7 AM Headlines: கலைஞர் நூற்றாண்டு ஏறுதழுவுதல் அரங்கம் இன்று திறப்பு.. போட்டியில் களமிறங்கும் தமிழ் தலைவாஸ்.. இன்னும் பல!

7 AM Headlines : கடந்த 24 மணிநேரத்தில் நடந்த முக்கிய நிகழ்வுகளை தலைப்புச் செய்திகளாக பார்க்கலாம்.

இன்றைய தலைப்புச்செய்திகள்

தமிழ்நாடு:

• முதலமைச்சர் மு.க.ஸ்டாலின் தலைமையில் தமிழ்நாடு அமைச்சரவை கூட்டம் நடந்தது; புதிய தொழில் முதலீடு குறித்து முக்கிய முடிவு
• நேதாஜி சுபாஷ் சந்திரபோஸ்தான் முக்கிய காரணம்; இந்திய சுதந்திரத்திற்கு காந்தியின் போராட்டம் பலன் அளிக்கவில்லை - ஆளுநர் ஆர்.என்.ரவி பேச்சு
• ஆம்னி பேருந்துகளை கிளாம்பாக்கத்தில் இருந்துதான் இயக்க வேண்டும் - அமைச்சர் சிவசங்கர் அறிவிப்பு
• மதுரை: கலைஞர் நூற்றாண்டு ஏறுதழுவுதல் அரங்கத்தை இன்று திறந்து வைக்கிறார் முதலமைச்சர் மு.க.ஸ்டாலின்
• வேங்கைவயல் விவகாரத்தில் 31 பேரின் டி.என்.ஏ ஒத்துப்போகவில்லை - சிபிசிஐடி தகவல்
• அவைக்குறிப்பிலிருந்து நீக்கப்படும் பேச்சுகளும் வருவதால்தான் சட்டப்பேரவை நிகழ்ச்சிகளை நேரடியாக ஒளிபரப்ப முடியாது - உயர்நீதிமன்றத்தில் தமிழ்நாடு அரசு தகவல்
• மக்களவை உறுப்பினரும் திமுக பொருளாளருமான டி.ஆர். பாலு எழுதிய ’பாதை மாறா பயணம்’ புத்தக வெளியீட்டு விழா நேற்று அண்ணா அறிவாலையத்தில் நடைபெற்றது.
• நொடிக்கு ஆயிரம் பொய்களைத் திட்டமிட்டு உருவாக்கும் இனப் பகைவர்களின் அவதூறு பரப்புரைகளை முறியடிக்க வேண்டும் என்று முதலமைச்சர் ஸ்டாலின் தெரிவித்துள்ளார்.
• குடியரசு தினம், தைப்பூசம் என தொடர் விடுமுறையை முன்னிட்டு, தமிழ்நாடு அரசு போக்குவரத்து கழகம் சார்பில் சிறப்பு பேருந்துகள் இயக்கப்பட உள்ளது.
• சென்ட்ரல் ரயில் நிலையத்தில் ரூ.17.75 கோடியில் ஏசி ஓய்வு அறை: தெற்கு ரயில்வே அறிமுகம் 
• மெரினா கலங்கரை விளக்கம் அருகே இந்தியாவில் முதன்முறையாக கடற்கரையில் அமைக்கப்படும் மெட்ரோ ரயில் நிலையம்

இந்தியா: 

• மறைந்த பிகார் முதலமைச்சர் கர்பூரி தாக்கூருக்கு பாரத ரத்னா விருது அறிவிக்கப்பட்டுள்ளது. 
• மக்களவை தேர்தலுக்கு முன்பு மகளிர் இட ஒதுக்கீடு மசோதாவை அமல்படுத்தக் கோரி தொடரப்பட்ட வழக்கில் பதில் அளிக்க மத்திய அரசு தரப்பில் கால அவகாசம் கோரப்பட்டுள்ளது.
• நேற்று முன்தினம் பிராண பிரதிஷ்டை செய்யப்பட்ட ஐந்து வயது சிறுவன் வடிவிலான ராமர் சிலைக்கு பாலக ராமர் என பெயர் சூட்டப்பட்டுள்ளது. 
• நேற்று முதல் நாளே பக்தர்கள் கூட்டம் அலைமோதியதால் அயோத்தி ராமர் கோயிலில் கடும் கூட்ட நெரிசல் ஏற்பட்டது.
• சீன ஆய்வு கப்பல் ஒன்று இந்திய பெருங்கடலில் நுழைந்துள்ளதாகவும், அது மாலத்தீவை நோக்கி நகர்ந்து வருவதாக தகவல் வெளியாகியுள்ளது.
• இந்தியா, இலங்கை இடையே பாலம் அமைக்கும் பணியை மத்திய அரசு தொடங்க உள்ளதாக தகவல் வெளியாகியுள்ளது.
• சொத்துக் குவிப்பு வழக்கில் பறிமுதல் செய்யப்பட்ட ஜெயலலிதா நகைகளை தமிழக அரசிடம் வழங்க வேண்டும்: கர்நாடகா அரசுக்கு சிறப்பு நீதிமன்றம் உத்தரவு

உலகம்:

• சீன நிலச்சரிவு: மண்ணுக்குள் புதைந்த 31 பேர் மீட்பு
• பிரேசில்: கடலில் படகு கவிழ்ந்த விபத்தில் 6 பேர் உயிரிழப்பு.
• மின்சாரம் துண்டிப்பு: ஜப்பானில் புல்லட் ரயில் சேவைகள் திடீர் ரத்து.
• பாகிஸ்தானில் வரும் பிப்ரவரி 8ம் தேதி நாடாளுமன்ற தேர்தல்: பாதுகாப்புக்காக ராணுவத்தை நிறுத்தும் பாகிஸ்தான்.
• அரசியலில் இருந்து விலகினார் ஆஸ்திரேலிய முன்னாள் பிரதமர் ஸ்காட் மோரிசன்.
• அமெரிக்காவில் சட்டவிரோதமான நாட்டிற்குள் நுழையும் மில்லியன் கணக்கானோர் - டொனால்ட் ட்ரம்ப் குற்றச்சாட்டு

விளையாட்டு:

• ரவி சாஸ்திரிக்கு வாழ்நாள் சாதனையாளர் விருது வழங்கியது பிசிசிஐ.
• ப்ரோ கபடி லீக்: தெலுங்கு டைட்டன்ஸ் - தமிழ் தலைவாஸ் அணிகள் இன்று மோதல்.
• ஆசிய கோப்பை கால்பந்து: கடைசி லீக் ஆட்டத்திலும் தோல்வியை சந்தித்த இந்தியா.
• இங்கிலாந்துக்கு எதிரான டெஸ்ட் தொடர்: கே.எல்.ராகுல் விக்கெட் கீப்பராக செயல்பட மாட்டார் - ராகுல் டிராவிட்