Zomato: கேட்டது சீனி காஃபி! வந்தது சிக்கன் காஃபி! சர்ச்சையில் சிக்கிய சோமேட்டோ! அதிர்ச்சி சம்பவம்!

சோமேட்டோவில் காஃபி ஆர்டர் செய்த நபருக்கு பெரும் அதிர்ச்சியான சம்பம் ஒன்று நடைபெற்றுள்ளது.

சோமேட்டோ

இந்தியாவில் செயல்பட்டு வரும் முன்னணி உணவு டெலிவரி நிறுவனங்களில் ஒன்று சோமேட்டோ. தினமும் பலர் இந்த சோமேட்டோ மூலம் உணவு ஆர்டர் செய்து வருகின்றனர். அந்தவகையில் கடந்த சில நாட்களுக்கு முன்பாக ஒருவர் ஆர்டர் செய்த காஃபியில் சிக்கன் துண்டு இருந்துள்ளது பெரும் அதிர்ச்சியை ஏற்படுத்தியுள்ளது. 

நடந்தது என்ன?

டெல்லியைச் சேர்ந்த சுமித் சவுரப் என்ற நபர் நேற்று தன்னுடைய ட்விட்டர் பக்கத்தில் பதிவு ஒன்றை செய்துள்ளார். அதில், “சோமேட்டோ செயலி மூலம் காஃபி ஒன்றை ஆர்டர் செய்தேன். அந்த காஃபியில் ஒரு சிக்கன் துண்டு இருந்தது. இன்றுடன் உங்களுக்கும் எனுக்குமான தொடர்பு முடிந்தது” எனத் தெரிவித்துள்ளார். 

 

Ordered coffee from @zomato , (@thirdwaveindia ) , this is too much .

I chicken piece in coffee !

Pathetic .

My association with you officially ended today . pic.twitter.com/UAhxPiVxqH

— Sumit (@sumitsaurabh) June 3, 2022

சோமேட்டோவின் பதில்:

 

இதற்கு சோமேட்டோ நிறுவனம் சார்பில் ஒரு பதில் விளக்கமும் அளிக்கைப்பட்டுள்ளது. அதையும் அந்த நபர் தன்னுடைய ட்விட்டர் பக்கத்தில் பதிவிட்டுள்ளார். அதில் அவருக்கு வருத்தம் தெரிவித்துவிட்டு சோமேட்டோ நிறுவனம் தன்னுடைய ப்ரோ வாடிக்கையாளர் வசதியை அவருக்கு இலவசமாக வழங்கியுள்ளது. இதை பதிவிட்டு அவர் இப்படி ஒரு தவறை செய்துவிட்டு நீங்கள் என்னுடைய மதிப்பை நீங்கள் பெற முடியாது எனப் பதிவிட்டுள்ளார். 

 

After doing this blunder @zomato is offering me free pro membership.

Dear @zomato , you can’t buy everyone after doing these blunders .

You don’t deserve me . pic.twitter.com/bpMNOkq70B

— Sumit (@sumitsaurabh) June 3, 2022

காஃபி கடையின் விளக்கம்:

இந்த சம்பவம் தொடர்பாக காஃபி கடை ஒரு பதில் பதிவை செய்துள்ளது. அதில், “சுமித் இந்த தவறுக்காக நாங்கள் வருந்துகிறோம். உங்களுடைய விவரங்களை அனுப்புங்கள் எங்களுடைய குழு உங்களை தொடர்பு கொள்ளும்” எனப் பதிவிட்டுள்ளது. 

 

We completely understand this and sincerely apologise for the same. Requesting to please share your contact details. Our team will get in touch shortly.

— Third Wave Coffee (@thirdwaveindia) June 3, 2022

இந்த விவகாரம் ட்விட்டர் வாசிகள் மத்தியில் பெரும் பரப்பரப்பை ஏற்படுத்தியுள்ளது. இதுகுறித்து பலரும் தங்களுடைய கருத்துகளை தெரிவித்து வருகின்றனர். 

---

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண