அம்மன் கோயிலில் பெண் அதிகாரிக்கு குங்குமம் வைத்த காங்கிரஸ் எம்.பி. - பெரும் பரபரப்பு
கர்நாடக மாநிலம், மைசூரில் உள்ள சாமுண்டீஸ்வரி அம்மன் கோவிலில் காங்கிரஸ் எம்.பி., பெண் அதிகாரி சாமி தரிசனம் செய்தனர்.
கர்நாடக மாநிலம் மைசூருவில் உள்ள பிரசித்திபெற்ற சாமுண்டீஸ்வரி அம்மன் கோவிலுக்கு சாம்ராஜ்நகர் தொகுதி நாடாளுமன்ற உறுப்பினர் சுனில்போஸ் சாமி தரிசனம் செய்ய வந்தார்.
பெண் அதிகாரிக்கு குங்குமம்:
அப்போது கோவில் முழுவதும் பாதுகாப்பு பலபடுத்தபட்டது. மேலும், எம்.பி.கோவிலுக்கு வருகை தந்த போது அவருடன் சுற்றுலா துறை இணை இயக்குனர் சவிதா மற்றும் அதிகாரிகள் பலர் வந்தனர். அனைவரும் சாமுண்டீஸ்வரி அம்மனை தரிசித்தனர்.
பின்னர் சாமுண்டீஸ்வரி அம்மன் சன்னதி முன்பு சுனில் போஸ் எம்.பி. அதிகாரி, சவிதாவின் நெற்றியில் குங்குமம் வைத்தார். அவர் அதிகாரி சவிதாவுக்கு குங்குமம் வைத்த விதம் உடன் இருந்த அனைவருக்கும் அதிர்ச்சி அடைந்தனர். தேர்தலின்போது சுனில்போஸ் தனக்கு இன்னும் திருமணம் ஆகவில்லை என்று தன்னுடைய பிரமாண பத்திரத்தில் தெரிவித்து இருந்தார்.
இந்நிலையில் பெண் அதிகாரி சவிதாவுடன் இருக்கும் புகைப்படத்தை தேர்தல் அதிகாரியிடம் ஆதாரமாக கொடுத்து, சுனில் போசுக்கு திருமணமாகி விட்டதாக பா.ஜனதாவினர் தெரிவித்தனர். ஆனால் அதை சுனில்போஸ் மறுத்தார். தற்போது அவர் சாமுண்டீஸ்வரி அம்மன் கோவிலில் அதிகாரி சவிதாவிற்கு குங்குமம் வைத்தது பெரும் சர்ச்சையை ஏற்படுத்தி உள்ளது.
இதுதொடர்பான புகைப்படங்களும், வீடியோக்களும் சமூக வலைதளங்களில் வைரலாகி பரபரப்பை ஏற்படுத்தி உள்ளது.
தலைப்பு செய்திகள்
ட்ரெண்டிங் செய்திகள்
