Crime: பிரதமருக்கு மிரட்டல் விடுத்த காலிஸ்தான் குரூப்.. தட்டித்தூக்கிய சைபர் கிரைம் போலீஸ்..!

அகமதாபாத்தில் உள்ள நரேந்திர மோடி ஸ்டேடியத்தில் நடைபெற்ற இந்தியா-ஆஸ்திரேலியா போட்டிக்கு இடையூறு விளைவிப்பதாக மிரட்டல் விடுத்ததற்காக இரண்டு பேரை அகமதாபாத் குற்றப்பிரிவின் சைபர் செல் கைது செய்தது.

கோப்பு புகைப்படம்

குஜராத்தின் அகமதாபாத்தில் உள்ள நரேந்திர மோடி ஸ்டேடியத்தில் கடந்த வாரம் நடைபெற்ற இந்தியா-ஆஸ்திரேலியா போட்டிக்கு இடையூறு விளைவிப்பதாக மிரட்டல் விடுத்ததற்காக காலிஸ்தான் சார்பு குழுக்களின் ஆதரவுடைய இரண்டு பேரை அகமதாபாத் குற்றப்பிரிவின் சைபர் செல் கைது செய்தது.

பிரதமர் மோடிக்கு மிரட்டல்:

சிம் பாக்ஸ் தொழில்நுட்பத்தைப் பயன்படுத்தி போட்டியின் போது மிரட்டல் விடுத்ததற்காக சத்னா மற்றும் ரேவா மாவட்டத்தைச் சேர்ந்த குற்றவாளிகளை குற்றப்பிரிவு கைது செய்தது. பிரதமர் நரேந்திர மோடி மற்றும் ஆஸ்திரேலிய பிரதமர் ஆந்தோனி அல்பானீஸ் ஆகியோர் கிரிக்கெட் போட்டிக்காக அகமதாபாத்தில் இருந்தபோது இந்த மிரட்டல் விடுக்கப்பட்டது. தகவல் கிடைத்ததும், அகமதாபாத் குற்றப்பிரிவு விசாரணையைத் தொடங்கி, குற்றம் சாட்டப்பட்டவர்களின் இருப்பிடத்தைக் கண்காணிக்கத் தொடங்கியது. குற்றம் சாட்டப்பட்டவர்கள் மேம்பட்ட சிம் பாக்ஸ் தொழில்நுட்பத்தைப் பயன்படுத்தினர், சில சமயங்களில் அதைக் கண்காணிப்பது கடினம் என்று போலீசார் தெரிவித்தனர்.

சிம் பாக்ஸ் பயன்படுத்துவோரின் இருப்பிடத்தை ட்ராக் செய்வது கடினமாகும். குற்றம் சாட்டப்பட்டவர்களின் இருப்பிடங்கள் மத்தியப் பிரதேசம், உத்தரப் பிரதேசம், பீகார் மற்றும் பஞ்சாப் ஆகிய மாநிலங்களில் கண்டுபிடிக்கப்பட்டன. பாகிஸ்தானில் செயல்படும் போலி ட்விட்டர் ஹேண்டில்களில் இருந்தும் மிரட்டல்கள் விடுக்கப்பட்டதாக போலீசார் தெரிவித்தனர். வியாழக்கிழமை அகமதாபாத்தில் நடந்த பார்டர்-கவாஸ்கர் டிராபியின் கடைசி டெஸ்ட் போட்டியின் தொடக்க நாளில் பிரதமர் மோடி மற்றும் ஆஸ்திரேலிய பிரதமர் அந்தோணி அல்பனீஸ் ஆகியோர் கலந்து கொண்டனர்.