Dharmendra Pradhan Resign: மத்திய கல்வி அமைச்சர் தர்மேந்திர பிரதான் ராஜினாமா; மாணவர்களின் தொடர் போராட்டத்தையடுத்து முடிவு

நீட் தேர்வு வினாத்தாள் கசிவுக்கு எதிராக கரப்பான்பூச்சி ஜனதா கட்சி தொடங்கிய போராட்டம் பலனளித்துள்ளது. அவர்களின் தொடர் போராட்டத்தையடுத்து கல்வி அமைச்சர் தர்மேந்திர பிரதான் ராஜினாமா செய்துள்ளார்.

மத்திய கல்வி அமைச்சர் தர்மேந்திர பிரதான் ராஜினாமா

Source : Social Media

நீட் தேர்வு வினாத்தாள் கசிவுக்கு எதிராக கரப்பான்பூச்சி ஜனதா கட்சி தொடங்கிய போராட்டத்தின் தாக்கம் வெளிப்படையாகத் தெரிந்தது. நாட்டின் அரசாங்கம் ஜென்-Z தலைமுறைக்கு அடிபணிந்துள்ளது. மாணவர்களின் தொடர் போராட்டத்தின் எதிரொலியாக, மத்திய கல்வி அமைச்சர் தர்மேந்திர பிரதான் ராஜினாமா செய்துள்ளார்.

“சூழ்நிலையை தேசவிரோத சக்திகள் பயன்படுத்திக்கொள்ளக் கூடாது“

கல்வி அமைச்சர் தர்மேந்திர பிரதான் தனது ராஜினாமாவை ட்விட்டரில் பதிவிட்டார். அவர், "நான் எனது ராஜினாமாவை பிரதமர் நரேந்திர மோடிக்கு அனுப்பியுள்ளேன் . முதல் நாளிலிருந்தே இதற்கான பொறுப்பை நான் ஏற்றுக்கொண்டேன். இந்த சூழ்நிலையிலிருந்து நான் ஒருபோதும் பின்வாங்கியதில்லை. கடந்த 10 நாட்களில் நடந்த நிகழ்வுகளால் நான் வருத்தமடைகிறேன். இது எனக்கு தனிப்பட்ட கௌரவம் சம்பந்தப்பட்ட விஷயம் அல்ல," என்று குறிப்பிட்டார். ஜந்தர் மந்தரிலும் நாடு முழுவதிலும் நிலவும் சூழ்நிலையை தேசவிரோத சக்திகள் பயன்படுத்திக்கொள்ளக் கூடாது என்றும், தேசிய ஒற்றுமை பேணப்பட வேண்டும் என்றும் பிரதான் கூறினார். 

“இளைஞர்களின் உணர்வுகள் மற்றும் நியாயமான எதிர்பார்ப்புகளை நான் மதிக்கிறேன்“

கல்வி அமைச்சர் தர்மேந்திர பிரதான் தனது சமூக வலைதள பக்கதில் பதிவிட்ட ராஜினாமா குறித்த அறிவிப்பில், "நான்கு தசாப்தங்களுக்கும் மேலாக மாணவர்கள், ஆசிரியர்கள் மற்றும் கல்வி சீர்திருத்தத்திற்காக என்னை அர்ப்பணித்துள்ளேன். ஒரு வலுவான, அனைவரையும் உள்ளடக்கிய மற்றும் தொலைநோக்குப் பார்வை கொண்ட கல்வி முறைதான் ஒரு வலிமையான தேசத்தின் அடித்தளம் என்று நான் எப்போதும் நம்புகிறேன். நாட்டின் இளைஞர்களின் அபிலாஷைகள், உணர்வுகள் மற்றும் நியாயமான எதிர்பார்ப்புகளை நான் ஆழ்ந்த மரியாதையுடன் மதிக்கிறேன். இந்தியாவின் இளம் தலைமுறையின் கனவுகளை நிறைவேற்றுவது அரசியல் மற்றும் சமூக வாழ்வில் நம் அனைவரின் தார்மீக அர்ப்பணிப்பாகும். பிரதமரின் தொலைநோக்குப் பார்வை கொண்ட தலைமையின் கீழ் தேசத்திற்கு சேவை செய்ய எனக்குக் கிடைத்த வாய்ப்பிற்காக எனது நன்றியைத் தெரிவித்துக் கொள்கிறேன்" என்று கூறியுள்ளார்.

pic.twitter.com/VSArqS98OJ

— Dharmendra Pradhan (@dpradhanbjp) July 25, 2026

சிஜேபி நிறுவனர் அபிஜித் திப்கேவின் பதிவு

மத்திய கல்வி அமைச்சர் தர்மேந்திர பிரதான் ராஜினாமா செய்ததைத் தொடர்ந்து, சிஜேபி நிறுவனர் அபிஜித் திப்கே ஓர் பதிவை வெளியிட்டார். அதில், "நாம் சாதித்துவிட்டோம். தர்மேந்திர பிரதான் ராஜினாமா செய்துவிட்டார். இதன் மூலம் ஜனநாயகம் வென்றுள்ளது," என்று கூறியுள்ளார்.

சிஜேபியின் முக்கிய கோரிக்கைகள் என்ன.?

முன்னதாக, நீட் வினாத்தாள் கசிவு சர்ச்சை தொடர்பாக தர்மேந்திர பிரதானின் ராஜினாமாவில் எந்த சமரசத்திற்கும் இடமில்லை என்று தலைமை நீதிபதி திட்டவட்டமாகக் கூறியிருந்தார். மேலும், கொடூரமான தாக்குதல்களுக்காக போராட்டத்தில் ஈடுபட்ட மாணவர்கள் பகிரங்க மன்னிப்பு கேட்க வேண்டும் என்றும் தலைமை நீதிபதி கோரியிருந்தார். நீட் தேர்வு ரத்து செய்யப்பட்ட பின்னர் தற்கொலை செய்துகொண்ட மாணவர்களின் குடும்பங்களுக்கு தலா 1 கோடி ரூபாய் இழப்பீடு வழங்க வேண்டும் என்றும் சிஜேபி கோரியது.