்சரவை ஒப்புதல்

இலவச ரேஷன் திட்டத்தை மேலும் 3 மாதங்களுக்கு நீட்டித்து மத்திய அமைச்சரவை ஒப்புதல் அளித்துள்ளது

ரேஷன் திட்டம்

இலவச ரேஷன் திட்டத்தை மேலும் 3 மாதங்களுக்கு  நீட்டித்து மத்திய அமைச்சரவை ஒப்புதல் அளித்துள்ளது.

கொரோனா பாதிப்பின் போது, கடந்த 2020 ஆம் ஆண்டு மார்ச் மாதம் 5 கிலோ உணவு தானியங்கள் இலவசமாக வழங்கும் ( கரீப் கல்யாண் அன்ன யோஜனா)திட்டம் அறிமுகப்படுத்தப்பட்டது. பலமுறை நீட்டிக்கப்பட்ட இத்திட்டமானது( கரீப் கல்யாண் அன்ன யோஜனா) , நாளைமுதல் முடிவடையவுள்ள நிலையில், மேலும் 3 மாதங்களுக்கு நீட்டித்து மத்திய அமைச்சரவை ஒப்புதல் அளித்துள்ளது.

கரிப் கல்யாண் அன்ன யோஜனா

கோவிட்-19 தொற்றுநோய் தொடங்கியதில் இருந்து, மோடி அரசாங்கம் பிரதான் மந்திரி கரிப் கல்யாண் அன்ன யோஜனா திட்டத்தின் கீழ் ஐந்து கிலோ அரிசியை இலவசமாக வழங்கி வருகிறது. அனைத்து தளவாடம் மற்றும் சேமிப்பு செலவுகள் ஆகியவற்றை மத்திய அரசு ஏற்று வருகிறது.

#Cabinet approves extension of Pradhan Mantri Garib Kalyan Ann Yojana (PMGKAY) for another three months (October 2022-December 2022)#CabinetDecisions pic.twitter.com/Hnwu1AtT6B

— PIB India (@PIB_India) September 28, 2022

அதன் மூலம் கொரோனா காலத்தில் ஏழை மக்களின் உணவு ஆதாரத்திற்கு வழி வகுக்கும் வகையில் ரேஷன் கடைகள் மூலமாக, கூடுதலாக 5 கிலோ தானியங்கள் வழங்குவதாக மத்திய அரசு அறிவித்தது.

இத்திட்டம் ஆரம்பிக்கப்பட்ட போது, முதலில் 3 மாதங்களுக்கு செயல்படுத்தப்படும் என தெரிவிக்கப்பட்டது. ஆனால் பல முறை நீட்டிக்கப்பட்டது. தற்போது மீண்டும் சூழ்நிலையை கருத்தில் கொண்டு அடுத்த 3 மாதங்களுக்கு அக்டோபர் முதல் டிசம்பர் வரையிலான் மூன்று மாதங்களுக்கும் நீட்டிக்கப்படுவதாக மத்திய அமைச்சர் அனுராக் தாகூர் தெரிவித்தார்.

தற்போது நீட்டிக்கப்பட்டுள்ள அக்டோபர் முதல் டிசம்பர் வரையிலான இத்திட்டத்தின் ஏழாம் கட்ட மானியமாக ரூ.44,762 கோடி என மதிப்பிடப்பட்டுள்ளது.

Delhi | The central cabinet has decided to extend PMGKAY (free ration) scheme for the next 3 months: Union minister Anurag Thakur pic.twitter.com/4ha7bdvQDx

— ANI (@ANI) September 28, 2022

தற்போது வரவிருக்கும் விஜய தசமி, தீபாவளி உள்ளிட்ட முக்கிய பண்டிகைகளுக்கு, ஏழைகளுக்கு உதவும் வகையிலும் இத்திட்டம் நீட்டிக்கப்பட்டுள்ளதாக தெரிவிக்கப்பட்டுள்ளது.

https://pib.gov.in/PressReleasePage.aspx?PRID=1862944. மேலும் இத்திட்டம் குறித்தான விரிவான தகவல்களுக்கு இந்த லிங்கை கிளிக் செய்யவும்.